MATTHEW 7:13 - BAIBEL (BSI)

¹³ “Kibikhoyikeu liwo veche ilolulo, kughengu ililayikeu liwo eno mlaleyikeu laye kutsapinyive kepualo sawu cheni eno timi kutomono tipala pula cheni.

Sümi Tiqhelimi Bible

¹³ “Kibikhoi keu khagho veche ilolo. Kughengu ililai keu khagho eno ililai keu laghi ye kütsakungo keu lo sawu cheni, eno timi kutomo no tipau là lo püla ilo acheni.

Sumi Naga CL (Re-edited) Bible (BSI)

¹³ “Kibikhoi keu khagho lono ilolo. Kughengu ililai keu khagho eno mlalei keu la ye kütsakungo keu lo sawuve cheni, eno kutomo no tipa laghi lono ilo cheni.

MATTHEW 7:13 Referans Kwoze

AHOLE 16:25

Nono achipiu laghi kepi kumsuakeuye akithipulo sailove kepu shi aghiluvi.

John 14:6

Jisu no pa khochile, “Niye alaghi, niye kuchou eno niye akuxupuke, ivechemo keloye timi khunomu Apu lau wumlae.

John 10:9

Niye ahukikha ke; khunono ivechesu iloni keno xalu nani; paye ipe ilolu nani eno achuqupu phulu nani.

ISAIAH 55:7

Kixikilamino panonguno xuche keu kuxu qhivelo eno panongu no kumsuchekeu kilivelo. Panonguno niLhou AMPEU lau ideghilulo; paye kupuqhiyi cheni eno paye axine qhive tsu nanike.

AHOLE 9:6

Mbomzumi loji qhivelo eno xululo. Akighithi laghi papewulo.”

Galatiami 5:24

Khunoqono Khristo Jisu wu shiveakeno panonguye timi lhoayelo ngosukumla ngo minechekeu jeli kumtsu kros lono pithivae.

MATTHEW 3:2

“Axine lono Alhou lau xaideighivelo, kughengu Kungugha yehkipeye kupunuvae!” ipi pano pie.

MATTHEW 3:8

Nonguno axine lono Alhou lau xaideghi keu qhemi mlape piyelo

2 Kor. 6:17

Ikehu Ampeu no pi: “Nonguye panoqo gholono ipeghivelo eno panongu launo kututa shivelo. Mithekumo kiukeno bukevilo, eno ino nongu ikhilu nani,

MATTHEW 23:13

“Nongu Ayezah kukutsumi ngo Farisimi ghenguno ahakusapue! Nongu kuhakughaqo! Nonguno timiqo launo Kungugha yehkipe hukikha khavetsu; nonguno iloke kumo puzu tipaulo iloniye pukaputsa akeqo pelo ilopemoe.”

Piyeküsü 20:15

Kuxumi kakulo khunoqo je yepuku puaghimo keno tipaqoye amiyizulo vesuve.

FILIPIAMI 3:19

Panonguye ashekhalo kutsapiniyive nikeuke, panongu kive kichhipuno panongu lhou shi acheni eno panonguno kujokepu pesu akijivilo acheni eno panonguye hipau yeghilo nhemgha shou likhi kumsupuku acheni.

2 Kor. 4:4

Panongu ghenguye hipau yeghilo tughakusano akukumsu sakughuzuve tsuke, tishianguno panongu pelo Alhou ngulho kimihiu Khristo kimthe jukuvu ghili atsakiviu launo akuvu ighichekeulo jupukulu pemoniyeke.

Apostolmi 3:19

Axine lono xaideghilo eno Alhou lau tsughu ighilo, tishianguno pano nongu xineqo pevetsu nani,

Piyeküsü 20:3

Kungumi huno pa kughapesu aqohkutholo vesuve eno tipau khaveno mekhave, tishianguno ampe 1000 tovemoke kutolo pa pelo ashiayeh jeliqo pishiqhi pemoniyeke. Tipathiuno ado kitila ghenguno pa kuqhophe maye sa nani.

1 John 5:19

Nino ithi akeuno ayeghiqha kumtsuno Alhoksau kuka qholo ani, ikemu ninguye Alhou laumike.

MATTHEW 25:46

Panonguye alhoghimepulo puwuve nani, ikemu achipikalu chekeqoye lhokta kuxulo wu nani.”

MATTHEW 25:41

Tileno pano pa-u piyiu akeqo vilo ishipi nani,”Ilauno chevelo, nongu Alhou no musuinivekeqo! Tughami ngo pawu kungumiqo ghenguno alhomi kutope puakelo ilovelo!

BOTHUBO 6:12

Alhou no ayeghiqha jukelo ti shikupsapu shive, kughengu ayeghilo timi kumtsu pututa shelo shikupsapu shiwoveke.

Piyeküsü 13:8

Ghiqhivekeu Bheriti wu akuxupu kakulo aje yepuku puaghi kemi nguno alauye ayeghi lhophe kelono acheghi kemi kumtsu tughashi hu mlla nani.

Rommi 9:22

Tihutoi, Alhou no pa loghu pephepiye nishi kehu eno pa kuka kumto ithipeniye ali khipaqo shou pa loghu pepheno kutsaveniye kutopuani keno tipaqo lau kutuo kutuu ghi kheakulu shi cheni.

Luke 14:33

Titoi, nongu khunono pano pighi akeu kumtsu phevemo nikeno ikhopemi shimlae.” Ipi Jisu no hipau pi-ghi kishekhave.

ISAIAH 1:9

AMPEU Akughushuuno timi khami likhimu ghutsumoke aye Jerusalem ye Sodom ngo Gomora toi qhoi kutsapinyiveni cheke.

Piyeküsü 12:9

Dragon akijeu, ikiqive keu huye khaghi apighi khuu vilo tughami Satan ipi chekeu eno ayeghilomi pishikiqhiu huke. Pa eno pawu kungumi kumtsu pa gholono ayeghilo vepiqive.

BOTHUBO 6:5

Timiqo lhoksano ayeghi shou alaushi kighishe akeu eno timiqo mulolo alhoksa likhi pulhapuju kumsu hawo akeu AMPEU Alhou no ithuluve.

Luke 9:33

Timi pamano pa launo cheve niye akelo Pitor no Jisu vilo pi, “Ampeu ninguye hile akeu pavie; ningu pelo apusho kuthu shipelo, lakhino osala, lakhino Muse sala eno lakhino Elija sala.” (Paye kiu pi ani kela mtha pulaghi).

AHOLE 7:27

Nonguno li kilo wuaye kithimi yeghi laghilo wucheake. Tiye akithipu shokuthalake.

ISAIAH 35:8

Tilehi alaghila anani, tipau pesu, “Akimthe Laghi” ipi kunani; Axinemi khuumu tipala pulamo nani; aghuzunikhami namu tipalalo chekelo shipimimo nani.

MATTHEW 7:14

Ikemu aliwo kibikhoyikeu eno ala sholokutu keuno akuxupulo sawu cheni eno timi aghulono tipala phulu cheni.