MATTHEW 26:24 - BAIBEL (BSI)

²⁴ Timi Nu huye kuchoyesulo pa ghenguno yepuakeu toi thive nani, ikemu timi khuuno Timi Nu pesu thechu shinikeno pa ghenguno kiutoi ahakusapu kela! Timi tipau ghenguye pa punumove keu pavini cheke!”

Sümi Tiqhelimi Bible

²⁴ Timi Nu ye Kuchoyesü lo yèpüa ketoi thive nani. Ikemu Timi Nu küghape thechu shive keu ghengu ye ahaküsapue! Pa ghengu ye punúmove keumu pavini cheke.”

Sumi Naga CL (Re-edited) Bible (BSI)

²⁴ Kuchoyesü lo pa ghili yepüake toi Timi Nu ye wuve nani, ikemu khuu no Timi Nu thechu keno pa hasapue! Timi tipau ghengu ye punu move keu pavini chekena.”

MATTHEW 26:24 Referans Kwoze

Luke 24:46

panongu vilo pi, “Ishi yeh puani: Khristo ye ime puzu akuthuni akithi lono xuthumasae.

MATTHEW 18:7

Timi pelo axinelo ghukesawuve pekepu akeu ghenguno ayeghiqhalo ahakusapue! Kughengu ghukesawuve kepu ighimasakeu ani, ikemu timi khuuno vechewo ghukesawuve kepu ighi nikeno timi tipanoye ahakusapu ani!

1 Kor. 15:3

Kughengu ino kiu ithulukeno ighono akhotou kepi nongu lau ino ikhiphe pesu tsuke: ike kuchoyesu kiqi loye Khristo no ningu xine ghenguno thivetsu,

John 17:12

Ino panoqo gholo akeloye oje kuka pesu panoqo khepe qhicheke. Ino panoqo susho cheke eno kuchoyesu kupunike ghenguno ti puhave nikeushi akeu timi lakhi thono panoqo gholo lakhimu puhatsumoe.

Luke 22:22

Alhou no kughuthakeu toi Timi Nu ye thive nani; ikemu timi khuno pa kughape thechu shikeno pa ghengu kiutoi ahakusapu kela?”

Mark 14:21

Kughengu ni Timi Nu ye kuchoyesulo pa ye kishive nani keno pipuakeu toi thive nani, ikemu timi khuuno ni Timi Nu kughape thechu shiveni keno timi tipau ghenguno ahae! Timi tipau ghenguye pa punumokeu pavi nicheke!”

MATTHEW 26:54

Tishiaye, kuchoyesulo hikithipushi shimasakepi pipuakeu huye kishi puzu shikupuluni kya?”

DANIEL 9:26

Ado tipau ashekhalo Alhou no kishephe keu sakipheu akipimi kuhamu heqhive nani. Ighono akuka kua kukami wu ghushimino leighi kelono aphughi eno achineki kutsave tsu nani. Amghazu qole ighi keshi puhave tsunikeu ighi nani, Alhou no kuto pua keu lono aghu eno shikupsa sughi tsu nani.

Mark 9:12

Jisu no ishi khochile, “Elija ye atughushi ighi puzu thwokha kutope qhi. Eno ni Timi Nu ghenguno kuchoyesulo kushiye paye thwokha aghime shinikeu eno pa jukunathani keushi yepuani kya?

MATTHEW 26:56

Ikemu tungkupumino kuchoyesulo yepuakeu shikupu nike ghenguno hipaqo kumtsu shi ani.” Tileno akhopemi kumtsuno pa qhiveno pove.

ZEKHARIA 12:10

“David polo kughukomi shou eno Jerusalem lo kughuna akemiqo shou ino amlo ighiqhiyikeu nguagha eno akukhu kighini nguagha lepukutsu nani; ikehu panonguno khuu qhuqhi pithive keno tipau shou jupuku puzu anga lakhi likhi akeu thivekelo mloqa akeshi panonguno pa ghenguno mloqa nani. Anu anoghiu thivekelo mlo qakeshi panonguno amlo kughutashi qa nani.

LESHELE 55:23

Ikemu O Alhou, nono panoqo pesu aqohkutholo suve nani, ghikiqhimi ngo kimkimiye pano kuxu amtamu xumo nani. Ikemu niuye opukhuni chenike.

LESHELE 55:15

Akithi pelo panongu kughaluve pelo; xuapulaghi kithimi yeghilo iqive pelo! Pano kilo eno pano mlolo lhoksa kugha anike.

Apostolmi 28:23

Ikehu panonguno Paul sasu ghulo lakhilo kushonikeu shi kihithave, eno panongu kutomo shesu Paul kungoalo ighi. Inaqhe lono putho kutolo pano pichekeu apasushi lhepiye, eno Alhou yehkipe ghili ashepe shi. Pano Jisu ghili pesu panongu pelo mutsuqheyi ithivepe nike pukaputsa ghi Muse yezah lo eno tungkupmino yepuakeu lono kichephepe piye.

Apostolmi 4:28

Nono azunatha ghi kiu shi nanikeno kughupe puakeu tipau shinike panonguno kumtsa kumqoe.

Apostolmi 2:23

Alhou wu apulou eno azunatha kighithi lono hi Jisu ye nongu ulo phesuvetsu keu shi; eno nonguno ayehkumthami pelo kros lo pa yedavepe eno pa pithivepeke.

John 19:28

Thwokha shitavekeu Jisu no ithive, eno kuchoyesu shikupuni kehu pano ishipi, “Niye tughuthi ani.”

John 19:24

Ike panonguno pi, “Ningu hipau suxukije moni, ikemu tiye khu-wu shikepu kela asaqhinie.” Hiye kuchoyesu shikupuni kehuke: “Panonguno panoqo dolono iphimini kijeluve, Iphikuzu ghenguno panonguno asaqhike.” Ike ghushimino tipaqo shike.

ZEKHARIA 13:7

Aqokitikhi MPEU no pi, “Idathughilo, azutakihi ipunukhoi mlachekeu bherikheu ghiqhilo! Pa ghiqhilo eno bheriqoye hapiye pighive nani. Ino iwu timiqo leni cheni,

BOTHUBO 3:15

Atotiu ngo okujo dolo ino kimthikile keu sutsuni, oti ngo li ti dolo ino kimthikile keu sutsuni. Pano oboghe chisheda tsupeni eno nono pa phitsu mighi peni.”

MATTHEW 26:31

Tilehi Jisu no panoqo vilo ishipi, “Itiji nongu kumtsu pokhave nani eno ilikhi qhiveni cheni, kughengu kuchoyesulo ishi yepuani, ‘Ino bherikheu heqhipithive nani, tileno bheri lojiye apanagha kohave nani.’