MATTHEW 10:23 - BAIBEL (BSI)

²³ Kughou timino taun lakhi lono nongu shikimighiqhini keno kutau lakhilo koha povelo. Kuchouno ino nongu vilo pini, nonguno Israil lo taun kumtsulo wukhamla aphi lono Timi Nu ye ighive nani.

Sümi Tiqhelimi Bible

²³ Kughou a-a lakhi lo nongu pishi-pujuni keno, a-a kütau pove lo. Kuchou no I no nongu vilo pìní, nongu no Israel lo mishiphuqo lo wukha mphi lono timi nu ye ighive nani.

Sumi Naga CL (Re-edited) Bible (BSI)

²³ Kughou aphughi lakhi lono nongu pishipujuni keno, kütau lakhiu lo povelo, kughengu I no kuchou no nongu vilo piani ke nongu no Israel lo aphughi kümtsü lo wumphi lono Timi Nu ighive nani.

MATTHEW 10:23 Referans Kwoze

MATTHEW 16:28

Kuchouno ino nongu vilo pini, hile puthugho akemi khamiye Timi Nu no payehkipeqha lono ighikeu ithulumoke kutolo akithi michemo nani”

Apostolmi 17:10

Athikuzumi qono mutazu Paul ngo Sila pama putho lono Beria lo puwuve.Pamano ti tolukelo, Judami wu Sinagog lo iloe.

Apostolmi 8:1

Tipanino Jerusalem lo akukuho shou shishe akijipusakeu ipeghive. Apostolmi thono kupulumi kutamiqoye kumtsu Judia ngo Samaria bocholo apanagha kohave.

Mark 13:26

Tileno Timi Nuno khungkusu lono akuka kije eno ajukuvu lono chekeu timiqono ithulu nani.

Luke 21:27

Tithiu Timi Nu ipeghi nani, khungkusu lono akuka kije eno mulapuyi ighini.

Luke 18:8

Ino nongu vilo pini, paye panongu saphu-ghi kei kughathavetsu nani. Ikemu Timi Nu huno ighi kelo ayeghilo pa pulukemi phulu nani mala?”

John 7:1

Hipa thiu Jisu ye Galil lo izu ache. Paye Judia lo izuwu nishimoe kughengu tilau Judamiqoye pa pithive nikeu shi pa phuju ae.

MATTHEW 26:64

Jisu no ishi pa khochile, “Nono ti pivae. Ikemu ino nongu vilo pini, hinguno hipathiuye Timi Nu no Akukakumto u-ajeu iqa akeu eno atsutsulo khungkusu shouno cheghikeu nonguno ithulu nani.”

MATTHEW 24:30

Tileno Timi Nu michipu atsutsulo ipeghi nani, ayeghilo ashiayeh kumtsu mlo-qah nani, Timi Nu no khungkusu lo akuka eno akimthe jukuvu lono chekeu timiqono ithulu nani.

Apostolmi 17:14

Ikelo athikuzumiqono mtazu Paul pelo pano wuniepikeu azughi kudau puwuve, ikemu Sila ngo Timothi pamaye Beria lo ngove.

MATTHEW 25:13

Tighenguno khejukuto alo kughengu nonguye atsala momu atuqhudo mthake.

MATTHEW 24:48

Ikemu aqeu lhokusa huno pa likhi pa vilo, ‘Imipeuye munu ighini cheni’ ipi puzu

MATTHEW 24:27

Kughengu tsutsu kukulono kipelau ipeghi kelo kulolau kutolo yepuvuke toi Timi Nu ghi tihutoi ighi nani.

MATTHEW 23:34

Ike ino nongu vilo pini; ino nongu lau tungkupumi, akighithimi eno kutsuchekemi puwu nani, tipaqo khami nonguno pithivetsu nani, khamiye kros lo yedave nani, eno khamiye nongu Sinagog lono ghiqhi nani, eno taun atsu-tsulo tipaqo hakuqoqhi nani.

MATTHEW 4:12

Johan kughape akughushivae pikeu Jisu no chilu kelo pa ye Galil lo ide wove.

MATTHEW 2:13

Ayepu kighithimino idewove kethiu, Ampeuw kungumi lakhino asamouno Josef lau ipeghi puzu ishipi, “Ithulo, eno anu ngo paza pama sasu Ijip lo povelo, ino ovilo pimoke kutolo tilau ngo aghilo; kughengu Herod ye anu pithive nike pa phuju ighini chenie.”

Apostolmi 20:1

Muto mughukeu tave kethiu Paul no kutsuluvekeqo kukumqono panoqo mlo shikumtotsu puzu panongu vilo ileno-alo pive puzu paye Makedonia lo wuniye cheve.

JEREMIYA 26:21

Akukau Jehoiakim ngo pawu ghushimi eno kijemi no Uriya no kiu pikeno tipau chilu keulo, akukauno pa heqhi pithive penikeu shike. Ikemu Uriya no tipau ghili chiluve; ike paye akumsa launo Ijip lo poveke.

MATTHEW 16:27

Kughengu Timi Nu ye paPuh wu akimthe jukuvu lono pawu kungumi sasu ighini cheni, eno tileno timi lakhi khino kiu mlapuaghi nikeno tipau lochile nani.

MATTHEW 23:36

Kuchouno ino nongu vilo pini, itodolo akemiqo shou hipaqo kumtsu lame aghime ikughi nani!”

MATTHEW 24:34

Kuchouno ino nongu vilo pini, itodolo xuakemi kumtsu thikhamphi lono hipaqo kumtsu shi nani.