MATTHEW 4:17 - BAIBEL (BSI)

¹⁷ Tithiuye Jisu no ishi asheshu, “Axine lono Alhou lau xaide ghivelo; kughengu Kungugha yehkipeye kupunu khoivae!”

Sümi Tiqhelimi Bible

¹⁷ Tipathiu Jisü no ishi kütsü thuve, “Amlo pebidelo, kughengu kungugha kükaphu ye kupunú ighivae.”

Sumi Naga CL (Re-edited) Bible (BSI)

¹⁷ Hipa ghuloki lono huthusü Jisü no ishi kütsü thuve, “Xaidelo, kughengu kungugha yekipe ye kunupu khoivae.”

MATTHEW 4:17 Referans Kwoze

MATTHEW 3:2

“Axine lono Alhou lau xaideighivelo, kughengu Kungugha yehkipeye kupunuvae!” ipi pano pie.

Apostolmi 2:38

Pitor no panoqo vilo pi, “Nongu lakhi khino nongu xine lono xaideghiluve puzu Jisu Khristo je lono baptiz shiluvelo, tishianguno nongu xineqo pevetsupe kepushi eno nonguno Alhou wu agho, Aghungu Kimthe ithulu nani.

Luke 5:32

Niye amikuchomi kuniye ighike kumoe, ikemu axinemi xaideghi penike kuluniye ighi ke.”

Luke 24:47

Eno paje lono xukidekeu, axine pevetsukeu sutsa ashiayeh kumtsu lau Jerusalem lono huthu tughu shino asheshu masae.

Apostolmi 17:30

Timino mthakeu ghuloki loye Alhou no jukumghale vetsuche, ikemu itehiye pano aqha kuchopulo timi kumtsu vilo xukithelu lopi ahza tsu ani.

MATTHEW 9:13

Wu puzu kuchoyesulo hipatsa akeu kiqiye kiu kela phijulo, ‘Niye kimiyekini lunishike thono lhoxu heqhipe mlla keu khuamoe.’ Niye achipiu shichekemi kuniye ighi kekumoe ikemu axinemi kuniye ighike.”

Apostolmi 26:20

Ikemu atughushi Damaska, Jerusalem, Judia ghakhu kumtsulo eno Judakumomi gholo ino asheshue. Panongu xine qhiveno Alhou lau xaideghi luve keu kumla mlape piyelo pi ino asheshue.

Luke 15:7

Titoi, ino nongu vilo piani, kungughalo amikuchomi lhotoku toku khunoqo xukikithe avehupu shimokemi shou alokivi akeu nguno alauno axinemi lakhi xukithe ighilukeulo alokivi alau anie.”

Apostolmi 3:19

Axine lono xaideghilo eno Alhou lau tsughu ighilo, tishianguno pano nongu xineqo pevetsu nani,

Luke 15:10

Ino nongu vilo pini: Titoi Alhou wu kungumi lokivi ghi axinemi lakhi xukithelu keu shou anie.”

Apostolmi 20:21

Judami vilo ghi Grikmi vilo ghi ishi Alhou kudau xaide ighinikeu eno ningu mpeu Jisu shou pulube nikeu shepe thumuyishi pithie.

IBRIMI 6:1

Tishiaye khristomino pepimhe chekeu atughilo kukutsu nguno alau ninguye tekhoyikeu kukutsu kudau azuu hawoni nolo eno axine lono xakide ighi puzu Alhou pululukeu,

Apostolmi 11:18

Kughou panonguno hi chilukeno panonguno pipusa keu inaqhoive eno ishi Alhou sheqhe, “Tishiaye Alhou no Judakumomi pelo ghi xakidelu puzu akuxupu shilukepu dokivi tsuanie!”

MATTHEW 25:1

“Kungugha yehkipeye ilimi chighino amizu kulu pesu kulapuu sasu kushoniye wukeu kimihi shi nani.

MATTHEW 13:47

“Itaghi Kungugha yehkipeye akhame lakhi azughilo vesu puzu akha jeli kumtsu velukeu hutoike.

MATTHEW 10:7

Nonguno wuchekelo ishi asheshu pilo, ‘Kungugha yehkipeye kupunu ighivae.’

Luke 9:2

Panongu pelo Alhou yehkipe pesu asheshu eno akusu shipivi penike pano puwu.

MATTHEW 11:12

Johan Baptist tsala lono ishi kutolo kungugha yehkipe le ighi ani kemu aminhimino angkano suxaluve ani.

MATTHEW 13:24

Jisu no panoqo vilo kimghipiyekeu kutau lakhi pi; “Kungugha yeh kipeye timi lakhino pa lulo apiti kivi xusukeu hutoike.

MATTHEW 13:9

Eno Jisu no ishipi, “Khunono ininishi ani keno pano pelo inipelo!”

MATTHEW 13:11

“Kungugha yehkipe tuqhouqo ithipe nike nongu lau tsuvae, ikemu panoqo lauye tsu puamoe.

MATTHEW 6:10

Oyehkipe ighilo, Kungughalo toi ayeghilo ghi opulou shilu pelo.

Luke 3:23

Kughou Jisu no pa kumla huthu keno, paye ampe shighia shia eno timino ishi kumsukeuno paye Josef nu, Heli nu,