NAHUM 1:7 - BAIBEL (BSI)

⁷ AMPEU ye aloke; shiluksa ghulokilo pano pawu timiqo susholu cheni; khunono pa lau ideighi nikeno pano tuchomujo cheni.

Sumi Naga CL (Re-edited) Bible (BSI)

⁷ Ampeu ye aloe, shiluküsa tsala lo sükusho-a; khunono Pa ije cheni keno Pa no ithi ani.

NAHUM 1:7 Referans Kwoze

2 Tim. 2:19

Ikemu Alhou no ghope qhikeu akumto boqha huye tulamlae; tipaulo ishi yepuku puanike: “Khunoqono Ampeu wu timi keno pano tipaqo ithi ani,” eno “Ampeu laumi ke pichekeqoye alhoksa kumla launo putosuvelo.”

John 10:27

Iwu bheriqoye isutsa chilu chenie ino panoqo ithi ani eno panonguno ipape cheni.

AKUMLO 3:25

AMPEU ye pa pukhu chekemi ju alo cheni.

John 10:14

Niye akheu akiviuke. Apu no ni ithi ani, eno ino Apuh ithi ani, tihutoi ino iwu bheriqo ithi ani eno panonguno ni ithi ani. Niye panoqo ghenguno ikuxu pephetsu cheni.

LESHELE 100:5

AMPEU ye aloke; pa kikimiye lhokta kutoloke eno pa pukhukuluye alhokupuju ache nani.

LESHELE 27:5

Shiluksa tsalalo pano isushope kusuluve nani; Pa chineki qholo pano ipesu kusuluve nani; eno atuqu qhemghai keu shou pano ipe qhive nani.

AHOLE 18:10

AMPEU ye aliwo kumto lakhi toike amikuchomino tipaulo wuluno xulu nani.

LESHELE 1:6

Kughengu AMPEU no amikuchomi laghi ithi acheni, ikemu kixikilami laghiye puhave nani.

Galatiami 4:9

Ikemu itehiye nonguye Alhou ithivae, momu piniaye Alhou no nongu ithivae, tishiaye nonguye kishi puzu idechilewo qeinayikeu eno aqu agha ghahwu qu-axemi shikithenishi cheni kya?

ISAIAH 25:4

Kumlhomi ngo kuhakemino olau powuke eno shiluksa ghulokilo nono panoqo puxupe qhike. Nono pasapagha launo panoqo kusuqholuve eno pitipuzakeu kushu lono panoqo susholuve. Ayikusamino susutsalalo pasapagha toi leighike, qhaike yeghilo tsughumoveke tsala toike.

YEKIKITHI ATUGHIU 16:34

Shikimthi keu AMPEU tsulo, kughengu paye aloe; pa kikimiye lhokta kutolo acheni.

JEREMIYA 33:11

alokivi ngo alokiqishi ighakeu sutsa eno kulakupu ghulhu lokivi sutsa chilu nani. Timiqono iAchine ki lo shikimthi kumllagho peighikelo alephekeu nonguno chilu nani; panonguno ishi pinani, ‘Aqokitikhi MPEU lau shikimthi tsulo, kughengu paye aloke eno pa kikimiyeye lhokta kutolo acheni!’ ” “Ino ayeghi hipau pesu puzuu toi kinikulu shipe nani. Ni, AMPEU no piqhiveake.”

LESHELE 86:7

Ino shilusa ake ghulokilo okuani, kughengu nono ikighini khochile cheni.

ISAIAH 32:2

Panoqo lakhikhino amlhu launo susholukeu toi nani eno pasapaghalo itshuluke-a toi nani. Panonguye asayeqhalo aghokiti qowu ake toi nani, asutsuni kuhake-alo atuqu kuloghi yekukhu toi nani.

LESHELE 25:8

AMPEU ye alo eno amikuchoe tighenguno pano axinemi lau pa laghi shika piye cheni.

DANIEL 3:28

Akukauno pi, “Shadrak, Meshak eno Abednego noqo Lhou shelo, pano kungumi puwu puzu pa pulu chekeqo xapheluve peke. Panongu kuxu puwove tsumu tano panongu Lhou nguno alau kutau zulo pishiqhope mllamopi ino ahza tsu keu ghi lutsu moveke.

LESHELE 71:3

Noye ino ijehlukepu tuqu lakhi shilo, ixalukepu liwo kumto shilo; kughengu noye ituqu eno iliwoke.

LESHELE 91:15

Kughou panonguno ikuni keno ino khochile nani; panonguno shiluksalo akelo ino panoqo gholo anani. Ino panoqo xaphelu eno panoqo suqhepuku nani.

LESHELE 59:16

Ikemu niye okuka kumto ghili le pheni; inaqhe atsu-tsu owu iqemokeu kikimiye shipili ani cheni. Noye ino su ijehlu chekeuke, shiluksa ghulokilo isushokuluu.

LESHELE 50:15

Shiluksa ighikelo ivilo pilo, ino nongu xalunike eno nonguno isheqhe nani.’

DANIEL 6:23

Akukauye alovi sheveno abongushu kilono Danel sunhephe luvelopi ahza tsuve. Tileno panonguno Danel sunhephe pe jukelauye kiu lomu ghuza puaghimove, kughengu pano Alhou shou pulube acheke.

Rommi 11:22

Alhou ye kishi kimiyekini eno mughachhoi keno hileno ithi: iluqivekemiqo lau paye mughachhoi, ikemu nongu lau kimiyekeu ae, tsala nonguno pawu kimiyekinilo cheche aye ta, ikemu tikumoaye nongu ghi micheve nani.

YEKIKITHI AKINIU 32:21

AMPEU no kungumi lakhi puwu keuno Asiriyami ghushimi ngo kijemiqo heqhikhave tsuke. Tighenguno akukatou ye kujoqhiyi Asiriya lo idechile wove peke. Ghulo lakhi paye pa lhou chine kilo ake lono panu khamino azuta pesu pa ghiqhive.

MATTHEW 27:43

Pano Alhou shou pukhube acheni eno paye Alhou Nu ke ipi cheni. Tishiaye, Alhou ye itehino pa xapheluni cheni kemo keno junie!”

MATTHEW 7:23

Tileno ino tipanoqo vilo ishi piqhi nani, ‘Niye kutulamu nongu mthae; nongu lhoksakugha shichekeqo, ilauno chevelo!’

EZRA 3:11

Panonguno hipau lephe pesu AMPEU akishe tsu hitoi pheide ae: “AMPEU ye aloe, pa kikimiye eno pa kukupu Israilmi lau lhokta kuto acheni.” Timi kumtsuno akiqheu lono igha AMPEU she, kughengu achineki boqha kumla shiluveke hu.

YEKIKITHI AKINIU 32:11

Hezekiya no nongu vilo AMPEU nongu Lhou no nikuka lono nongu xalu nani kepi pi anike ikemu Hezekiya ye nongu pishiqhi anie eno nongu pelo akhuava shi thipe niye anike.

YEKIKITHI AKINIU 32:8

Paye timi launo ighi keu kuka anike ikemu ninguye nikuphuni ke eno ni ghenguno aghu shitsuni keu AMPEU ni Lhou anie.” Timiqoye akukau tsa hipaqono panoqo shikumtoluve.

YEKIKITHI ATUGHIU 5:20

Panonguye Alhou lau pukhube eno panongu kuphu tsulopi inikhu eno Alhou no panongu kighini chilutsu puzu panonguno Hagritmi eno pano kuphu akeqo shou tokulu shilupe.

LESHELE 20:1

Owu shiluksa tsalalo AMPEU no okhochile peni! Jakob Lhou jeno osusho peni!

LESHELE 37:39

AMPEU no amikuchomi xalu cheni eno shiluksa ghulokilo panoqo susho cheni.

LESHELE 37:40

AMPEU no panoqo kuphu eno xaphelu cheni, pano kixikilami launo panoqo xalu cheni, kughengu pa pelo susholupeniye panonguno pukhuke.

JEREMIYA 16:19

AMPEU, nono isusho chekeuke eno akumto itsu cheni; shiluksa do ghulokilo nono ikuphuke. Ayeghi shekha kudauno ashiayehqono olau ighino pi nani, “Nipuasuqoye kichile lhouqo kumoaye kiumu kuhake, avehu kuhakeu asu atu julho thono kiumu kuhake.

JEREMIYA 17:17

Ilau akuighupu shikevilo; kughou akupuna ighini keno nono ixakulupu-a ke.

JEREMIYA 24:5

Ni, AMPEU, Israil Lhou no kihilu akeuye timi Babilon lo sawuve kemiye khughuthi kivi hipaqo toike, ino kimiyeqhiyi panoqo peitha nanike.

JOYIL 3:16

Zion Toghi lono AMPEU no igha; Jerusalem lono pa sutsa tsutsukusu toi pike; ayeghi ngo atsutsuno khokhoshike. Ikemu pano pawu timiqo susholu nani.

ZEFANIA 3:12

Tilehi ino akumtshami eno aqhokighemi qhipua nani; panonguno akukuphu phususu ilau ighi nani.

YEKIKITHI AKINIU 13:18

Ike Juda lo akemino Israil lo akemiqo shou tokulu shiluve kughengu panonguno AMPEU panoqo puasu Lhou shou pukhubeke.

LESHELE 9:10

Eno khunono oje ithiani keno tipa qoye oshou pukhube cheni, kughengu khunono ophuju cheni keno noye tipaqo pheve chemo.

LESHELE 46:2

Ikehu ayeghi sukinileve eno naghutono azughi kutholo iluqive,

ISAIAH 50:10

Nongu khunoqono AMPEU gihu cheni eno pa qeu tsa aghokulu shicheni keno, nonguno pula chekeu laghiye kuchouno zumoi aghiluvi, ikemu AMPEU pululo eno no Lhou shou mumubepe alo.