MATTHEW 9:13 - BAIBEL (BSI)

¹³ Wu puzu kuchoyesulo hipatsa akeu kiqiye kiu kela phijulo, ‘Niye kimiyekini lunishike thono lhoxu heqhipe mlla keu khuamoe.’ Niye achipiu shichekemi kuniye ighi kekumoe ikemu axinemi kuniye ighike.”

Sümi Tiqhelimi Bible

¹³ Ikemu wulo eno atsa hipau kiqi ye kiu keno ithilu lo: ‘Ni ye kimiyekini lunishi cheni ke thono aghakishi kumoe.’ Kughengu ni ye amikuchomiqo ku niye ighimoe ikemu axinemiqo ku niye ighike.”

Sumi Naga CL (Re-edited) Bible (BSI)

¹³ Hi ye kiu kiqi keno wuno shika lulo: ‘Ni ye kimiyekini laju ani thono aghakishi kumoe.’ Kughengu I no ighikeu ye amikuchomi kumono axinemi kuni ke ghenguno ke.”

MATTHEW 9:13 Referans Kwoze

Mark 2:17

Jisu no ti chiluve eno panoqo khochile. “Timi khunoqono akivishi ani keno shikipiviu avehupu shiamoe, ikemu suakeqo no shikipiviu avehupu shichenie. Niye achipiushichekemi kuniye ighike kumoe. Ikemu axinemi kuniye ighike.”

Luke 19:10

Kughengu Timi Nu ye puhavekeu phu nike eno xalu nike ighie.”

HOSIYA 6:6

Niye nongu wu iqemokeu kikimiye lunishi ani kethono lhoxu heqhipe mllakeu khuamoe. Niye heqhipe piti imllakeu nguno alauno iwu timiqo pelo ni-ithipe nishike.

Luke 5:32

Niye amikuchomi kuniye ighike kumoe, ikemu axinemi xaideghi penike kuluniye ighi ke.”

MATTHEW 12:7

Kuchoyesulo, ‘Niye lhoxu heqhino mllakeu lunishi moe ikemu kimiyekeu lunishie’ ipi puakeu nonguno kuchouno ithike aye, nonguye akipimi shimokemi pevemo nicheke.

AHOLE 21:3

Kiuno achipi eno akuzupukeno tipau shilo; tino aghashipe AMPEU mllakeu nguno akiviue.

2 Peter 3:9

Timi khamino kumsukeuno Ampeu ye pano piqhive keulo asheshi auve cheni kughashi kemu paye tishimo nani. Ikemu paye nongu lau kheakulu shi anike, kughengu paye timi khuu pelomu puhavepe nishimoe, ikemu kumtsu pelo axine lono xakide ighivepe nishi ani.

Apostolmi 3:19

Axine lono xaideghilo eno Alhou lau tsughu ighilo, tishianguno pano nongu xineqo pevetsu nani,

Apostolmi 11:18

Kughou panonguno hi chilukeno panonguno pipusa keu inaqhoive eno ishi Alhou sheqhe, “Tishiaye Alhou no Judakumomi pelo ghi xakidelu puzu akuxupu shilukepu dokivi tsuanie!”

MATTHEW 3:2

“Axine lono Alhou lau xaideighivelo, kughengu Kungugha yehkipeye kupunuvae!” ipi pano pie.

Apostolmi 5:31

Alhou no pa xaputhu pesu pa-u ajeu Sakipheu eno Xakuluu shipe, tishikeu lono Israilmi pelo xaideghi lukepudo tsuniye eno panongu xine pevetsu niyeke.

Luke 24:47

Eno paje lono xukidekeu, axine pevetsukeu sutsa ashiayeh kumtsu lau Jerusalem lono huthu tughu shino asheshu masae.

MATTHEW 4:17

Tithiuye Jisu no ishi asheshu, “Axine lono Alhou lau xaide ghivelo; kughengu Kungugha yehkipeye kupunu khoivae!”

Apostolmi 2:38

Pitor no panoqo vilo pi, “Nongu lakhi khino nongu xine lono xaideghiluve puzu Jisu Khristo je lono baptiz shiluvelo, tishianguno nongu xineqo pevetsupe kepushi eno nonguno Alhou wu agho, Aghungu Kimthe ithulu nani.

MATTHEW 3:8

Nonguno axine lono Alhou lau xaideghi keu qhemi mlape piyelo

Apostolmi 20:21

Judami vilo ghi Grikmi vilo ghi ishi Alhou kudau xaide ighinikeu eno ningu mpeu Jisu shou pulube nikeu shepe thumuyishi pithie.

MATTHEW 21:42

Jisu no panoqo vilo ishipi, “Nonguye kuchoyesulo hipau khilemu phimla kesha? ‘Aki kishimino atu khipau kideqhive keno, tipauno atsu-pukeu tuqu shive aghie, Hiye Ampeu no shivetsuke, eno tiye nizulo akichiqhipue!’ ”

MATTHEW 12:3

Jisu no ishi khochile, “Kughou David ngo pa gholo chekemino mzuthive keno kiu shikeno nonguye phuju mphi kesha?

Mark 12:26

Kithimi xuputhukeu vehu hu nonguye Muse kakulo asuminiphono iqukeu tsajolo phiju mphi kesha? Kughengu tile ishi yepuakeuno Alhou no Muse vilo ishi pi, ‘Niye Abraham Lhou, Isak Lhou eno Jakob Lhou.’

John 10:34

Jisu no panoqo khochile, “Alhou no pikeu nongu yezahlo ishi yepuani, ‘Nonguye alhouqo ke.’

MATTHEW 19:4

Jisu no ishi khochile, “Nonguye hi phimla aphi kesha? ‘Lhokutsuuno abothu lono kiptimi eno totimi shi-ghi panoqo lhotsu,

MATTHEW 12:5

Momu Sabat atsu-tsu achinemino achinekilo Sabat tsala kitiqeve acheni keghi panoqo shou akipimi shitsu chemo kepi nonguye ayezahlo phimla kesha?

Luke 10:26

Jisu no pa vilo iniju, “Kuchoyesulo kiu yehpuani kya? Noye tile kishi philu puania?”

Mark 12:33

Ikehu timino amlo kuchopu, pa kumto kumtsu eno akukumsu kumtsu pesu Alhou qhuivu; eno alikhi ampi toi akitomi qhuivu masae. Ayezah hikuma pelukeuno lhoxu suwo akuchopuno piti puzu Alhou lau mlla eno lhoxu heqhi pesu Alhou mlla ishikeu nguno akiviue.”

Luke 5:31

Jisu no khochile pi, “Kusukinimi ghengu kumoaye viakeqo ghenguno shikipivi avehupu kuhae;