NAHUM 1:6 - BAIBEL (BSI)

⁶ Kughou pano axu ideni keno khuno xukulupu kya? khuno pa loghu pukulupu kya? Pano pa loghu amikuyiqu toi leqhike; pa zulo atuquye ipopinyi amkhu shiveke.

Sumi Naga CL (Re-edited) Bible (BSI)

⁶ Khuu no Pa xukighide zülo puthugho luni kea? Khuu no Pa mlokighide kushu puqhe luni kea? Pa loghu no ami toi ghuqhi, Pa no atuquqo mukhumuno shi kubove tsü.

NAHUM 1:6 Referans Kwoze

JEREMIYA 10:10

Ikemu AMPEU, noye kuchou Lhou ke, noye xuakeu Lhou eno lhokta kukau. Nono aloghu ide kelo ayeghiqhano itha; ashiayehqoye ologhu pumlake.

MALAKI 3:2

Ikemu pano ighi kelo khuno tipa tsala puqhekulupu kya? Pano ipeghi kelo khuuno xuaghikulupu shi nani kya? Paye sapun-xo susuikeu toi nani, ghukimthe chekeu mikuyiqu toi nani.

NAHUM 1:2

AMPEU ye aghichikupo Lhou ke; pano pa mujochile kemiqo ghime cheni. Pa loghu kighide lono pano tsuchile cheni.

LESHELE 76:7

Ikemu AMPEU, noye kumtsuno musa ighuke, nono axuide akelo khunomu ozulo puthugho mlake.

EZEKEL 30:16

Ino Ijip lo ami sunani eno Pelusium ye amlo kusa kije shi nani. Theb putukeuye ipopinyive nani eno aphughiye yeliqoleive nani.

AKUMLO 4:11

AMPEU no pa loghu kighide kumtsu pephe eno pa mlo kighide tuleke; Pano Zion lo ami lakhi kuyiquno tipau boqha pitipuhave.

AKUMLO 2:4

Aghumi toi pa piji pesu ni mijike; Pano ami toi axukighide lepheno achinekilo Zion limi nino jupe amloqi chekeqo pithi khavetsue.

ISAIAH 27:4

Niye atsayilu lau aloghu ide chemovae. Asahu ngo aghusahu sasu aghushi kepushi tile likhino ino tipaqo qhoi pitivenike.

ISAIAH 10:16

Tighenguno aqokitikhi MPEU no akusu puwu puzu itehiye aqu-leleyi akeqo ghimeqhini cheni. Panoqo phimpilo amino piti-tiqhi anani.

LESHELE 90:11

Timi khuno ologhu kighide kumtsu puju akya? khuno oxukighideno akumsa sughikeu ithi ani kya?

LESHELE 2:12

Khokhoshi pa zulo itsaiqilo, tikumoaye, pano aloghu ide ithughive nani eno nonguye zuleno thive nani. Khunono pa suijelu cheni keno tipano lokivipue.

KUKAMI ATUGHIU 19:11

AMPEU no pa vilo pi, “Ipe puzuno naghuto tsuqolono izulo puthugholo,” ipi. Tishino AMPEU no vechewuno ighono kumsa kimshipu mulhu pesu atoghi tipau fuphovetsu eno atuquqo ghi kughutha kubo piniyive, ikemu AMPEU ye amlhu lomu kuhae. Amlhuno mulhu tave, tipashelo ayeghi itha ighi ikemu AMPEU ye ayeghi kughutha lomu kuhae.

Piyeküsü 16:8

Kungumi abidiuno pa bohu pesu tsukinhe shou leqhipuku, eno tipau pelo ami pesu timi phuqhipe nikeu shive.

Piyeküsü 16:1

Tileno achineki lono asutsa kuloghi lakhino kungumi tsuni vilo ishi pikeu sutsa ino chilu: “Wulo eno Alhou loghu bohu ayeghi shou lepukulo!”

Piyeküsü 6:17

kughengu panongu loghu tsala ighivae eno khuno tipaulo puthugho kulupu kya?”

JOB 40:11

Ologhu kighide lepesu aqhekuzami shou pukujulo eno pa haqhiveju lo.

LESHELE 130:3

Nono ni xine hekutsukiyi pe qhi puaghi aye khuuno nono kileqhive nikeu lono pokulupu kya?

ISAIAH 13:13

Ni AMPEU Akughushuno iloghu piyenike tsalanilo ino kungugha sukughutha nani eno ayeghiye pa-a lono sukini kiqeve nani.”

ISAIAH 66:15

AMPEU ye ami gholono ighi nani. Paye pano aloghu ide akemi ghimeqhinike pasapagha chishibo shou iku nani.

JEREMIYA 21:12

“Ni, AMPEU no piakeu inilo. Tsala kipetsulo kuchou xakutha shitsunikeu shilo. Timi khuno pishiqhiluve puzu itaghi qoda qhi pesu anikeno pishiqhiluve keu timi ulono pa susholuve tsulo. Nonguno tipau shimo aye, nonguno alhoksa shikeu huno ami pinhemlakeu toi iloghu kighide iqu auvepe nani.

EZEKEL 7:8

“Itehiye itheno ino nongu shou iloghu kighide kumgho pukuni cheni. Nonguno kiu shipuani keno tipau ghenguno niye nongu shou kughathabe ani eno nonguno kuchhube keu mlake ghenguno ino nongu lochileve nanike.

EZEKEL 21:31

Nonguye iloghu kighide pu nani, ami kuyiqu toi tipau nongu shou ino hipukuni chenike. Ino nongu kughape tughashi toikemi, heqhi buqhikelo shitsamiqo ulo suvetsu nani.

EZEKEL 39:6

Ino Magog ghakhulo eno azughi sukumxalo timino bukughuthamono kughuna achekeqo ghakhulo ami suvetsu nani eno timi kumtsuno niye AMPEU kepi ithi nani.

ZEFANIA 2:2

nonguye axamunu lakhi toi ighuyiveno thive mphi lono ighilulo, nongu shou AMPEU loghu kighide ighi mphi lono, pano muqhumzai mphi lono ighivelo.

MALAKI 4:1

Aqokitikhi MPEU no pi, “Aqhekuzami ngo alhoksa kumlami kumtsu aghijini toi pitinikeu tsala cheni. Tipa tsalalo panonguye pititha pinyive nani eno panoqo pitikeu kiumu kuhave nani.

JOB 9:5

Khumu mthano pano naghuto pe kiqeve cheni, eno pa xuide kelo tipaqo pukhuleve cheni.

JOB 26:11

Pano alomi pikelo atsutsu choqhepe akeu tsuqono lalashi itha cheni.

LESHELE 76:8

Kungugha kudauno nono owu kughakutha ithipeke; ayeghiqhaye musae eno inaqhoiveke.

ISAIAH 33:14

Zion lo axine shiche kemiqoye musaighu khokho shi ani. Panonguno ishi pi, “Alhou wu kughakuthaye pulhapuju ami toi iqu acheni. Ningu khuuno titoikeu mi lono puxukulupu kya?”

AKUMLO 2:3

Pano muqhumzai Israil kumto hepholeve tsu; Kughono aghumi ighi keno paye nishou axu ideke eno ami toi thwokha shipusave tsu.