MATTHEW 10:22 - BAIBEL (BSI)

²² Ije ghenguno timi kumtsuno nongu mithi nani. Ikemu timi khunono ashekha kutolo kutu-u khealu nikeno tipano xalu nani.

Sümi Tiqhelimi Bible

²² I ghenguno timi kümtsü no nongu mithi nani, ikemu khuu no ashekha kutólo mutotoi puthugho aghíni keno xaluve nani.

Sumi Naga CL (Re-edited) Bible (BSI)

²² I je ghenguno timi kümtsü no nongu mithi nani. Ikemu khuu no ashekha kutolo puqhe luni keno, pa xalu nani.

MATTHEW 10:22 Referans Kwoze

MATTHEW 24:13

Ikemu timi khunono ashekha kutolo tsuqupe aghini keno tipano xaluve nani.

James 1:12

Ghujukelo puqhekulumi lokivipue; kughengu pa pejukeulo puthugholu kemiye Alhou no khunono pa kimiye chenikeno tipano tsuniepi puakeu kuxu saxu pa tsu nani.

Piyeküsü 2:10

Aghime sholuniye akeulo noye musa kevilo. Julo, tughamino nongu pejuniye nongu gholo khamiye akughukilo suve nani, eno atsala chighi kutolo nongu shikighime nani. Akithi kutolo aghokulu shilo eno akuxupu pesu osaxu ino otsunani.

Mark 13:13

Nonguno ije pechekeu ghenguno timi kumtsuno nongu mithi nani. Ikemu timi khunono ashekha kutolo kutu-ukulu shinikeno Alhou no tipaqo xalu nani.

MATTHEW 10:39

Timi khuno pa kuxu pukhani keno ti puhave nani, ikemu khunono ighenguno pakuxu puhavekepu shini keno ti pukhalu nanie.

1 John 3:13

Athikuzumiqo, tishiaye ayeghilomi no nongu mithikeulo nonguye akumzaqhiyi kevilo.

MATTHEW 24:9

“Tileno timino nongu shikighime nike kughaluve nani eno nongu pithive nani. Nonguye ilaumi ke ghenguno timi kumtsuno nongu ju axesu nani.

Rommi 2:7

Khunoqono kheakulushi akivi kumla shi puzu sheqhekepu, agigihupu eno thive chemokeu phucheghini keno Alhou no lhokta kuxu tsu nani.

IBRIMI 6:11

Nino kumsupulo akeuye nongu lakhi khino ashekha kutolo azukinishi apenishi ani, tishianguno nonguno laju achekeu hu kumtsu mutsuqheyi shilupenike.

John 17:14

Ino otsa panoqo tsuke eno ayeghi laumino panoqo mithi, kughengu ino ayeghi laumi kumo kehu toi panonguye ayeghi laumi kumoe.

Galatiami 6:9

Ikehu akivi kumla shinikeulo ninguye aghuthi suvemoni nolo, kughengu ninguno anhu thimono mla aye paghuloki lono xolu nani.

Luke 6:22

“Kughou timino Timi Nu ghenguno nongu mithi, nongu leve, nongu thaighani eno kusakughami kepi nongu jeku nikeno, nongu kumghae.

2 Kor. 4:11

Jisu je ghenguno nikuxu kupuju akithipulo ikhiphetsu acheni tishianguno niphimpi hipaulo pa kuxu ithulupe niyeke.

MATTHEW 5:11

“Ighenguno timino nongu thaigha eno nongu shikimighi eno akimiki lono alhoksa jeli kumtsu pesu nongu shou pini shini keno, nonguye akumgha pue.

Piyeküsü 2:17

Khunono akini puani keno, Aghungu no akukuhouqo lau piakeu chilu pelo! Khunono theqhikulushi toluni keno manna kusupe puakeu hami ino tsu nani; eno metsughoikeu tu lakhi ino milakhikhi tsu nani eno tipau shou ajekithe lakhi yepuku puani, atu tipau ithulukemino kumoaye kutami khunomu aje tipau ithimo nani.”

John 7:7

Ayeghilomiye nongu mithi mlae ikemu imthi cheni, kughengu tipaqo kumla lhoksa ghili ino pitsu achenike.

Luke 8:15

Ayeghi kivilo apiti vesu lukeuye khunoqono atsa chilu eno aghokulu ngo amlo kivi xapusu kutuuno ikhilu keu lono athi pithi peghilu cheni.

Piyeküsü 3:21

Khunono theqhikulushi toluni keno ino theqhi kulushi toluve puzu iPu gholo pa kuka lakhulo iqalu ketoi, ikuka lakhulo igholo iqalupe nani.

Piyeküsü 2:7

Khunono akini puanikeno Aghungu no akukuhouqo lau piakeu chilu pelo! Khunono theqhikulushi toluni keno, Alhou wu Aghutu lo akuxupu subo akeu xathi chulupe nani.”

IBRIMI 3:14

Kughengu ninguno abothulo amlolo mutotoi akeuhu ashekha kutolo ithamono tsuqupe a-aye ninguye kumtsu Khristo gholo kuloji- kemike.

Piyeküsü 2:26

Khunono theqhikulushi toluni eno ashekha kutolo ikumla peluni keno, ino iPuh launo akuka ithuluke toi panongu pelo ashiayeh peithalu kepu kuka ino tsu nani.

Apostolmi 9:16

Ighenguno paye kishi ime mayesakeno kumtsu ni ampino pa piye nani.”

Piyeküsü 2:3

Ino ithianike noye kutuukulu shiani eno ije ghenguno aghime sholuke ikemu noye aghuthi sumphike.

AHOLE 29:27

Amikuchomiye kixikilami jumithi cheni eno kixikilamino amikuchomi jumithi cheni.

Luke 21:17

Kumtsuno ighenguno nongu mithi nani,

Luke 21:19

Mutotoi tsuqupelo, kughengu ishikeu lono nolikhi no-xalu nani.”