MATTHEW 13:44 - BAIBEL (BSI)

⁴⁴ “Kungugha yehkipeye alu lakhilo akini khuki kusupepuake toike. Timi lakhino ti ithulu puzu tipau qhokitheve eno pa lokivi launo wupuzu pa kua akeu hu kumtsu jeve eno alu hu qhuluve.

Sümi Tiqhelimi Bible

⁴⁴ “Kungugha kükaphu ye alu lo akinikhuki küsüpüa keu toi ke. Kughou timi lakhi no ti ithuluni keno, pa no tipau itaghi küsüve cheni, eno alokivishi wo no pa no pighi akeu kümtsü jeve püzü alu tipau qhüluve cheni.

Sumi Naga CL (Re-edited) Bible (BSI)

⁴⁴ “Kungugha yekipe ye alu lo akinikhuki küsü püake toike. Timi lakhi no tipau chhuphelu püzü itaghi jonhave no pa lokivi lono idewo pa no aghikeu qhoi jekütsüpe alu tipau qhüluve.

MATTHEW 13:44 Referans Kwoze

Kolosiami 2:3

Khristo gholo Alhou lokutsu eno akighithi khuki kumtsu kusupe puanike.

Luke 14:33

Titoi, nongu khunono pano pighi akeu kumtsu phevemo nikeno ikhopemi shimlae.” Ipi Jisu no hipau pi-ghi kishekhave.

MATTHEW 6:21

Kughengu nongu kini khile pekutsupe puani keno nongu mlo ghi pulhapuju tile anani.

MATTHEW 19:29

Khunono ighenguno aki-alu qhive, chepu chelimi qhive, apu aza qhive momu atianuli qhive ishini keno aqhe nguno alau ithulu nani, eno lhokta kuxu mheghi tsu nani.

AHOLE 16:16

Shuna ngo tsandi nguno alau alokutsu ngo akighithi akeu pavibeke.

AHOLE 23:23

Kuchou, alokutsu, akighithi eno akukumsu kivi, hipaqoye ame tsukuzuke oghenguno tipaqoye ame kushoke jekevilo.

Piyeküsü 3:18

Tishiaye, ino oloputsu tsu anike ilauno thakimtheve keu shunayi qhululo tishianguno noye kinikulu shilupe nike, eno ilauno ophimini metsughoyi keu qhululo, tishianguno onhapulu kepushi eno ophi kumsa akeu kukujopu ithulu pemonike; eno onhethi nupu kepu qhululo tishianguno opelo ithulu penike.

MATTHEW 19:27

Tile Pitor no chhechile ghi ishipi, “Julo, ninguye thwokha kumtsu qhiveno opape cheni. Tishiaye, ninguye kiu ithulu nani kya?”

MATTHEW 19:21

Jisu no pa vilo, “Nono shikupulu nishi aye wulo eno nono aghikeu kumtsu jeve puzu pisa pesu kumlhomiqo tsuvelo, eno kungughalo okini aniake; tishieno ighi puzu ipapelo.”

ISAIAH 55:1

AMPEU no pi, “Khunoqono tughuthi anikeno, ighilo, Azu hilau anike! Ighilo, nongu pisa kuhakeqo, athi qhupesu chulo! Ighilo! atsayi ji ngo akichhizu qhululo, noye ame kiumu tsumo nanike!

Rommi 15:4

Tighenguno puzuu kuchoyesulo khijehi yepuani keno ningu shikapenike yepuani, tishianguno kuchoyesulo kheakulu eno shikumtokile akeu ningu tsukeu vechewo ningu pelo lajupu apeniyeke.

MATTHEW 13:24

Jisu no panoqo vilo kimghipiyekeu kutau lakhi pi; “Kungugha yeh kipeye timi lakhino pa lulo apiti kivi xusukeu hutoike.

IBRIMI 10:34

Nonguno akughumi sasu imekuqhae eno kughono nongu wu tinhemgha kumtsu sukisheluvetsu keno nongu mlo hauvemono kutuuluveke, kughengu nonguye kuakini akiviu khikhino alhokupuju ache nani keno tipau achephikepi nonguno ithi akehue.

John 6:35

Jisu no panoqo vilo pi, “Niye akuxupu shoke, khunono ilau ighi nikeno khilemu muzuthimo nani, eno khunono ipulu nikeno khilemu tughuthimo nani.”

AHOLE 17:16

Kughuzumi ghenguno akighithi ithiniye pisa puwove akeu kiumu akivipu shini chemoe kughengu paye tile amlo tsu chemoke.

Kolosiami 3:16

Khristo tsa pelo nongu lolo kinikulushi achepelo. Alokutsu kighithi kumtsu pesu lakhino lakhi kutsupiyekile eno aloshiputsukilelo. Nongu mlolo Alhou shikimthi keu xapusu leshele, akishele eno aghungulo le phelo.

AHOLE 18:1

Timi khunono kutami gholo xukumtsamo keno alikhi ampi ghenguno amlo tsu anike; panonguye kumtsuno achipi kepi chekeulo kumsukuqhamo nani.

JOB 28:13

Timino alokutsu me kuchou mtha aphie, eno tiye kuxumi gholo phulu chemoe.

MATTHEW 13:46

Kughou pano shishe amekusho chiku kivi phuluni keno wupuzu pa kua kumtsu jeve eno ti qhuluve.

MATTHEW 13:47

“Itaghi Kungugha yehkipeye akhame lakhi azughilo vesu puzu akha jeli kumtsu velukeu hutoike.