MATTHEW 23:23 - BAIBEL (BSI)

²³ “Nongu Ayezah kukutsumi ngo Farisimi ghenguno ahakusapue! kuhakughaqo! Nonguno pulakhu, napa eno thuvu yetsuni kutolo chighi sajelo lakhi Alhou tsucheni, ikemu nonguno Ayezah akhoto qo: achipiu kukutsu, kikimiye eno amikucho kumla shinike kughuchove cheni. Kutauqo ghi kughuchove kepu kumo kemu nonguye hipaqo pepimhe kepuke.

Sümi Tiqhelimi Bible

²³ “Nongu ayeza kükütsümi eno Phariseemiqo ghenguno ahaküsapue! Nongu kühaküghamiqo! Nongu no vepuju chekeu—axokümüna bò, dill bò eno pülakhü bò kutólo chighí lo saje lakhi Alhou tsü cheni ikemu nongu no ayeza lo akhotouqo—achipiu xakütha, kimiyeqhiyi keu eno pükhübekulu shini keu kughuchove cheni. Nongu ye azüu pive keqo ghí kughuchove kepu kumo ikemu itehi kiu piani keno tipaqo pepimhe akepu ke.

Sumi Naga CL (Re-edited) Bible (BSI)

²³ “Nongu Ayezah shikükami ngo Phariseemi hasapue, keghilishi chekeqo! Nongu no pülakhü, napa eno thüvü yetsüni kutolo chighi saje tsücheni, ikemu Ayezah lo akhotoqo: kuchou xakütha, kimiyekini, eno pükhükulu kughuchove cheni. Kütau ghi kughucho mono nongu ye hipaqo pepimhe kepu shiake.

MATTHEW 23:23 Referans Kwoze

Luke 11:42

“Ikemu nongu Farisimi ghenguno ahae! Nonguno ayetsuni jeli kumtsu pesu chighi sajelo lakhi Alhou lau akumllagho tsu cheni, ikemu Alhou zulo achipiu eno kikimiye kughuchove acheni. Kutau ghi shiepinamu nonguno amikucho eno kikimiye pepimhe akepue.

MICAH 6:8

Moe, kiuno akivipu keno AMPEU no nivilo pivae. Pano ningu lau lunishi akeuye hike: kiuno achipi keno tipau shinikeu lhokta kikimiye piyenikeu, eno ni Lhou sasu aqhokigheu lono kuposhupe xu acheni keuke.

HOSIYA 6:6

Niye nongu wu iqemokeu kikimiye lunishi ani kethono lhoxu heqhipe mllakeu khuamoe. Niye heqhipe piti imllakeu nguno alauno iwu timiqo pelo ni-ithipe nishike.

MATTHEW 9:13

Wu puzu kuchoyesulo hipatsa akeu kiqiye kiu kela phijulo, ‘Niye kimiyekini lunishike thono lhoxu heqhipe mlla keu khuamoe.’ Niye achipiu shichekemi kuniye ighi kekumoe ikemu axinemi kuniye ighike.”

SAMUEL ATUGHIU 15:22

Samuel no pi, “AMPEU ye khikhiu pulo ani kya? aghokulu keo, akumlla eno aghakishi kya? Bheri akiviu pesu pa mllani kepu zuqhuye pa gholu keuno akiviu.

AHOLE 21:3

Kiuno achipi eno akuzupukeno tipau shilo; tino aghashipe AMPEU mllakeu nguno akiviue.

ACHINE 27:30

Athi shi aghina axathi namu ayeghi lono ipeghikeu kumtsu saje chighilo lakhiye AMPEU salake.

Luke 18:12

Niye apinye dolo ghulo kini kumvu cheni, eno ino ala shikulu kumtsulo chighi saje lakhi pe otsu cheni.’

MATTHEW 12:7

Kuchoyesulo, ‘Niye lhoxu heqhino mllakeu lunishi moe ikemu kimiyekeu lunishie’ ipi puakeu nonguno kuchouno ithike aye, nonguye akipimi shimokemi pevemo nicheke.

ISAIAH 28:25

Pano ateni shiveno ayeghi kutove kethiuye ayetsuni piti, napa lothi ngo pulakhu lothi pesu yisu cheni eno ashothi ngo akithi pesu ajoshi yisu cheni eno aluphelo axapiti kutau yisu cheni.

JEREMIYA 22:3

“Ni, AMPEU no nongu vilo kiuno achipiu eno amikucho keno tipau shilopi ahza tsuke. Pukaluvekeu launo pukaluvetsu keu timi hu susholu lo. Inaghami, mighimghaqo momu chimemiqo peithapusa momu qodaqhi kevilo; eno akimthe-a hipaulo pimipuamo kemi heqhi pithi kevilo.

MATTHEW 23:13

“Nongu Ayezah kukutsumi ngo Farisimi ghenguno ahakusapue! Nongu kuhakughaqo! Nonguno timiqo launo Kungugha yehkipe hukikha khavetsu; nonguno iloke kumo puzu tipaulo iloniye pukaputsa akeqo pelo ilopemoe.”