MICAH 1:1 - BAIBEL (BSI)

¹ Jotham ngo Ahaz eno Hezekiya no Juda lo kukami shiche ke ghulokilo Moreshet taun lo akemi Mika lau Alhou tsape hipau tsuke. Samaria ngo Jerusalem vehu hipaqo kumtsu AMPEU no Mika lau piyesu tsuke.

Sumi Naga CL (Re-edited) Bible (BSI)

¹ Jotham, Ahaz eno Hezekiah noqo no Judah lo kükami shiake ghuloki lo Moreshethmi Micah lau Samaria eno Jerusalem ghenguno Ampeu tsa ighi.

MICAH 1:1 Referans Kwoze

JEREMIYA 26:18

“Hezekiya no Juda lo akukau shi ake ghulokilo Moreshet ghami tungkupu Mika no timi kumtsu vilo Aqokitikhi MPEU no ishi pikeu pesu pike, ‘Zion ye aluqa lakhi toi hokideve nani, Jerusalem ye ixalepinyiveno kiche kumqo pe puaketoive nani, Achineki toghiye aghasa lakhi shive nani!’ ”

ISAIAH 1:1

Kaku hipaulo Alhou no Amuz nu Isaya lau Juda ngo Jerusalem vehu piyesukeu ani, hiye Juda yeghilo Uziya, Jotham, Ahaz eno Hezekiya noqono akukau shiake ghuloki lonoke.

HOSIYA 1:1

AMPEU tsa hipau Beeri nu Hosiya lau tsukeuye, Uziya, Jotham, Ahaz eno Hezekiya ishino Juda lo kukami shicheke ghulokilo eno Jehoash nu Jeroboam no Israil lo akukau shiake ghuloki lono ke.

AMUS 1:1

Hiye Amus tsake, paye Tekoa taunlo bherikhemi lakhike. Ayeghi ithanikeu ampe kini aphilo eno Uziya no Juda lo akukau shia, Jehoash nu Jeroboam no Israil lo akukau shiake ghuloki lono Alhou no Israil ghili hipaqo kumtsu pesu Amus lau piyesuke.

MICAH 1:5

Hipaqo kumtsu shini cheni kughengu Israil lo akemi qono axine shike eno Alhou hebideke. Israil no hebide akeuye khuu nguku kepu kya? Tiye Samaria phughi ke! Juda lo asu-atu mlla akeuye khuuno kuqu ani kya? Jerusalem no ke!

AMUS 6:1

Khunoqono Zion lo akuchhoma shi xuakhani eno Samaria tokujolo ililayi akhani keno tipaqo ghenguno ahasapuke, nongu, Israil shiayeh kije hipaulo kijemiqo; timiqono nongu kukuphu phuighi chekemiqo!

HOSIYA 8:14

“Israil lo akemiqoye akighiki shipuakhani ikemu panonguye panoqo Lhokeu kumsumavea. Juda lo akemiqono aliwo kuptu phughi shipe qhiani. Ikemu ino ami puwu puzu panoqo kighiki ngo panoqo phughiqo pitilekhave nani.”

HOSIYA 4:15

“Nongu Israilmino ilau pichebemla keu shiaghie pinamu, Juda pelo tipaphi shi kuqupe kevilo. Gilgal momu Bethel lo mllawu kevilo momu tilau akuxupu AMPEU jelono ashoqhi shikevilo.

ISAIAH 7:9

Israil ye tipau phughitou Samaria nguno akumtou kumoke eno Samaria ye Akukau Peka nguno akumtou kumoe.” “Nongu kupulu mutotoi monapiaye nonguye ngosumla nani.”

HABAKUK 1:1

Hiye AMPEU no Habakuk tungkupu lau piyesutsu keu sutsake.

2 Peter 1:21

kughengu tungkuputsaye timi gho apulou lono ighipe puamoe, ikemu Aghungu Kimthe no peitha keu lono timino Alhou launo ighikeu tsape pichenike.

KUKAMI AKINIU 15:5

AMPEU no apugha pesu Uzia kuxu thaqhulo puchepe kepushi tsuve. Paye pa likhi akilo ngoche eno akumla jeli kumtsu lono akulho qhiche, ipuzu pa nu Jotham no aghakhulo ayehpechepe.

KUKAMI AKINIU 15:32

Remaliya nu Peka no Israil lo kakeu mpe akiniu shi akelono Uzia nu Jotham no Juda lo akukau shilu

KUKAMI AKINIU 16:1

Remaliya nu Peka no Israil lo kakeu mpe chighi akutsuniu shi ake lono Ahaz, Jotham nuno Juda lo akukau shilu

KUKAMI AKINIU 18:1

Elah nu Hosheya no Israil lo kakeu mpe akuthuu shi akelono, Ahaz nu Hezekiya no Juda lo akukau shilu

YEKIKITHI AKINIU 28:1

Ahaz ye ampe muku shi ake lono akukau shiluveno Jerusalem lo ampe chighi tsugho ayeh pelu. Paye pasu David no akuxu kivi xukeu papemove; paye AMPEU lopu kumou shiuve

YEKIKITHI AKINIU 29:1

Hezekiya no ampe muku pungu shi ake lono Juda lo akukau shilu eno paye Jerusalem lono ampe muku toku ayeh pelu. Pazaye Zekharia nga Abija ke.

ISAIAH 7:1

Jothem nu Akukau Ahaz ye Uziya tilimi lakhike pano Juda lo ayehpe ake ghuloki lono aghukishi ipeghive. Siriyami kukau Rezin ngo Remalia nu Peka, paye Israilmi shou akukauke, pamano Jerusalem leighike, ikemu tipau khathamlave.

MICAH 3:9

O Israil lo ayehkipemiqo, itsa inijulo, nongu kucho xakutha mithichekeqo eno achipiu pesu akumou kughulhovetsu chekeqo!

ISAIAH 1:2

AMPEU nopi, “O ayeghi ngo atsutsu, ino kiu piani keno inijulo! Atianuli ino tuchomujo puthu keqono ishou hebide ani.