MATTHEW 1:21 - BAIBEL (BSI)

²¹ Lino anu lakhi punu nani eno noye paje Jisu kutsulo, kughengu pano paw timiqo xine lono xalu nani.”

Sümi Tiqhelimi Bible

²¹ Li no anu lakhi punú nani, eno no ye pa je Jisü kutsü nani, kughengu pa no paw timiqo panongu xinéqo lono xalu nani.”

Sumi Naga CL (Re-edited) Bible (BSI)

²¹ Li no anu lakhi punu nani, eno no ye pa je Jisü kutsü nani, kughengu pa no paw timiqo pano xine lono xalu nani.”

MATTHEW 1:21 Referans Kwoze

Apostolmi 13:23

Alhou no piqhi puakeu toi David lagha lono Israilmi ghenguno xachilekuluu lakhi ipeghi pe, eno tiye Jisu ke.

Apostolmi 4:12

Xakulupuye palikhi vechewo ithulu nani, kughengu ayeghiqha kumtsulo ni-xakulupu aje hinguno kutau Alhou no timi tsupe puamoe.”

John 1:29

Tishiwo thoghiu Jisu no Johan lau cheghikeu pano ithulu puzu pi, “Julo, Alhou wu Bheriti, ayeghiqha xine ikhipewukeu hi chenie!

1 John 3:5

Nonguno ithianike Khristo no ipeghikeuye axine ikhisuwuve niyeke, eno pa lolo axine kiumu kuha.

Luke 2:21

Pa mishimphi lono kungumino pikeutoi atsala tache thiu pa phighu yiko ghaveno pa je Jisu kutsu.

Apostolmi 5:31

Alhou no pa xaputhu pesu pa-u ajeu Sakipheu eno Xakuluu shipe, tishikeu lono Israilmi pelo xaideghi lukepudo tsuniye eno panongu xine pevetsu niyeke.

Luke 1:31

Julo, opo lono anu lakhi mishieno punu nani eno nono pa je Jisu ipi kutsu nani.

Titus 2:14

Pano ni ghenguno pa mpi pesu tsuveke, tiye alhoksapu jeli kumtsu launo ningu xapheluniyeke eno pa laumi mithemitheikemi shitsuniyeke eno akivipu shinikeulo azukini shipeniyeke.

Luke 2:11

kughengu David phughilo itijino nongu lau xakuluu lakhi punu ani, tiye Khristo Ampeu!

1 John 1:7

Ikemu pano akuvulo ake toi ninguno akuvulo checheni aye, ninguye lakhino lakhi sasu kuposhulu ani eno PaNu Jisu jino axine kumtsu launo ningu shikimthe tsu ani.

ZEKHARIA 9:9

Shishe alovilo, Zion limiqo! Alokivi launo ighalo, Jerusalem limiqo! Julo, nongu kukau nongu lau cheni! Paye ajekipi eno tokulu shi ghi cheni, paye aqhokigheu shi eno gadaha shou ikuno cheni, gadahatsu shouno cheni.

Apostolmi 3:26

Ikehu Alhou no pa qeu kishepe atughushi nongu lau puwuke, eno nongu lhoksa kugha lono saide sawo kumghatsuniyeke.

Piyeküsü 7:14

“Akijeu, nono ithiani thono niye mthae,” ipi ino khochileve. Tileno pano ivilo ishi pitsu, “Hipaqoye shikighimekeu kitikhi hechesu ighilukemiqoke. Panonguye Bheriti jih pesu chijebobokeu phi qhukimthe luvekeqoke.

IBRIMI 7:25

Ikehu, khunono pa vechesu Alhou lau ighini keno, paye tipaqo itehi ghi eno pulhapujulo xakulupu shilu anie, kughengu panoqo ghenguno Alhou vilo qhuiniju tsunike paye alhokupuju xu acheni.

DANIEL 9:24

“Ampe tsunino ghuthu lhotsuniye Alhou no timiqo eno owu akimthe phughi axine lono khaqhiphe nikeu kihitha tsukeudo ke. Axine qhivetsu nani eno lhokta mikucho khaqhive tsu nani, tipau lono kungunhetsu ithulu keu eno tungkuptsa kuchou shikupu nani eno akimthe chineki shikimthe kithe tsu nani.”

JEREMIYA 23:6

Kughou pano akukau shini keno Juda lo akemiqoye sushokulushi anani eno Israil lo akemiqoye iqughai xulu nani. Pa pesu ‘AMPEU ye Ni Xakuluu ke’ ipi ku nani.”

BOTHUBO 18:10

Inami huno pi, “Toku hipa ghulo kilo ino olau ideghini putsa eno onipu Sara ye anu lakhi aniae.” Sara no aphiki hukikha lono ti chiluve, kughengu liye tipau phivilo ngoae.

Luke 1:13

Ikemu kungumi huno pa vilo pi: “Zakharia! Musa kevilo Alhou no okighini chiluvetsua, onipu Elizabet ye anu lakhi punu nani eno nono paje Johan kutsulo.

JEREMIYA 33:16

Juda ngo Jerusalem lo akemiqoye xapheluve nani eno sushokululo xulu nani. Aphughiye ‘AMPEU no Ni Xakulu-u’ ipi ku nani.

BOTHUBO 17:19

Ikemu Alhou no pi, “Kuchouno onipu Sara no anu lakhi punu otsu nani eno paje Isak kutsulo. Ino pa sasu eno pa tikughuko sasu puloshoqhi lakhi qhitsuni, tiye shekhaha puloshoqhi ke.

BOTHUBO 17:21

Ikemu i-u puloshoqhiye Isak lau qhi nani, toku hipa ghulokilo Sara no pa punu nani.”

XAKUTHAMI 13:3

AMPEU wu kungumi no li lau ipeghino pi, “Noye ati anuli kuhano ighivae, ikemu noye kushuwo womono mishiniae eno anu lakhi ithuluniae.

SAMUEL ATUGHIU 1:20

Tileno liye mishiuveno anu lakhi punulu. Lino pa je Samuel ipi kutsu, “Kughengu AMPEU vilo ino pa khuluke.”

MATTHEW 1:25

Ikemu lino anu punu moke kutolo paye li sasu ashiaji kuqhamoe. Eno Josef no paje Jisu ku tsue.

John 4:42

tipaqono atotiu vilo pi, “Nono pikeu ghengu likhino puluke kumo puzu ningu ampino pano pikeu chiluvae, eno kuchouno paye ayeghilomi xakuluu kepi ninguno ithivae.”