MATTHEW 24:3 - BAIBEL (BSI)

³ Jisu no Oliv toghilo iqa akelo, akhopemino lomo shighi pa lau ighi eno ishi iniju, “Kughono hi shini cheni keno nivilo pitsulo eno nono ighinikeu ngo hipa yeghi aghuloki shekha shini kelo kiu michipu shi nani kya?”

Sümi Tiqhelimi Bible

³ Jisü no Olive naghuto lo iqa akelo, pa khopemiqo no lomo shi pa lau ighi eno pi, “Ningu vilo pitsülo, tipaqo ye kughou no shikupu nani kea, eno nono ighi nikeu eno ashekha ghuloki michipu ye kiu kea?”

Sumi Naga CL (Re-edited) Bible (BSI)

³ Jisü no Olive Toghi lo iqa akelo, akhopemi no lomoshi ighi no pa vilo pi, “Kughou no hipaqo shinani eno no ikighi lo ngo tiqheli shekuho lo kiu michipu anani keno ni vilo pitsü nima?”

MATTHEW 24:3 Referans Kwoze

Apostolmi 1:7

Jisu no panoqo vilo pi, “Aghuloki khikhi Apu no pa gho apulou lono kutope puani keno nonguye ti ithi mayesake kumoe.

MATTHEW 24:37

Noha tsalalo kiu shikeno Timi Nu ighi nikelo ghi tihutoi shi nani.

MATTHEW 13:49

Ayeghi kishekha kelo ghi hitoi shi nani: Kungumino wu puzu timi kivimi gholono alhoksami xukumqo sawu puzu

Luke 21:7

“Kutsuchekeu, kughono hi shive nani kya?” ipi panonguno iniju. “Hipau shini cheke zulo kiuno amchi shi nani kya?”

MATTHEW 21:1

Panonguno Jerusalem kupununi chekelo, Oliv toghilo Betpage phulo ighi. Tilehi Jisu no akhopemi kini puwughi pama vilo ishipi:

MATTHEW 24:39

Azuno yimi ighike kutolo panonguno kumsu chilelumono ake lono kumtsu yipesu wuve. Timi Nu ighi keloghi tihutoi shi nani.

MATTHEW 24:27

Kughengu tsutsu kukulono kipelau ipeghi kelo kulolau kutolo yepuvuke toi Timi Nu ghi tihutoi ighi nani.

IBRIMI 9:26

tishike aye ayeghi lhophe kemtsa lono paye ghuthu kutomo aghime shive nicheke. Ikemu tilehiye tiqheli kumtsu kishekhaveni chekelau pano pulhapuju ghenguno ghuthu khavino ipeghivae, tiye pa likhi pa pesu aghashi thikeu vechewo axine pevetsu niyeke.

MATTHEW 28:20

eno ino nongu lau ahza tsuvekeu kumtsu panoqo pelo pelupe nike kutsu tsulo. Eno julo! ayeghi kishekhake kutolo niye pulhapuju nongu sasu ache nani.”

MATTHEW 17:19

Akhopemino lomo shi-ghi Jisu lau ighi no pi, “Ninguye kushiye hi haphe mlave kya?”

MATTHEW 24:43

Ikemu hi ithi alo aki mipeuno putholo kiu ghuloki lono kupkami ighini keno ithi ake napi aye, paye kheani cheke eno kupkami pelo pa ki hepho iloghi pemo nicheke.

MATTHEW 15:12

Tileno pa khopemino pa lau ighi puzu ishi pi, “Nono pikeu tsano Farisimi mlo putave tsuake noye ithi ani kema?”

MATTHEW 13:36

Tileno Jisu ye timi aqokitikhi qhive puzu aki alou ilove. Pa khopemino pa lau ighino ishipi, “Alulo alupi pesu kimighipiyekeu kiqiye kiu keno nivilo pitsulo.”

MATTHEW 16:27

Kughengu Timi Nu ye paPuh wu akimthe jukuvu lono pawu kungumi sasu ighini cheni, eno tileno timi lakhi khino kiu mlapuaghi nikeno tipau lochile nani.

MATTHEW 16:28

Kuchouno ino nongu vilo pini, hile puthugho akemi khamiye Timi Nu no payehkipeqha lono ighikeu ithulumoke kutolo akithi michemo nani”

MATTHEW 24:30

Tileno Timi Nu michipu atsutsulo ipeghi nani, ayeghilo ashiayeh kumtsu mlo-qah nani, Timi Nu no khungkusu lo akuka eno akimthe jukuvu lono chekeu timiqono ithulu nani.