MATTHEW 26:13 - BAIBEL (BSI)

¹³ Kuchouno ino nongu vilo pini, ayeghiqha kumtsu shou khilehi lokivipu sutsa hipau pikulha kelo li kumsumamokeu shi lino mlapuakeu ghi piwo nani.”

Sümi Tiqhelimi Bible

¹³ Kuchou no I no nongu vilo pìní, atsakiviu hipau pesü ayeghiqha khilehi pikülhasü wuni keno, totimi hipau no kiu shivea keno li kümsüma mokeu shi hipau ghili piche nani.”

Sumi Naga CL (Re-edited) Bible (BSI)

¹³ Kuchou no I no nongu vilo piani, ayeghiqha kümtsü lo khile khilemu hipa tsakiviu pikülha wu kelo, li kümsüchile lughi li no kiu shive akeno tighi piche nani.”

MATTHEW 26:13 Referans Kwoze

Mark 14:9

Kuchouno ino nongu vilo pini, ayeghiqha kuchopulo khilekhilemu lokivipu-tsa pesu asheshu kelo li kumsumamokeu shighi lino kiu shitsukeno tipau piwo nani.”

MATTHEW 24:14

Kungugha yehkipe sutsa kiviu hipau pesu ayeghiqha kumtsulo kutsuwo nani eno tino ashiayeh kumtsu lau thopi lakhi shi nani eno tithiuno ashekha tsala ighi nani.

LESHELE 112:6

Timi kivimiye khilemu tomovemoe; paye pulhapuju kutamino kumsu che nani.

IBRIMI 6:10

Alhou ye amikuchoke ghenguno nonguno mla akeu pa jelono pawu timiqo lau kikimiye pephepiye puakeu eno itehi kutolo titoi shiakeu paye kumsumavemo nani.

ISAIAH 52:9

Jerusalem xalepinyipe akeqo, alokivi ghugha ighaphelo! AMPEU no pa phughi lekholu nani eno pawu timi lokughunotsu nanike.

SAMUEL ATUGHIU 2:30

Ni, AMPEU Israil Lhou no wovekeulo olagha eno okibolomi pelono alhokuthu iwu achinemi shiche peni pi tushoqhi puae. Ikemu itehiye ino pi ani—niye nongu avehupu shimae. Tipau zuqhulo timi khunono igihu sumsa cheni keno nighi tipaqo gihu nani, eno khunono ikutha kughashi cheni keno nighi tipaqo milive nani.

Piyeküsü 14:6

Tileno kungumi kutau lakhino lhokta tsakiviu pesu ayeghilo akemiqo ashiayeh jeli, timi jeli, eno atsa jeli pichekemi vilo asheshu nike atsutsu mutalo yecheghikeu ino ithulu.

1 Tim. 2:6

Timi kumtsu xachilelu nike pano pa ampi tsuveke, ikehu ado achipi lono Alhou no timi xalu nishi akeu shepe shike.

Kolosiami 1:23

ikemu nonguye akupululo aboqha kumto shou mutotoi achemoayesake. Nonguno atsakiviu chilu puzu lajupu tsukeu lono iqevekepu kumoe. Atsakiviu tipau huye ayeghiqha kumtsu asheshuvae, eno ni Paul pelo hipau peithakutsumi lakhi shipeke.

Kolosiami 1:6

Nonguno Alhou wu kupukini hu kuchou kepi chilu eno ithi kuthuluke tsala lono nongu gholo athi pithilu eno thuwulu akehutoi, ayeghiqha kumtsu atsakiviuye athi pithilu eno thuwulu ani.

2 Kor. 10:18

Kughengu timi lakhino pa likhi pa sheqhekeuye adouke ikemu Ampeu no sheqhekeu timi huye amekuapu ke.

Rommi 15:19

Tishikehu Jerusalem lono homuxa susu Ilurikiam qha hokumxa kutolo, niye Khristo tsakiviu pesu hipaqha kuchopulo kutughuvae.

Rommi 10:18

Ikemu ino hi iniju ani, panonguye kuchouno asutsa chimlave kesha? Panonguye chiluvea thono, kughengu kuchoyesulo ishi pivae. “Panongu ghughaye ayeghi kumtsu shou wuvae, eno panongu tsaye ayeghi shekha kutolo tovae.”

Luke 24:47

Eno paje lono xukidekeu, axine pevetsukeu sutsa ashiayeh kumtsu lau Jerusalem lono huthu tughu shino asheshu masae.

Mark 16:15

Pano panoqo vilo pi, “Ayeghiqha kumtsulo wulo eno lokivipu sutsa pesu timi lhoxu kumtsu vilo asheshulo.

Mark 13:10

Lokivipu sutsa paghi timi kumtsu vilo asheshu paghi masa nani.

MATTHEW 28:19

Ike aqha kumtsulo ashiayeh kumtsu lau wulo eno ino kutsukeu lukemi shilupelo; Apuh jeku, Anu jeku eno Aghungu Kimthe jeku ishieno panoqo baptiz shitsulo;

Apostolmi 10:4

Pano akumsa launo kutuxope kungumi hu jupuzu pi, “Akijeu kiu kya?” Kungumi huno ishi pa vilo pi, “Okighini eno nono kumsano timi kuphuchekeu Alhou no ikhiluvetsua eno okumsulu ani.