MICAH 1:6 - BAIBEL (BSI)

⁶ Tighenguno AMPEU no piani, “Ino Samaria pesu aluzalo ixapinyi vekeu muqo lakhi shitsu nani, atsayibo shokusu a shivetsu nani. Aphughi tuleqhive keu bazu abokhuqalo lepiqi nani eno aphughi shikeu boqha nhamono ithulupe nani.

Sumi Naga CL (Re-edited) Bible (BSI)

⁶ Ikehu I no Samaria pesü xine-xigha pekilepu-a shive tsüni, atsaibo shokepu-a shive tsüni, eno li tuquqo pesü akhila lo kulu piqive tsüno li boqhaqo xaleve tsü nani.

MICAH 1:6 Referans Kwoze

EZEKEL 13:14

Panonguno akuptulo metsughoi nuda keu hephopinyive tsunike niye kumsupuvae, aboqha tuquqo thoqhalei qhinikeu shiani. Tipau ilaiqive nani eno nongu kumtsu pithive nani. Tithiuno niye AMPEU kepi kumtsuno ithi nani.

MICAH 3:12

Tishiaye nongu ghenguno Zion ye aluqa toi hokideve nani, Jerusalem ye ixapinyi pesu kumqove nani eno Achineki toghiye aghasu ilhove nani.

AKUMLO 4:1

Niwu shunayi phuphuikeu huye nhaquivae; Achineki tuquqoye alaghilalo tuleqhi pesu ngo akhani.

KUKAMI AKINIU 19:25

“Ino hipaqo kumtsu azuuno khaghino kughupesu qhitsuepi nonguye khilemu chimla aphi kesha? Itehiye ino hipaqo kumtsu kughuqhi tsu ani. Ino nongu pelo putukha pesu akeu phughiqo pesu kubopiniyikeu tu kughulhove tsu kulupu kuka tsue.

MATTHEW 24:2

Panongu vilo pano ishi pitsu, “Nonguye hipaqo kumtsu ithulu ani kema? Kuchouno ino nongu vilo pini, hile atu lakhimu lakhi shou bepe ngo move nani, hipaqo kumtsu tule qhive nani.”

HABAKUK 3:13

Nono owu timiqo xalu nike wuke, tiye nono kisheluvekeu akukau xaluniyeke. Nono kusakughami sakipheu hekuluqhike eno pa papechekemi kumtsu kutsalevetsu.

AMUS 5:11

Nonguno kumlhomi qoda cheni eno pano thi suxaluve cheni. Tighenguno nonguno atu pesu aki kivi shipuakeulo nonguye ngomla nani momu atsayilu kivi nonguno chipe puakeu lono atsayiji shomla nani.

HOSIYA 13:16

Samaria no ishou hebideke ghenguno aghime tsumasae. Tilehi timi akeqoye aghukishi lono thi nani; anga kughunuqoye ayeghilo vedaqhi pithi nani eno mishipu aghikemi po ghilevetsu nani.”

JEREMIYA 51:37

Tipau ghakhuye ixapinyi alusama qhepua keshive nani khilehi tughashi ngocheni keno. Tiye juighu kepu a shive nani; timi lakhimu tilehi kughuna move nani eno tipau ithulu kemi kumtsu shikichiqhive nani.

JEREMIYA 51:25

Babilon noye naghuto lakhino ayeghiqha kumtsu kutsaleve keu toike, ikemu ni, AMPEU ye oghumike. Ino otsuquluve nani, ayeghi lo osunhe kuluqhive nani eno ayevulo oqhive nani.

JEREMIYA 9:11

AMPEU no pi, “Ino Jerusalem pesu ixapinyi kumqove nani, sherqo kungo-a shitsuni; Juda lo aphughiqoye asayeqha shive nani timi khunomu ngomovekeu-a shive nani.”

ISAIAH 25:12

Pano Muabmi liwo eno tilehi putukeu qhemghaikeqo kutsave nani eno tipaqoye ayeghi mukhu lo kuluqhiveno ayeghilo hedave nani.

ISAIAH 25:2

Nono aphughiqo pesu ixapiniyive tsuke eno tipaqo liwo kuptu kutsa pinyive tsuke. Nighumino aki kuloghi shikeqoye alhokupuju ghenguno hauvae.

SAMUEL AKINIU 17:13

Pano aphughi lakhilo idewove aghi aye ningu wu timino akighi kipili suwono aphughi tipau sulaqhi pesu akhila chhiliu piqivetsu nani. Ato tsuqa tipaulo atu tachumu ghutsumove nani.”

ISAIAH 17:1

AMPEU no pi, “Hinguno hilauye Damaska ye aphughi shimove nani; hiye shipusape qhive nani.

JEREMIYA 31:5

Itaghi nonguno Samaria toghiqolo atsayilu chi nani, eno khunoqono tipau chini keno atsayilulo ipeghikeu panoqono chulu nani.

KUKAMI AKINIU 18:9

Hezekiya no kakeu mpe abidiu shi ake ghulokilo Hosheya ye Israil lo kakeu mpe akutsuniu shia—tipaghuloki lono Asiriya lo kukau Shalmaneser no Israil le iloghi eno Samaria phughi bothaluve.

KUKAMI AKINIU 18:10

Botha lekeu mpe akuthuu loye Samaria phughiye ikiqive; tiye Hezekiya no kakeu mpe akutsughou shi akelonoke eno Hosheya no kakeu mpe atokuu shi ae.

AMUS 6:8

Alhou, Aqokitikhi AMPEU no tsaqui piputo akeu lakhi tsuani: “Niye Israil lo akemiqo qhekuza jumithike; niye panoqono amekusho shi aki kuloghi shipuakeu junishimoe. Panoqo phughi atou eno tilehi aghikeu kumtsu pesu ino aghumi tsuve nani.”