MATTHEW 8:26 - BAIBEL (BSI)

²⁶ Tile Jisu no ishi panongu vilo pi, “Akupulu kitila likhi akeqo, nonguye kushiye msa ani kya?” Tishieno pano ithu puzu amlhu ngo azughi lomipi, ikelo shishe iquneyive.

Sümi Tiqhelimi Bible

²⁶ Jisü no khochile, “Nongu aküpülü kitila likhi akeqo, nongu ye kushiye ighono msà ani kea?” Tisheno pa no idaithughi püzü amlhü eno azü fukucho lomipi, ikelo shishe iqünheive.

Sumi Naga CL (Re-edited) Bible (BSI)

²⁶ Pa no panoqo vilo pi, “O nongu aküpülü kitila likhi keqo, kushiye nongu ye msa ani kea?” Tishino pa no ithu amülhü ngo azüghi lomipi, tipa mtsa shishe iqünheive.

MATTHEW 8:26 Referans Kwoze

LESHELE 65:7

Nono azughi ghugha ghasu, azutu kucho sutsa ghasu; nono timiqo ghugha ghakuquke.

LESHELE 89:9

Nono azughi kuka shou ayehpeke, tipau zu tukucho kighide nono ghasuke.

MATTHEW 6:30

Alupi ishiye xuano thoghiuye nhupe pitiveni keghi Alhou no tipaqo ajukivi pesu pu-upe qhiaye, tinguno shishe alaushi paye nongu pu- umoni kesha? O nongu akupulu kitila likhi akemiqo!’

Rommi 4:20

Pulukupsa kiunomu li pelo Alhou no piqhipuakeu lono iqeve pemoe. Ikemu pano akishe Alhou tsukehu pa kupulu mutotoi thuwuve.

MATTHEW 16:8

Panonguno kiu piakeno Jisu no ithive puzu panoqo vilo ishipi, “Nongu akupulu kitila likhi akeqo! Nongu gholo asho sughimokeu vehu kushiniye tishi kuputsakile ani kya?

Piyeküsü 10:2

Pa ulo likuzu kaku aghulo lakhi lhaphepe ae. Pa pukhu ajeuno azughilo chhosu eno pa pukhu piyiuno ayeghi shou nepe ngono

HABAKUK 3:8

AMPEU, aghokiqono opelo aloghu idevepe kesha? Azughiqono opelo muqhu muzai vepe kesha? Nono owu timiqo lau tokulu sughi kelo khungkusu shou ikuke eno pasapagha khungkusuye owu yeghikilu shike.

NAHUM 1:4

Pano azughi ahza tsu eno tiye chethove! Pano aghoki qhaive peke. Bashan luzaqa ighuive, Karmel Toghino hughai idive, eno Libanon xamununo aju idiveke.

ISAIAH 63:12

Muse vechewo pa kukano thime kije shikehu, AMPEU ye khile ani kya? Azughilo azu kijethavetsu eno ashekha kuhake kutolo pa jekipi shilunike ghenguno azukutho kachesu pawu timiqo sasu wukeu AMPEU hu khile ani kya?” AMPEU no sachekeu lono panonguye khurshi toi apukhu mutotoi nesulu eno khilemu kupuxavemoe.

MATTHEW 8:27

Timiqono apuchopungove eno ishipi, “Timi hipauye kiutoi kemi keno amulhu ngo azufukucho thotsu pa gholu kya?”

MATTHEW 17:20

Pano panongu vilo ishi khochile, “Hiye kutaulo kumono nongu kupulu mikhelo kehue. Kughengu kuchouno ino nongu vilo pini, nonguno aghanethi pahi likhimu akupulu aghi aye, nonguno naghuto hipau vilo, ‘Hileno hulau iqewuvelo’ ipi kelo, tino iqewuve nani. Nonguno shimlakeu kiumu kuha nani.

Luke 4:35

Ikemu Jisu no pa lomipi; “Inaqhoi velo! eno pa launo ipeghivelo.” Tughakusano panongu zulono timi hu sunhekuluqhive ikemu kiumo ghime mono pa launo ipeve.