MATTHEW 27:51 - BAIBEL (BSI)

⁵¹ Tileno Judami chinekilo kokuthabo phi atsuqa lono abophi kutolo ala-kini shi suxu kututashive. Ayeghi sukughutha eno atuquqono ipokututa shive,

Sümi Tiqhelimi Bible

⁵¹ Tishi kemtsa, achineki lo nhaqhiphi hu no atsǜqo lono abò kutólo ixü kütüta kini shive. Ayeghi no itha, atuqo no amta lono ipokütüta shive

Sumi Naga CL (Re-edited) Bible (BSI)

⁵¹ Eno julo, achineki lo kokütha tozü shi nhaqhiphi achekeu ye akütsüqa lono abophi kutolo ala kini shi ixü kütüta shive. Tishino ayeghi itha thuve eno atuquqo no ipo kütüta shive.

MATTHEW 27:51 Referans Kwoze

Mark 15:38

Achinekilo aphino kotha puakeu hu atsuqa lono abo kutolo ala kini shi suxuve.

IBRIMI 6:19

Lajupu hipauye ithamo keu eno iqemo keu pufulukepu-kuba toi nilolo anie. Hipau lajupuno kungugha chinekilo nhaqhi phi vechesu akimthechebo aloulo wu cheni.

Luke 23:45

Eno Judami chinekilo kokutha phi amta lono ixu kututa shive.

Piyeküsü 11:19

Tileno kungughalo Alhou chineki khaqhive, eno Puloshoqhi Bohu hu tile akeu ithulu. Tileno tsutsupha kulo kong kong shi tsutsusu igha ayeghi ilu eno shishe murasu qie.

MATTHEW 27:54

Ghushimi 100 shou akijeu ngo pa gholo ghushimi qono Jisu jughi khe akelo ayeghi ithakeu eno tile kishi akeno kumtsu ithuluno panonguye kichimamaiveno ishipi, “Paye kuchouno Alhou Nue!”

MATTHEW 28:2

Tile zuleno ayeghi kughutha kije lakhi ighi, tiye Ampeuw kungumi lakhi kungugha lono iqighi puzu atulupha hu tukuluveno tipau shou iqa-a.

ISAIAH 25:7

Ashiayehqo kumtsu shou amlo kusano khungkusu toi nhape achekeu hu pano hileno zuleno lhavetsu nani.

Piyeküsü 11:13

Tipa mutsa ayeghi shishe ilu, aphughi hu kikije achighiuye kutsapinive eno timi 7000 pithivetsu. Timi achilishi aghikeqoye shishe musaveno akimthe jekipipushi kungugha Lhou sheqhetsue.

IBRIMI 9:3

Nhaqhiphi akiniu veche ilokelo Akimthe nguno Akimthe-A ipi keu phiki ache.

HABAKUK 3:10

Naghutoqono no-ithulu kelo khokhoshive; atsutsu lono azu leqhike. Ayeghi qhou azu akeqono igha eno tipaqo zu kukuchono qhemghai iku.

YEKIKITHI AKINIU 3:14

Tinguno alau ghi pano ayethi kumkano ghokeu phi huchuyi, tsulakibiye ishi ajeli phi pe nhaqhi phi mlape tshuqhike.

ACHINE 21:23

ikemu paye aphimpilo tukutiye anike ghenguno paye akimthe nhaqhiphi phivilo ighikevilo momu akiptia kupunu wukevilo. Paye akimthe nhemgha hipaqo shipixi kepu kumoke kughengu niye AMPEU ke eno ino tipaqo akimthe shitsu chenike.”

HABAKUK 3:13

Nono owu timiqo xalu nike wuke, tiye nono kisheluvekeu akukau xaluniyeke. Nono kusakughami sakipheu hekuluqhike eno pa papechekemi kumtsu kutsalevetsu.

LESHELE 18:15

O AMPEU, nono ighumi vilo alomi pikelo eno aloghu lono panoqo vilo ighakelo, azughi boqha ithulu puqaive, ayeghi boqhaqo hu vezaleyiveke.

LESHELE 18:7

Tile ayeghino khokhoshi ithae; Naghuto boqha ghi sukughutha eno ilue, kughengu Alhou no axu-ideveke.

ACHINE 16:2

AMPEU no pie, “Omu Aron vilo paye ado achipiulo likhino nhaqhiphi thiu Shishe Akimthe-a lo wulo pilo kughengu tilauno Puloshoqhi Bohu kunha shou khungkusulo ino ipeghi chenike. Pano hebideve aye pa pithive nanike.

IPEKULU 40:21

Tishieno pano Abohu pesu Aphikilo suve eno sushovekeu nhaqhiphi nhaqhive. Hitoi shipuzu, AMPEU no ahza tsupuakeu toi pano Puloshoqhi Bohu sushope qhive.

AKIKIHI 4:5

AMPEU no Muse lau akukutsu hipaqo mijetsuke. Kughono aghazu xani keno Aron ngo panuli qoye Aphikilo iloni, Puloshoqhi Bohu zulo akeu nhaqhiphi kuqhoqhino tipau pesu Abohu kuzuve penikeu shi.

Luke 23:47

Ghushimi 100 shou akijeu ghi hi kumtsu ithulua eno pano Alhou sheqhe pi: “Mutsuqheino timi hipauye akivimie.”