MATTHEW 6:12 - BAIBEL (BSI)

¹² Kutamino nilau akipimi shikeu ninguno pevetsuke toi, ninguno oshou akipimi shikeu pevetsulo.

Sümi Tiqhelimi Bible

¹² Eno ningu no kütami no pimive keu kipimíqo qhivetsü keu toi ningu no pimive keu kipimíqo ghí qhive tsülo.

Sumi Naga CL (Re-edited) Bible (BSI)

¹² eno ni lau alhoksa shikeqo kipimi nino pevetsü ketoi, ningu kipimi ghi peve tsülo.

MATTHEW 6:12 Referans Kwoze

Ephesiami 4:32

Eno lakhino lakhi kimiyekile, amlo ighiqhiyi eno kuzakuzuyi shilo, eno Khristo gholo Alhou no nongu kipimi pevetsu ketoi nongu lakhino lakhi kipimi pevetsukilelo.

Mark 11:25

Kughou nonguno puthughono Alhou lau inikhuni keno, timi kutami shou mopikepu kiuala aghiaye ti qhivetsulo, tishianguno kungughalo nongu paPuh no nongu kipimi qhivetsu nani.

Ephesiami 1:7

Khristo no aji pele thikeu gholono ningu xachilelukeu eno ningu xine pevetsukeu ani.

Kolosiami 3:13

Lakhino lakhi shou mopikepu aghikelo pinamu palokutovetsu eno akipimi pevetsukilelo. Ampeu no nongu kipimi qhivetsu ketoi nongu lakhino lakhi kipimi qhivetsukilelo.

Luke 11:4

Eno ningu kipimi pevetsulo, kughengu nighi nilau akipimi shivekemi kipimi pevetsu cheni. Eno ghukujulo ni sawu kevilo.’ ”

Luke 6:37

Kutami shou kughathabe kevilo, eno Alhou no oshou kughatha bemo nani; kutami thave kevilo eno Alhou no othavemo nani; kutami xine pevetsulo eno Alhou no oxine pevetsu nani.

IPEKULU 34:7

Niye tiqheli qhethonhe kutolo ino tushoqhive keu pelu acheni eno alhoksa ngo axine pevetsu chenike; ikemu apu aza xine ghenguno niye ati anuli eno tipaqo tianuli tiqheli akuthuu eno abidiu, kutolo ghime move keu shimo nanike.”

LESHELE 32:1

Khunoqo xine pevetsua keno tipaqo lokivipue, Khunoqo xine nhavetsua keno tipaqo lokivipue.

LESHELE 130:4

Ikemu nono ni kipimi qhivetsu, ikehu ninguye ojupe akumzaqhiyi puthugho anike.

KUKAMI ATUGHIU 8:39

panongu kighini chilutsulo. Oki kungugha lono inijutsulo, panongu kipimi qhivetsulo eno panongu kuphutsulo. Kughengu olikhino timi mulo kukumsu ithi ani. Pututa kumla kiqi lono kiu tsukuzupu keno tishi shitsulo.

KUKAMI ATUGHIU 8:30

Ikighiniqo eno owu timiqo kighini kughouno panonguno akumllaki kudau juno inikhuni keno kungugha ki lono inijutsuno ni kipimi qhitsulo.

ISAIAH 1:18

AMPEU no pi, “Itehino ningu avehu kimchiveni nolo. Nonguye axineno huchuhulesu xapu ani, ikemu ino nongu shikithe pesu murasu toi shitsuni. Nongu hedapusu akeuno ighono huchuyi aghi namu asupha toi metsughoi shivetsu nani.

DANIEL 9:19

AMPEU, nitsa initsulo, nikipimi qhive tsulo, eno nishou kimiyekeu kumla shitsulo, tishikeu lono timi kumtsu pelono noye Alhou kepi ithive penike, munutsu kevilo, aphughi hipau eno timi hipaqoye owuke.”

KUKAMI ATUGHIU 8:34

kungugha lono panongu tsa inijutsulo. Owu timiqo xine qhivetsulo eno panongu sachile sasu panongu puasu tsukeu yeghilo saghitsulo.”

KUKAMI ATUGHIU 8:50

Panongu xine kumtsu eno hekibide kumtsu qhivetsulo eno panongu ghumi pelo panongu kimiyelu pelo.

Apostolmi 13:38

Tighenguno athikuzumiqo, nonguno mtsuqhei hi ithilulo, timi hipau jelono axine pevetsukeu nongu lau asheshue.

MATTHEW 9:2

Tilehi timi khamino anhu kusumi lakhi azualo puzu pesu pa lau ighi. Kughou Jisu no timi tipaqo kupulu ithulu keno anhu ithamlakeu timi vilo pi, “Anu, omlo mutotoi lulo, oxine pevetsuae.”

MATTHEW 26:28

kughengu hiye ihji, Alhou wu puloshoqhi mekhakeu ke; hiye timi kutomo ghenguno axine pevetsu nike ihji pelekeu ke.

Luke 13:4

Imaye Silom lo pano chighi tache aliwono panongu shou ilaiqiku kelono thivekeqo huye? Nonguno kumsukeuye panonguye Jerusalem lo kutami xuakeqo nguno alhoksau kepi hino amchie ipi ani kesha?