MATTHEW 20:20 - BAIBEL (BSI)

²⁰ Tileno Zebedi nuliqo pazano li nuli sasu Jisu lau ighi eno lino pa vilo avehu lakhi qhuyiniju niye pa zulo qhoqhunhepe ngo.

Sümi Tiqhelimi Bible

²⁰ Tile Zebedee nuliqo azá no sasü Jisü lau ighi, eno li no kuphutsü penike qhoqhünhe pe ngo no qhüiniju.

Sumi Naga CL (Re-edited) Bible (BSI)

²⁰ Tile Zebedee nuliqo paza no li nuli sasü Jisü lau ighi, eno pa vilo kiuala inijuni ke pa zülo qhoqhünhe.

MATTHEW 20:20 Referans Kwoze

MATTHEW 8:2

Tile apughami lakhi pa lau ighi eno pa zulo qhoqhunhe puzu ishipi, “Akijeu, nono pulo aghi aye noye ishikimthevetsu lunanie.”

MATTHEW 4:21

Tileno chesu wuchekelo Jisu no kutami athiazu mikini ithulu, Zebede nu Jems ngo pa thikuzu-u Johan pamano ashukalo pama papuh sasu akhame kishekulu kuto aghi. Jisu no pama ku kemtsa,

MATTHEW 27:56

Tipaqo gholo Magdala noghami Maria, Jems ngo Josef pama paza Maria eno Zebedi nu pama paza ngo ishi ae.

Mark 15:40

Tilehi totimi khami ghi putouno juae. Tipanoqo gholo Magdala noghami Maria ngo Jems ayitiu eno Jese pama paza Maria eno Salome ishi ae.

MATTHEW 2:11

Panonguno aki alou iloghi kelo anu ngo aza Maria pama ithulu, tile panonguno qhoqhunhepe pa mllae. Panonguno agho puchekeu lhaphe puzu shuna, tsungquyikeu mukhu eno tsungquyikeu teli ishi pesu agho pa tsue.

MATTHEW 28:17

Kughou panonguno pa ithulu keno itsaiqi puzu pa mlla, ikemu panoqo gholo khamiye amlo lipiveno ae.

MATTHEW 15:25

Ikemu lino ighi puzu pa zulo qhoqhunhepe puzu pi, “Akijeu, ikuphu tsulo!”

MATTHEW 14:33

Ashukalo akeqono Jisu sheqheghi ishipi, “Kuchouno noye Alhou Nue!”

MATTHEW 10:2

Apostolmi pano chighikini jeye hipaqo: atughushi Simon, paje pesu Pitor ipi kuvetsu, eno pa thikuzuu Andrew; Zebedi nu Jems ngo pa thikuzuu Johan pama;