MATTHEW 4:23 - BAIBEL (BSI)

²³ Jisu no Galil qha kumtsulo wupuzu Sinagog lo timiqo kutsu eno akukayeh wu lokivipu sutsa pesu asheshu, eno timiqo gholo akusu puaghikeu jeli eno kusukini shi aghi keu jeli kumtsu pano shipivitsu.

Sümi Tiqhelimi Bible

²³ Jisü ye Galilee qha kümtsü lo wu no synagogqo lo kütsü, akükaphu sütsa kiviu pesü asheshu eno küsükinimi ngò aküsǜ jeli kümtsü shipivi ae.

Sumi Naga CL (Re-edited) Bible (BSI)

²³ Jisü no Galilee qha kümtsü lo wuno sinagog lono timiqo shika, kungugha yekipe tsakiviu pesü sheshu, eno aküsü aghime jeli kümtsü shipivi tsü.

MATTHEW 4:23 Referans Kwoze

MATTHEW 9:35

Jisu no aphughilo ngo aphulo wupuzu Sinagog qo lono kutsu eno Alhou yehkipe wu lokivipu sutsa pesu asheshu, kusukinimi eno tomochhimokeu kusumi ajeli kutomo pano shipivitsu.

Mark 1:39

Ikehu, Galil qha kumtsulo pano izuwu puzu Sinagog lo asheshu eno tughami haphe.

Apostolmi 10:38

Alhou no kishi Nazaret noghami Jisu shou Aghungu Kimthe eno akuka lepuku keno nonguno ithi ani. Alhou no pa gholo ake ghenguno pano aqha kumtsu wu puzu akivi kumla shi eno tughami kuka qholo aghikeqo kumtsu shipivitsu.

Luke 7:22

Pano Johan khopemi vilo khochile pi: “Idewono Johan vilo nonguno kiu ithuluvea eno chiluvea keno pilo: anhechemino ithulu ani, apukhu kighichemino chewulu ani, apughami shikimthelu ani, kithimi puxuve ani eno Asutsa Kiviu pe kumlhomi lau asheshulu ani.

MATTHEW 11:5

anhethi kighichemino ithulu ani, apukhu kighichemino ala chelu ani, apugha kupumi shikimithevetsu ani, akini kughupomino chilu ani, kithimi xuputhuvetsu ani eno kumlhomi vilo lokivipu sutsa pikulhavetsu ani.

MATTHEW 13:54

eno pano ghami phulo ighi. Pano panongu Sinagog lo wu puzu panoqo kutsu eno pa tsa chilukemiqoye shishe akichiqhive puzu ishi iniju, “Timi hipauye khileno alokutsu hikithipu ithulu eno khileno akumzapu kumla hipaqo ithulu kya?

Mark 1:21

Panonguno Kapernaum lo ighi eno Sabat tsalalo Jisu no Sinagog lo ilono kutsu.

LESHELE 103:3

Pano ixine kumtsu pevetsu eno ikusukini kumtsu shipivike.

Rommi 10:15

Asutsa kipemi puwumoke, kishi asutsa pikulhaluni kya? Kuchoyesulo pipuake toi, “Atsakiviu pikulhakemi ighikeuye kiutoi jukivi kela!”

Luke 8:1

Tipa thiu Jisu no Alhou yehkipe sutsakiviu vekupha ghi aphughiqolo eno aphuqolo wue. Akhopemi chighikini ghi pa sasu che,

Mark 6:2

Sabat pineni paye Sinagog lo ilono kutsu ae.Timi kutomo tile ae eno kutomono pano kutsukeu chilu puzu akichiqhiveno ishi pi, “Timi hipauye khileno hipaqo kumtsu ithilu kya? Kishino kungu lokutsu hikithipu pa lau tsupuani kya? Paye kishi puzu akumzapu hikithipu shilu ani kya?

MATTHEW 24:14

Kungugha yehkipe sutsa kiviu hipau pesu ayeghiqha kumtsulo kutsuwo nani eno tino ashiayeh kumtsu lau thopi lakhi shi nani eno tithiuno ashekha tsala ighi nani.

MATTHEW 12:9

Jisu no tileno chesu wuve puzu Sinagog lo ilo.

John 18:20

Jisu no pa khochile, “Niye timi kumtsu zulono piche; niye pulhapuju Sinagog lo ngo Achinekilo khile Judami kumtsuno kuhokumqo aghikeno tileno ino kutsuche; niye kusuuno kiumu pipuamoe.

Luke 13:10

Apine tsala lakhilo Jisu ye Sinagog lo kutsua.

Luke 9:11

Kughou aqokitikhi no ti chilukeno panonguno pa papewu. Pano panongu sasu alokivishi kusholu eno Alhou yehkipe ghili pesu panongu putsa eno khunoqono shikipivi avehupu shi akeno tipaqo shipivitsu.

Luke 5:17

Ghulo lakhi Jisu no kutsu akelo Galil lo aphu akeqo, Judea yeghiqha eno Jerusalem kuto lono Farisimi eno Ayezah Kukutsumi ighino iqa akhae. Alhou kuka shipivikulupu Jisu gholo ae.

Mark 6:6

Pano ghami kupulukumo jupesu Jisu ye akumzaqhiyive. Jisu no tipa che-axulo akeqo phulo kutsusu wuve.

Mark 3:10

Kughengu pano timi kutomo shipivive, ikehu kusukinimi kumtsuno pa diluniye pa koha ighi ae.

Mark 1:14

Johan kughape akughukilo suve kethiu, Jisu no Galil qhalo wuno alokivipu sutsa Alhou launo ighikeu pesu asheshu.

LESHELE 74:8

Panonguye ningu kitilamu ghumono kutsakhaveniye shike, ayeghilo akimthe-a kumtsu panonguno pitikhave tsuke.

Apostolmi 20:25

Ino ithi anike, nongu khunoqo gholo ino Alhou yehkipe pesu asheshu ache keno hinguno hilauye khilemu iju ithulumae.

Apostolmi 18:4

Sabat tsala atsu-tsu Sinagog lo wuno kutsala puzu Judami ngo Grikmi pelo mutsumishei ithipeniye pukaputsa.

John 6:59

Hiye Kapernaum lo Sinagog lono Jisu no kutsukeu ke.

Luke 10:9

tipa phughilo kusukinimi shipivilo, eno tile akeqo vilo pilo, ‘Alhou yehkipe ye nongu kupunu ighi anie!’

Luke 6:17

Jisu no panongu sasu ato lono iqighi eno aqalo pa khopemi aqo kutomo gholo puthugho. Judia qha Jerusalem, Tur eno Sidon yeghilo azu mukulo aphughiqo lono timi aqokitikhi ighieno ngoa;

MATTHEW 14:14

Jisu no ashuka lono amuku tokelo timi aqokitikhi aghikeu ithulu puzu panoqo jupesu pa mlo ighiqhiyiveno pano panoqo gholo kusukinimi shipivitsu.

MATTHEW 13:19

Khunoqono Ayehkipe sutsa chilu puzu ti ithikuthumo nikeno tipanoqoye alalo apiti vesulu kemiqoe. Alhoksau huno ighi puzu tipanoqo mlolo apiti vesupuakeu muxa suwuve cheni.

MATTHEW 3:2

“Axine lono Alhou lau xaideighivelo, kughengu Kungugha yehkipeye kupunuvae!” ipi pano pie.

John 7:1

Hipa thiu Jisu ye Galil lo izu ache. Paye Judia lo izuwu nishimoe kughengu tilau Judamiqoye pa pithive nikeu shi pa phuju ae.

Luke 20:1

Ghulo lakhi Jisu no achinekilo timi kutsu eno atsakiviu asheshu akelo achinetomi eno Ayezah kukutsumino muchomiqo gholono ighino

Luke 4:14

Tithiu Jisu ye Galil lo ide ighi, eno Aghungu Kimthe kuka pa gholo ae. Ike pa ghiliye tipa sukumxa kumtsu vekuphave.

Luke 6:6

Sabat tsala kutau lakhilo Jisu no Sinagog lo ilono kutsu. Tile timi lakhi a-u ajeu thivekemi ae.

Luke 7:21

Tipa tuqhudolo kusukini, ghicheghime eno tughakusa akeqo kutomo shipivitsu, eno anhechemi kutomo ithukulupu tsue.

Luke 9:60

Jisu no pa vilo pi, “Kithimi pelo kithimi kumo shiqho apelo, ikemu noye wuno Alhou yehkipe ghili asheshulo.”

Luke 16:16

Muse no sughikeu zahkutsu eno tungkupmi no pikeu tsaye Johan Baptist ighike kutolo pepimhe cheke. Tileno huthusu akivi sutsa hi Alhou yehkipe ghili pi ighivea, eno lakhikhino hile ilonike anguka vesu cheni.

Apostolmi 28:31

Pano kumtsu gizu lono eno kiunomu pa lakha keu kuhano Alhou yehkipe ghili pikulha eno Ampeu Jisu Khristo ghili pesu kutsu che.