MATTHEW 16:21 - BAIBEL (BSI)

²¹ Tipani nguno Jisu no pa khopemi vilo tuchecheno ishi pithuve, “Niye Jerusalem lo wumasa eno Judami kichimi ngo achinetomi ngo Ayezah kukutsumi pelo aghime tsu-kepu shini cheni, eno ipithivepe nani eno akuthuni ixuputhuve nani.”

Sümi Tiqhelimi Bible

²¹ Tile no huthu no Jisü no akhopemiqo vilo pa ye Jerusalem lo wu moayesa nani eno kichimiqo, achinetomi eno ayeza kükütsümiqo u lono aghime shi nani, eno pa pìthíve nani ikemu atsala aküthüu lo ye xüputhuve nani ipi chixechilei pitsü.

Sumi Naga CL (Re-edited) Bible (BSI)

²¹ Tipa ghuloki lono Jisü ye pa khopemi vilo tucheche pa ye Jerusalem lo wuno kichimi eno achinetomi ngo Ayezah shikükami u lono ime masa keu, eno pithive no aküthüni no xüthughini keu vehu pithuve.

MATTHEW 16:21 Referans Kwoze

MATTHEW 17:12

Ino nongu vilo pini, Elija ye mtsuqheyino ighivae, ikemu timiqono pa mthaveke, eno panoqono pashou kiu shinishi keno shivae. Tihutoi, panoqono ni Timi Nu ghi peithapusa nani.”

MATTHEW 27:63

ishipi, “Akijeu, hu kuhakughau huno pano xuaphi lono ishi pichekeu ninguno kumsulu ani: ‘Atsala kuthu thiu niye xuthughive nanie.’

MATTHEW 20:28

Timi Nu thotsu kutami pelono pa qepeniye ighike kumoe, ikemu kutami qeniye ighike eno timi kutomo xaphelu nike pa kuxu tsuniye ighie.”

Luke 17:25

Ikemu atughushi paye shishe ime masa eno hipau tiqhelimi pelo pa leve pe nani.

Luke 24:46

panongu vilo pi, “Ishi yeh puani: Khristo ye ime puzu akuthuni akithi lono xuthumasae.

Mark 8:31

Tileno Jisu no pa khopemi vilo akukutsu tsukeuno “Timi Nu ye aghime kitikhi shimasa, eno Judami kichimi achinetomi eno Ayezah kukutsumi qono pa ikhilumo nani eno pa pithive nani ikemu atsala kuthu thiuye pa xuputhuve nani” ipi.

Luke 9:31

Pamano ajukuvu lono ipeghi eno Jisu sasu kuptsa keuno paye tileno idewo puzu Jerusalem lono thiniye akeu eno tipau vechewo Alhou pulou shikupu niye akeu tsa kuptsae.

MATTHEW 26:47

Jisu no atsapi aphi lono, akhopemi chighikini gholo milakhi pa je Judas hu ighive, eno pa gholo timi kumzapuno azutakihi ngo asulu pesu ighi, panonguye achinetomi ngo Judami kichimiqono puwuke.

MATTHEW 26:2

“Hechekulu Ghulhu shinikeu ghulo kini likhi vea kepi nonguno ithi anie, eno ni Timi Nu ye kros lo yedavepe nike pephetsuveni cheni.”

MATTHEW 27:12

Ikemu achinetomi ngo kichimiqono pa ngukukeulo paye kiumu khochilemoe.

MATTHEW 16:28

Kuchouno ino nongu vilo pini, hile puthugho akemi khamiye Timi Nu no payehkipeqha lono ighikeu ithulumoke kutolo akithi michemo nani”

MATTHEW 12:40

Jona no pucho tsala kuthu putho tsala kuthu akha kije polo ngoke hutoi Timi Nu ghi pucho tsala kuthu putho tsala kuthu ayeghi qhou ngo nani.

MATTHEW 16:22

Pitor no Jisu ku-tsughu puzu ishi pa lomipi, “Ampeu, Alhou nomu lakhamo sheo! Oshou khilemu hipau ikughipemo thono!”

MATTHEW 17:9

Panonguno naghuto lono iqi chekelo, Jisu no pano kuthu vilo ishi ahza tsu: “Ni Timi Nu akithi lono xuputhuve moke kutolo kungunhetsu hipau khuu vilomu pikevilo.”

MATTHEW 28:6

Pa ye hile kuhae, pano pivekeu toi pa ye xuithuvae. Hila ighilo eno khile pa qhipua keno tipa-a julo.

Mark 9:12

Jisu no ishi khochile, “Elija ye atughushi ighi puzu thwokha kutope qhi. Eno ni Timi Nu ghenguno kuchoyesulo kushiye paye thwokha aghime shinikeu eno pa jukunathani keushi yepuani kya?