MATTHEW 6:9 - BAIBEL (BSI)

⁹ Tishiaye hitoi inikhulo; O niPuh kungughalo kuau, Oje akimtheshi pelu pelo,

Sümi Tiqhelimi Bible

⁹ “Tishiaye, nongu ye hitoi inikhu moayesae: “ ‘O ningu Papù kungugha lo küau, O je akimthe shi pelu pelo,

Sumi Naga CL (Re-edited) Bible (BSI)

⁹ Tishiaye hitoi inikhu lo: “O ni Pu kungugha lo küau, O je akimthe shilo,

MATTHEW 6:9 Referans Kwoze

Piyeküsü 4:11

“NiMpeu eno niLhou! Nono akimthejekipi, agigihupu eno akuka ithulu kuzupuke; Kughengu thwokha nono lhopheke, opulou lono panonguye achenipe eno lhophepe qhike.”

Rommi 8:15

Kughengu Alhou no Aghungu nongu tsukeu huye nongu pelo aquaxemi lakhi shivepe eno nongu pelo msakitheve peniyeke kumoe, ikemu Aghungu no nongu pesu Alhou no saputhuluve keu nuliqo shitsu, eno Aghungu kuka lono ninguno “Apuo! Ipuo!” ipi igha cheni.

EZEKEL 36:23

Kughono ashiayeh kutamiqo lau ije akimtheshi kije shiakeu shipiyeni keno, nonguno panoqo gholo pipusa pekeu je shipiyeni keno tileno niye AMPEU kepi panonguno ithi nani. Ni, Akughushu MPEU no piveake. Ino nongu peitha puzu ashiayeh kutamiqo lau niye akimthe kepi shipiye nani.

MALAKI 1:11

Ayeghi cheku lakhi lono lakhiu kutolo timiqono igihu cheni. Aqha kumtsulo panonguno tsungquikeu ta pitipe itsu cheni eno ino ikhikulupu lhoxu heqhipe mlla cheni. Panongu kumtsuno igihu cheni!

LESHELE 111:9

Pano pawu timiqo khaqhiphe eno panoqo sasu lhokta pulo shoqhi shike. Paye akimthe eno akughushuu ke!

ISAIAH 64:8

Ikemu noye nipuh AMPEU ke. Ninguye aghani toi ke eno noye alikishiu toike. Nono ni lhoqhike,

ISAIAH 57:15

Niye akiqheu eno akimthe Lhou, alhokupujulo xu chekeuke. Niye akiqheu eno akimthe alo acheni ikemu niye aqhokighemi eno xaideghive kemi gholo ghi xuacheni, tishi anguno ino panoqo kupukhu eno panoqow lajupu sachile saghitsunike.

Galatiami 4:6

Nonguye anuliqo shiveapi piye nikehu Alhou no pa Nu Ghungu ningu mlolo tsu, pano ishi igha cheni, “Apuo, iPuh.”

ISAIAH 6:3

Panongu dolo kukuleno pi ake: “Aqokitikhi shou AMPEU ye akimthe, akimthe, akimthe ke! Pa kimthe jekipino ayeghiqha chhitoi ani.”

Piyeküsü 5:12

aghugha kuloghi lono alephe ae, “Ghiqhivekeu Bheriti huye akuka, kinikulu, alokutsu, akumto, agigihu akimthe jekipi eno shekiqhe ithulu kuzuke!”

LESHELE 115:3

Ni Lhou ye kungughalo ani; pano kiu shinishi keno tipau shicheni.

NEHEMIA 9:5

Levimi hipaqo pelo mlla penike kusu: Jeshua, Kadmiel, Bani, Hashebenia, Sherebia, Hodia, Shebania eno Pethahia. Panonguno ishi pi, “Puthugholo eno AMPEU nongu Lhou shelo; alhokupujulo pa sheqhelo! Kumtsuno pa jekipi je sheqhelo, timi jelino sheqhe namu lukumkha kumoe.”

MATTHEW 7:11

Tishiaye, nongu alhoksami shianamu thime kivi pesu nongu ti-anuli tsukeu yeh ithi ani aye nongu paPuh kungughalo akeuye tinguno alaushi thime kivi pesu pa vilo khukemiqo tsu nani!

ISAIAH 63:16

Noye nipuke. Nipuasu Abraham ngo Jakob ye nimthake ikemu no nipuh AMPEU ye pulhapuju nixaphelu achenike.

LESHELE 72:18

AMPEU sheqhelo, Israilmi Lhou! Pa likhino akumzapu kumla hipaqo shichenike.

MATTHEW 26:29

Ino nongu vilo pini, iPuh Yehkipe qholono nongu sasu ino hipau anileshi shomoke tsala kutolo, niye khilemu itaghi hipau tsayiji shomo nani.”

MATTHEW 23:9

Nonguye ayeghilo khuu vilomu ‘Apu’ ipi kukepu kumoe, kughengu nonguye kungughalo akeu Apuh lakhi anike.

MATTHEW 5:16

Titoi timi zulo nongu kuvu yevuqai masae, tishianguno panonguno nongu kumla kivi ithulu no nongu paPuh kungughalo akeu akishe tsu nani.

YEKIKITHI AKINIU 20:6

eno ighamuku akighini shi, “O AMPEU, nipuasuqo Lhou, nono kungugha lono ayeghiqha lo shiyeh kumtsu shou ayeh pe ani. Noye akuka kumtou eno akughushuu ke, timi khumu omujochile mlake.

Luke 15:18

Niye ithuno ipuh lau wuno pini, Ipuo, ino Alhou zulo eno ogizulo axine shivae.

ZEKHARIA 14:9

Tileno AMPEU no ayeghiqha kumtsu shou akukau shive nani; kumtsuno paye Alhou kepi pa mlla nani eno aje tipau tholono pa ithiwove nani.

KUKAMI ATUGHIU 8:43

kungugha lono pa kighini chilutsulo. Kungugha khile nono acheni keno, tileno pa tsa chilutsulo eno pano ovilo kiu khukeno tipau shitsulo, tishi keu lono ayeghilo timi kumtsu pelono owu timi Israilmi toi no ithilupelo eno ogholu pelo. Tishi aye panonguno ino Akumllaki hipau shikeuye omlla nikeu-a kepi ithilu nani.

HABAKUK 2:14

Ikemu azughilo azuno chhitoi akeshi AMPEU kimthe jekipi ithikeuno ayeghi chhitoi nani.

EZEKEL 38:23

Hipa ghola shipuzu ashiayeh kumtsu lau niye kije eno niye akimthe kepi ino piye nani. Panonguno niye AMPEU kepi tileno ithi nani.”

YEKIKITHI ATUGHIU 17:24

Ojekipi ighono kije eno timino pulhapuju ishi pi achenia, “AMPEU Akughushu Alhou ye Israilmi shou ache keue.” Nono iyehkipe alhokuthulo pekishe tsuniae.

SAMUEL AKINIU 7:26

Ojekipiye kije shinani eno timiqono alhokupuju lo ishi piche nani, ‘AMPEU Akiqheuno Israil shou Alhou ke.’ Nono ilagha ado kumtsu ghenguno pukhalu tsu nani.

1 Peter 1:17

Timi kumtsu shou agijumono pututa kumla kiqi lono kughathabeche keu vilo Apu ipi inikhu cheni aye ayeghilo izucheke kuxu kupujulo nonguye pa sumsaghi mlaithalo.

1 Tim. 6:16

Pa likhino thimlakeuke eno avilo wumlakeu kuvulo acheni, khunomu pa ithulu puamokeu, eno khunomu pa shou jupukumla keuke. Agigihu kije eno lhokta kukaqha pa lau alo! Amen.

Luke 15:21

Anuno pi: ‘Apuo, niye Alhou zulo eno ogizulo axine shivae, hinguno hilaye niye onu ipi ku kuzu kumoae.’

Luke 2:14

“Kungughalo Alhou lau ajukuvu shilo! Eno ayeghilo pa lokiqi akemi shou aloinokeu apelo!”

ISAIAH 66:1

AMPEU no pi, “Kungughaye ikuka lakhuke eno ayeghiye ipukhu kinepuke. Tishiaye, nonguye ighenguno kiu toikeu ki shitsuluni kya? Kiutoi keu alo ipelo ngopeni kya?

MATTHEW 6:14

“Kughengu nonguno timi kutamino nongu shou pimivekeu pevetsu aye nongu paPuh kungughalo akeu ghi nonguno pimivekeu pevetsu nani.

MATTHEW 6:6

Ikemu kughou nono inikhu nikeno, ochebolo ilolo eno aki khavelo eno oPuh ithumlano akeu vilo inikhulo, nono kusuuno kiu shi anikeno ithulu akeu oPuhno asaxu otsu nani.

MATTHEW 5:48

Nongu paPuh kungughalo akeuye thwokhalo viwotolue, tighenguno nongu ghi viwotolu masae.”

ACHINE 10:3

Tile Muse no Aron vilo pi, “‘Khunoqono iqecheni keno panoqoye ikimthe sumsa masake; ino ikimthe jukuvu iwu timiqo lau pephepiye nani’ ipi AMPEU no pikeu hu paye hipatsa vehu piakena!” Ikemu Aron ye inaqhoi auve.

Galatiami 1:1

Paul no apostolmi shilukeuye timi vechewono shiluke kumoe, ikemu Apu Alhou no Jisu Khristo akithi lono xuputhuvekeu vechewo shiluke,

John 20:17

Ikelo Jisu no li vilo pi, “Isasu kiphemla kevilo, kughengu niye Apu lau ideiku mphike. Ikemu ithikuzumiqo lau wulo eno panoqo vilo itsa pitsulo: ‘Niye iPuh eno nongu paPuh lau eno ILhou eno nongu Lhou lau ideiku cheni.’ ”

MATTHEW 26:42

Itaghi, ghuthu akiniu, Jisu no wuno ishi inikhu, “O iPuh, ajukhu hipau ino shomoke loye ikhisuwuvetsu mla kepushi aghi aye, ogho shilo.”

ISAIAH 37:20

Ike, itehiye AMPEU, ni Lhou, Asiriyami ulono nixaphelulo tishianguno ayeghiqhalo ashiayeh kumtsuno olikhino Alhou kepi ithi nanike.”

Rommi 1:7

Ike Rom lo Alhou no kimiyechekeqo eno pawu timi shi kuluvekeqo kumtsu lau, ningu papuh Alhou eno Ampeu Jisu Khristo wu kupukini eno aloino lukeu nongu lau alu peniu.

MATTHEW 10:29

Tughachoqhi kiniye pisa lakhi lono jecheni, ikeghi tipaqo lakhimu nongu paPuh no pulosutsumo keloye ayeghi shou iluqivepe chemoe.