MATTHEW 26:64 - BAIBEL (BSI)

⁶⁴ Jisu no ishi pa khochile, “Nono ti pivae. Ikemu ino nongu vilo pini, hinguno hipathiuye Timi Nu no Akukakumto u-ajeu iqa akeu eno atsutsulo khungkusu shouno cheghikeu nonguno ithulu nani.”

Sümi Tiqhelimi Bible

⁶⁴ Jisü no khochile, “Nono ti pivae, ikemu I no nongu kümtsü vilo piani: Hinguno hilau ye nongu no Timi Nu ye Akughushu Lhou u ajeu iqave no atsütsǘ lo khüngküsü lono ighi keu ithulu nani.”

Sumi Naga CL (Re-edited) Bible (BSI)

⁶⁴ Jisü no pa vilo pi, “Nono pivae. Ikemu I no nongu vilo piani, hinguno hilauye Timi Nu no Akumtou u ajeu iqa no atsütsü lo khüngküsü lono ipe cheghi keu nongu no ithulu nani.”

MATTHEW 26:64 Referans Kwoze

DANIEL 7:13

Kijiliu ino kungunhetsu shi ake ghulokilo, timi ju kimihi lakhi ithulu, khungkusuno kuzuphope puzu ikudau ighi, paye alholo acheghi keu kudau wuno pa zulo ngove.

Mark 14:62

Jisu no pi, “Iye, nike; eno nonguno ni Timi Nu huye Akughushu Lhou u-ajeu iqa akeu eno kungu-u khungkusu lono ighikeu ithulu nani.”

LESHELE 110:1

AMPEU no impeu akukau vilo pi, “Iu ajeu hile iqalo ino aghumiqo pesu opukhu qholo qhitsumoke kuto.”

IBRIMI 1:3

Paye Alhou kimthejukuvu wu mulapuyi yebidekeuke, paye Alhou lhoaye sasu aphiphishi kimihi anike eno tsutsu yeghi thwokha kumtsu pa tsalo akuka akeu huno sukimepe anie. Timiqoye axine lono shikimthe kulupushi pano shivetsu kethiuye, paye kungughalo Akughushu Lhou uajeu iqae.

Piyeküsü 1:7

Julo, paye khungkusu shouno cheni. Timi kumtsuno pa ithulu nani, pa qhuqhi pithikemi ghi; eno ayeghilo timi jeli akemi kumtsuno pa shou amlo ghime shi nani. Tishi peniu! Amen.

IBRIMI 12:2

Ningu kupulu hukuthuu eno kishekhau Jisu lau anhe-sukuqumono juni nolo. Pa zulo alokivipu qhipuatsukeu jupesu paye kros lo thinikeu kujo-mzakepu kepi kumsumoe eno itehiye Alhou wu akuka lakhu ajeu iqa ani.

Luke 21:27

Tithiu Timi Nu ipeghi nani, khungkusu lono akuka kije eno mulapuyi ighini.

MATTHEW 24:30

Tileno Timi Nu michipu atsutsulo ipeghi nani, ayeghilo ashiayeh kumtsu mlo-qah nani, Timi Nu no khungkusu lo akuka eno akimthe jukuvu lono chekeu timiqono ithulu nani.

MATTHEW 26:25

Ike Jisu pesu thechu shikeu Judas huno ishi iniju, “Kutsuchekeu, ino kumo kema?” Jisu no pa vilopi, “Nono piluvae.”

MATTHEW 25:31

“Kughou Timi Nu no ajukuvu lono kungumi kumtsu pa gholo sasu ighini keno tile pano pawu akimthe jukuvu lakhulo iqa nani.

MATTHEW 16:27

Kughengu Timi Nu ye paPuh wu akimthe jukuvu lono pawu kungumi sasu ighini cheni, eno tileno timi lakhi khino kiu mlapuaghi nikeno tipau lochile nani.

Piyeküsü 20:11

Tileno ino akuka lakhu akuloghi lakhi metsughoikeu eno tipau shou iqa akeu ngo ishi ithulu. Ayeghi ngo kungugha pa zulono yeuveno ithumlave.

1 Thes. 4:16

Kughengu tilehiye ahza kutsu ghugha anani, kungumi gholo atou sutsa chilu nani, Alhou fuko kuyigha nani, eno kungugha kudauno Ampeu ampi iqighi nani. Eno Khristo pulucheno thivekemiqo paghi xuputhu nani.

Apostolmi 1:11

Pamano ishi pi; “O Galilmiqo, nonguye kushiye puthughono atsutsu kudau jupuku ania? Hi Jisu khuu nongu launo kungughalo saiku keno, pano kungughalo wukeu nonguno ithuluvekeu toi paye tipaphi shighi ide ighi nani.”

John 18:37

Ikelo Pilat no pa iniju, “Tishiaye noye akukau lakhi kesha?” Jisu no khochile, “Niye akukau lakhi kepi nono pianie. Ipunukeu eno ino ayeghiqhalo ighikeu kimijiye highenguno ke: Kuchou ghili ashepe tsuniyeke. Khunono kuchou laumi keno paye isutsa inicheni.”

Luke 22:70

Panongu kumtsuno pi: “Ike,noye Alhou Nu keo?” Pano panongu khochile pi: “Niye tikepi nonguno pie.”

MATTHEW 27:11

Jisu ye Ahng zulo puthughoa, ikelo Ahng no pa iniju, “Noye Judami kukau kesha?” Jisu no ishi khochile, “Nono ti pivae.”

Rommi 14:10

Noye kushiye othikuzu-u shou kughathakeu becheni kya? Momu noye kushiye othikuzuu jukunatha cheni kya? Ningu kumtsu Alhou tsakugha lakhu zulo puthugho nani.

ISAIAH 19:1

Hiye Ijip ghenguno atsape lakhike. AMPEU ye khungkusu shou iku puzu muthuthei Ijip kudauno cheni. Ijip lo ajulho akeqoye pa zulo khokhoshi ani eno Ijip lo akemiqoye amlo kuloghi hauveno ani.

MATTHEW 8:20

Jisu no pa khochile, “Sherqoye ngokepu tuki acheni, eno aghauqono apusu ani; ikemu ni Timi Nu ye pa kutsu mukhu kepu-a ghi kuhae.”

MATTHEW 16:28

Kuchouno ino nongu vilo pini, hile puthugho akemi khamiye Timi Nu no payehkipeqha lono ighikeu ithulumoke kutolo akithi michemo nani”

MATTHEW 22:44

‘Ampeu no iMpeu vilo ishipi: Ino oghumi pesu opukhu qholo qhitsumoke kutolo, i-u ajeu iqalo.’

MATTHEW 28:18

Jisu no kupunu ighi puzu panoqo vilo ishipi, “Kungughalo ngo ayeghilo akuka kumtsu itsuvae,

Luke 22:69

Ikemu hinguno hilau ni Timi Nu ye Alhou akumtou ajeu kudau iqave nani.”