MICAH 1:4 - BAIBEL (BSI)

⁴ Tileno amilo aghugha akeu toi naghutoqoye mulave nani; naghuto lono azu leqhi akeshi naghutoqoye abokhulo qoiqighive nani.

Sumi Naga CL (Re-edited) Bible (BSI)

⁴ Ami lono aghügha kümlave keshi naghutoqo no Pa zülo mlaghubeive nani, kunguu no azü peleqhi akeshi akhilaqo no iko ipeghive nani.

MICAH 1:4 Referans Kwoze

NAHUM 1:5

AMPEU zulo naghutoqono itha pa zulo atoghino azu ilhouveke. AMPEU no ipeghi kelo ayeghino sukinike; ayeghiqha eno tile akemi kumtsu khokhoshike.

LESHELE 97:5

Ayeghi kumtsu shou AMPEU zulo naghutono aghughazu toi azu ilhove.

HABAKUK 3:10

Naghutoqono no-ithulu kelo khokhoshive; atsutsu lono azu leqhike. Ayeghi qhou azu akeqono igha eno tipaqo zu kukuchono qhemghai iku.

HABAKUK 3:6

Kughou pano ngoveni keno ayeghino sukinike; pano jupuwo kelo ashi ayehqono khokhoshive. Alhokupuju achekeu naghutoqono ipopinyive; alhokupuju achekeu toghiqono ipa-ilove, kha-ghi pano khilehi chewuchekeno tipa toghiqoke.

AMUS 9:5

AMPEU Aqokitikhi Lhou no ayeghi bukeulo tiye ithawuve cheni; tipaulo akemi kumtsuno mloqauve cheni. Ayeghiqha kumtsu Nayil ghoki toi iku eno iluqive cheni.

XAKUTHAMI 5:4

AMPEU, nono kughou Seir naghuto qhivekeno nono kughou Edom ghakhu lono ipeghikeno, ayeghi sukini, eno atsutsu lono tsutsughu iqighi. Iyei, khungkusu lono azu leqhie.

Piyeküsü 20:11

Tileno ino akuka lakhu akuloghi lakhi metsughoikeu eno tipau shou iqa akeu ngo ishi ithulu. Ayeghi ngo kungugha pa zulono yeuveno ithumlave.

ZEKHARIA 14:4

Tipa tsalalo pano Jerusalem kipela kudau Oliv Toghilo puthugho nani. Tileno Oliv Toghiye kipelauno kulolau kutolo akhila kije lakhino supho kini shivetsu nani. Atoghi tuxaye ahuu iqeuve nani eno tuxaye apeu iqeuve nani.

LESHELE 68:2

Amichhi fusasu wuveke toi panoqo hapupoke; ami phivilo aghughano azu ilhovekeshi kixikilamiye Alhou zulono hauve cheni.

LESHELE 46:6

Ashiayeh kutamiye thughuive, ayehkipe qhaqoye sukinileqhi; Alhou no pa sutsa ighakelo ayeghiye mukhumuno shivae.