MATTHEW 28:19 - BAIBEL (BSI)

¹⁹ Ike aqha kumtsulo ashiayeh kumtsu lau wulo eno ino kutsukeu lukemi shilupelo; Apuh jeku, Anu jeku eno Aghungu Kimthe jeku ishieno panoqo baptiz shitsulo;

Sümi Tiqhelimi Bible

¹⁹ Tighenguno shiye kümtsü lau wulo eno I khopemiqo shilu pelo; Apù jeku, Anu jeku eno Aghungu Kimthe jeku no baptiz shitsülo,

Sumi Naga CL (Re-edited) Bible (BSI)

¹⁹ Tighenguno wulo eno shiye kümtsü pesü I khopemi shitsülo, Apu jeku, Anu jeku, eno Aghungu Kimthe jeku panongu baptiz shitsülo,

MATTHEW 28:19 Referans Kwoze

Apostolmi 1:8

ikemu kughou Aghungu Kimthe nongu shou ighi nikeno nonguno akumto ithulu nani, nonguye Jerusalem lo ngo Judia qha kumtsulo. Samaria lo eno ayeghi shekha kutolo ishepemi shimasa nani.”

ISAIAH 49:6

AMPEU no ivilo pike, “Iqeu, niye oghenguno akumlapu saje kije lakhi ani. Noye Israilmi puxu puaghikeqo kije shikepulo sachilewoni keu likhi kumo, ikemu ino opelo ashiayehqo lau akuvu lakhi shipeni cheni, tishianguno ayeghiqha kumtsu xaluvepe nike.”

Galatiami 3:27

Kughengu nongu khijehino Khristo sasu kuqha pekeulo baptiz shiveakeno Khristo kuxu pepuvae.

Rommi 10:18

Ikemu ino hi iniju ani, panonguye kuchouno asutsa chimlave kesha? Panonguye chiluvea thono, kughengu kuchoyesulo ishi pivae. “Panongu ghughaye ayeghi kumtsu shou wuvae, eno panongu tsaye ayeghi shekha kutolo tovae.”

Ephesiami 2:18

Kughengu Khristo vechewo ningu Judami ngo Judakumomi amuqo kinikujo Aghungu lakhilo Apu lau ighikulupu shitsue.

Apostolmi 28:28

Paul no highi pi, “Nonguno hi ithikepushi ani, tiye Alhou wu xakulupu tsakiviuye Judakumomi lau puwutsu ani. Panonguno initsu nani!”

Apostolmi 2:41

Ike khunoqono pa tsa ikhilu keno tipaqo baptiz shitsu eno tipani timi 3000 kutolo panongu gholo kihikusumi shiluve.

1 Peter 3:21

Tipau michipu shighi baptiz shiche keu huno itehiye nongu xalu cheni. Hiye aphilo axine lhoksa akeu qhuvekeu kumoe, ikemu kiviksa lokutsu akiviu shiluke launo Alhou lau ashoqhi shikeuke, tiye Jisu Khristo xuchileputhuve keu vechewonoke.

BOTHUBO 1:26

Tileno Alhou no pi, “Ningu julho eno ningu kimihi shighi timi mlapheni nolo eno panoqo pelo azughilo akhaqo, ayeghilo aghauqo, tikishi ngo tughashiqo eno itikiche lhoxuqo kumtsu shou qhasulupenie.”

1 Kor. 15:29

Tishimo aye, khunoqono kithimi ghenguno baptiz lupuani keno tipaqoye kiu shiniye kya? Kithimi khilemu xuputhu chemo aye timiqoye kushiye kithimi ghenguno panonguno baptiz lucheni kya?

ISAIAH 48:16

“Itehi ipunu ighilo eno ino kiu pini keno inilo. Inahuu abothu lono ino aqha zulono pivae eno pulhapuju itsaye kuchou shi aghipe cheni.” (Itehiye Alhou AMPEU no pa kuka itsuke eno ipuwuke.)

Apostolmi 14:21

Paul ngo Barnaba pamano Derbia phughilo atsakiviu pesu asheshu eno kutomono kupulumi shiluve. Tithiu pamaye xachile susu Lustra,Ikonia eno Pisidia ghakhulo Antiok lo idewuve.

Kolosiami 1:23

ikemu nonguye akupululo aboqha kumto shou mutotoi achemoayesake. Nonguno atsakiviu chilu puzu lajupu tsukeu lono iqevekepu kumoe. Atsakiviu tipau huye ayeghiqha kumtsu asheshuvae, eno ni Paul pelo hipau peithakutsumi lakhi shipeke.

2 Kor. 13:14

Ampeu Jisu Khristo wu kupukini, Alhou kimiyekini eno Aghungu Kimthe kuposhukulu nongu kumtsu gholo apeniu. Amen.

ISAIAH 52:10

AMPEU no pa kuka kimthe peitha nani; pano pawu timi xaluni, eno ayeghiqhano tipau ithulu nani.

Apostolmi 9:18

Paikhavi no kiuala akoza toike Saul nhethi lono ikiqive eno paye ithulukitheve. Pano puthughove eno baptiz shiluve,

MATTHEW 13:52

Ikelo pano panoqo vilo ishi pi: “Tighenguno Kungugha yehkipe qholo Ayetsa kukutsumi khije qopheluvekemi keno panoqoye aki pighichekemi lakhino pa bi-ale lono thime-kithe ngo thime-aqah ngo ishi khalau ikhiphekeu hutoike.”

1 John 5:7

Ashepe kishi kuthu acheni:

MATTHEW 25:32

Ashiayeh kumtsu pa zulo kumqowo ngo nani eno bherikheuno bheri ngo ane kututa shike toi panoqo pesu lakhino lakhi launo kututa shitsu nani.

Apostolmi 1:2

kungughalo saikuveke tsala kutolo mlakeuke. Pa saikuve mphilo Jisu no Aghungu Kimthe vechewo apostolmi khunoqo pano kishelukeno tipaqo vilo ahza kutsu shike.