MATTHEW 16:23 - BAIBEL (BSI)

²³ Ikemu Jisu no tsughu ideghi puzu Pitor vilo ishipi, “Satan, ilau no wuvelo! Noye ipuxa anie, kughengu noye Alhou no kumsukeulo kumo puzu timino kumsukeulo kumsupuku pe ani!””

Sümi Tiqhelimi Bible

²³ Jisü no tsüghǜ ighino Peter vilo pi, “I lau no chevelo, Satan! No ye I ghenguno aküpüxapu shi anie; O kükümsü lo Alhou lau no ighi keu kükümsüqo kumo püzü timi lau no ighi keu kükümsüqo likhi anie.”

Sumi Naga CL (Re-edited) Bible (BSI)

²³ Ikemu Jisü no tsüghüwo Peter vilo pi, “I launo wuvelo, Satan! No ye I püxa ani, kughengu no ye Alhou kükümsü kumono timi kükümsü ghola lo ani.”

MATTHEW 16:23 Referans Kwoze

FILIPIAMI 3:19

Panonguye ashekhalo kutsapiniyive nikeuke, panongu kive kichhipuno panongu lhou shi acheni eno panonguno kujokepu pesu akijivilo acheni eno panonguye hipau yeghilo nhemgha shou likhi kumsupuku acheni.

Kolosiami 3:2

Kunguu thime shou kumsupuku alo eno ayeghilo thime shou kumsupuku akevilo.

Mark 8:33

Ikemu Jisu no tsughu ighieno pa khopemiqo jupuzu Pitor lomi pi, “Ilauno chevelo, Satan! Kughengu noye Alhou launo ighikeu kukumsu kumsumo puzu timi kukumsu kumsu ani.”

MATTHEW 4:10

Tile Jisu no pa vilo pi, “Chevelo, Satan! Kuchoyesulo ishi pipuani,’Noye Ampeu oLhou mllalo eno pa qeu likhi shialo!’ ”

John 6:70

Jisu no panoqo khochile, “Ino no chighikini kishelu kekumo kesha? Ikeghi nongu gholo lakhiye tughamie.”

Luke 4:8

Jisu no pa khochile ghi pi: “Kuchoyesulo ishi yepuani, ‘Noye Ampeu oLhou mllalo eno pa likhi huthulo!’ ”

BOTHUBO 3:17

Alhou no Adam vilo ghipi, “Nono onipu tsa inive puzu ino ovilo chukevilo pikeu subo xathi chuve ke ghenguno, ayeghiye musuinivae. Okuxu kupujulo noye aghichhe aghime shi mlano chupeniu.

Rommi 14:13

Ikehu ningu lakhino lakhi shou kughathabekeu hu qhiveni nolo. Tipa zuqhulo, othikuzuu pelo shokukho kepu kiumu qhitsumoni momu axinelo ikiqipemoni.

YEKIKITHI ATUGHIU 21:1

Satan ye Israilmi gholo akupuna sutsu nishi kumsuve, tighenguno pano David pelo timiqo kihiju penikeu pulovepe.

SAMUEL AKINIU 19:22

Ikemu David no Abishai ngo pa thikuzuu Joab pama vilo pi, “Khuuno okukumsu iniju kenoa? Noye akukupuna itsu kitheniye shi anikesha? Niye itehi Israilmi shou akukau ke, tighenguno ishiye Israilmi khuumu pithive mlae.”

ISAIAH 8:14

Ino shishe akimtheke ghenguno niye atuqu lakhi toi timino kupuxalu cheni; ino alichhe lakhi toi shieno Juda ngo Israil kukaqhalo akemi ngo Jerusalem lo akemi meluni cheni.

Rommi 14:21

Othikuzuu pelo shokukholu pemonike ashi chumo, aji shomo momu kiumu shokukholu kepu shimo keuno achipi.

MATTHEW 18:7

Timi pelo axinelo ghukesawuve pekepu akeu ghenguno ayeghiqhalo ahakusapue! Kughengu ghukesawuve kepu ighimasakeu ani, ikemu timi khuuno vechewo ghukesawuve kepu ighi nikeno timi tipanoye ahakusapu ani!

MATTHEW 16:22

Pitor no Jisu ku-tsughu puzu ishi pa lomipi, “Ampeu, Alhou nomu lakhamo sheo! Oshou khilemu hipau ikughipemo thono!”