MICAH 2:10 - BAIBEL (BSI)

¹⁰ Ithulo eno wuvelo, hilauye inaqhoi ngokulupu-a kumoke. Nongu xineno a-a hipau kutsaleve nikeushi kutoveake.”

Sumi Naga CL (Re-edited) Bible (BSI)

¹⁰ Ithu no wuvelo, kughengu hi ye akulhokiqhi-a kumoe, mithekumo khikhino shishe kütsakungo cheni keno tipau ghenguno ke.

MICAH 2:10 Referans Kwoze

ZAKINIU 12:9

kughengu nonguye AMPEU nongu Lhou no ayeghi tsuakeulo ilomphi kehue, tilau nonguno iquighai xulu nanike.

LESHELE 106:38

Panonguno pimimo mithe kemi anuliqo pithive keu ghenguno ayeghiye ghikiqhimino shipixi veke.

JEREMIYA 10:18

AMPEU no ayeghi hipau lono nongu ikhipeveni cheni; nongu milakhimu aghike kutolo paye nongu chishedaqhini cheni. AMPEU no piveake.

JEREMIYA 9:19

Zion lo ighakeu sutsa inilo, “Ninguye hephokicheivae! Ninguye qhoi shikukujo khavae! Ninguye nighakhu qhive masavae; nikiqoye hexapinyi tulaqhivae.”

LESHELE 95:11

Niye aloghu ideve eno ashoqhi hipau shive: ‘Ino akulho kiqhi tsuniye akeu yeghi lo nonguye khilemu ilomla nani.’ ”

YEKIKITHI AKINIU 7:20

tileno ino nongu tsupua keu yeghi lono nongu ikhive nani eno imlla penike-a lakhi likhi ino shikimthe pesu ikhilu keu Achineki hipau ino qhive nani. Aqha kumtsulo timiqono hipau thaigha eno kutha kughapu shi hipau peitha nanike.

KUKAMI AKINIU 17:6

Hosheya no kakeu mpe atokuu shi akeno, Asiriyami kukau no ighino Samaria leluve eno Israilmi kughasusu Asiriya lo akughumi shi sasuwuve eno panongu khami kughapesu Hala phughilo ngovepe eno khamino sawo Gozan distrik lo Habor ghoki phivilo qhive eno khamino Mediya phughilo ngovepe.

KUKAMI AKINIU 15:29

Peka no ka ake ghuloki lono Asiriya lo akukau Tiglat Pilaser no aphughi hipaqo leluvetsu, tiye Ijon, Abel Beth Maaka, Janoa, Kedes, Hazor, Gilead, Galil eno Naftali ghakhulo akeqo ghi leluvetsu puzu timiqo kugha sasu Asiriya lo akughushi sawuve.

KUKAMI ATUGHIU 9:7

ino iwu timi Israilmi ino ayeghi panongu tsuvekeu alono hapheve nani. Imllapeniye a-a khikhi ino shikimthe vetsu akeno akumllaki hipau ghi phevetsu nani. Tithiuye a-a kumtsu lono timiqono Israilmi jukunathano pipusauve nani.

ZAKINIU 30:18

nonguye kutsaleve nani, itehi eno hileno ino nongu ghutuve anike. Jordan kathasu ayeghi hukukuu akeu nonguno ngoluniye akeulo ado kushuwa xumlave nani.

ZAKINIU 4:26

Ino atsutsu ngo ayeghi kupuzu ishi tsala lono nongu shou thopi shianipeke nonguno ighobideve aye nonguye aghakhu lono pai hauve nani. Nonguye Jordan hukukuu nonguno ngoluniye kuto akeu ghakhulo ado kushuwa xumlave nanike, nonguye ghumono kutsaleve nani ke.

JEREMIYA 3:2

Atoghi kutsuqalo jupukulo. Nonguno kusalhami toi zumokeu-a khile ani kya? Arabmino asayeqhalo timi heqhi nike miqe khe akeshi nonguno ala phivilo alojipumi khe acheni. Nongu salhano ayeghi shipixi khave ake.

EZEKEL 36:17

“Thinikuau timio, Israilmi pano ghakhulo kughuna achekelo, panono xuchekeu ghola eno mla ithakeu pesu tipau shipixiveke. Niye panoqo wu ghusho ghili pesu akhuayelo mithemokeu shi kihicheke tiye totimino aqhi aqhilo aji pochekeu toike.

EZEKEL 36:19

Panonguno xuchekeu eno mla ithachekeu jupesu ino panoqo kideqhiveke eno ashiayeh kutami gholo eno pano ghumi ghakhulo hale puwuveke.