MATTHEW 1:20 - BAIBEL (BSI)

²⁰ Ikemu pano hipau tsaquyi kumsukutoju akelo, Ampeuw kungumi lakhino asamo lakhi lono pa sasu kusho eno ishi pi. “David laghami Josef, noye Maria lu pesu onipu shinikeu msa kevilo, kughengu lino mishipu akeuye Aghungu Kimthe launoke.

Sümi Tiqhelimi Bible

²⁰ Ikemu pa no hipau kümsüluve kethiu, Ampeu’w kungumi lakhi no asamou no pa lau ipeghino pi, “David nu Joseph, Mary pesü O nipu shini keu lo msà kevilo, kughengu li no mishí chekeu ye Aghungu Kimthe lono ke.

Sumi Naga CL (Re-edited) Bible (BSI)

²⁰ Ikemu pa no hipa vehu kümsükuto ake lono julo, Ampeuw kungumi lakhino asamou no pa lau ipeghi no pi, “David nu Joseph, Mary pesü o nipu shinikeu msa kevilo, kughengu li no khikhi mishipu ani keno ti ye Aghungu Kimthe launo ke.

MATTHEW 1:20 Referans Kwoze

Luke 1:19

Kungumino khochile pi: “Niye Gabril, niye Alhou phivilo puthugho acheni, oputsa penike eno hi atsakiviu olau peighi penike ipuwue.

MATTHEW 1:18

Jisu Khristo punu ye hitoi shilue. Paza Maria ye Josef sasu kughuna nikeu shi kishekulu xathave, ikemu pama kulakupu shimphi lono liye Aghungu Kimthe launo anga mishipu aghive.

MATTHEW 2:19

Herod thive kethiu Josef no Ijip lo akelo Ampeu wu kungumi lakhino asamouno pa lau ipeghino pi,

JOYIL 2:28

‘Hithiu timi kumtsu shou ino ighungu lepukutsu nani Nongu nu-noqo eno angano-qono itsape pesu asheshu nani; Nowu muchomiqono asamo pumo nani, eno nowu lhothemino kungunhetsu qo ithulu nani.

Luke 2:4

Josef ghi Galil yeghilo Nazaret phu lono Judia lo David phughi Bethlehem lo wu. Josef ghi David laghalomi kehu tilewue.

MATTHEW 28:5

Tile kungumi huno totimiqo vilo pi, “Nonguye musakepu kuhae. Nonguye kros lo yedavekeu Jisu juniye chenikepi ino ithi ani.

ISAIAH 26:3

Khunoqono oshou kumsupuku acheni eno opukhupe acheni keno, no, AMPEU no alokiqi kuchou tsuke.

XAKUTHAMI 13:3

AMPEU wu kungumi no li lau ipeghino pi, “Noye ati anuli kuhano ighivae, ikemu noye kushuwo womono mishiniae eno anu lakhi ithuluniae.

BOTHUBO 31:11

Eno asamouno Alhou wu kungumino ivilo ‘Jakob’ ipi ikue. Ino ‘Iye, ni hi anie’ ipi khochile.

MATTHEW 2:22

Arkhelas no papuh Herod thelilo Judia lo akukau shi ani ipikeu Josef no chilu kelo paye tilehi wo ngo nikeu msave. Asmouno itaghi pa kutughu kehutoi paye Galil bocholo wuve

LESHELE 143:8

Ipelo ina-atsu-tsu okikimiye iqemokeu chilu pelo, kughengu oshou ino pukhube ani. Ikighini olau peqhepe ighi ani, ino wukepu laghi ipiyetsulo.

LESHELE 119:125

Niye oqeuke, ithikuthulu kepu kighithi itsulo, tishianguno niye okukutsu ithi nani.

LESHELE 94:19

Kughono niye amlo susushini eno amloksa shini keno nono ilokughunotsu eno ilopivitsuke.

MATTHEW 2:13

Ayepu kighithimino idewove kethiu, Ampeuw kungumi lakhino asamouno Josef lau ipeghi puzu ishipi, “Ithulo, eno anu ngo paza pama sasu Ijip lo povelo, ino ovilo pimoke kutolo tilau ngo aghilo; kughengu Herod ye anu pithive nike pa phuju ighini chenie.”

JEREMIYA 33:26

niye Jakob laghami ngo Iqeu David peve nike eno David laghami lakhi kishe pesu Abraham ngo Isak eno Jakob laghami shou ayehpe pemoni cheke. Ikemu iwu timiqo shou ino kimiye qhiyi nani eno itaghi panoqoye kinikulu shipe nani.”

ISAIAH 30:21

Nonguno alaghi lono ajeu momu piyiu tsughu wuveaye nongu thikhau pa sutsa ishi pikeu chilu nani, “Ala hilake, hila che chelo!”

AHOLE 12:5

Kuchou shi xuchekemiye agholauno opeitha nani, kixikilamiye opishiqhive nishikeu likhike.

KUKAMI ATUGHIU 17:13

“Amlo sakivilo, “ pi Elija no li vilo pi. “Wono oghulhu kutolo. Ikemu atughushi nono kiu anikeno tipau pesu asho aghulo lakhi mlano pesu ilau sughilo eno tithiuno achili aghikeu pesu onu okujo sala kutolo.

JEREMIYA 40:9

Gedaliya no panoqo vilo pi, “Ino itsa hipau nongu tsuanike nonguye Babilonmi lau qhoi liqhipe tsuvenikeu musaichi akepu kuhae. Hipau ghakhulo kughuna cheuvelo eno Babilon kukau qechelo tishiaye nongu ghenguno akivipu shi nanike.

JEREMIYA 31:22

Nonguye ado khitohi pulumlano avehu kunacho akemi shinani kya? Ino kiukela akithe pakutakeu lakhi lhophetsu ani, totimi lakhino kiptimi susholukeu toike.”

ISAIAH 51:7

‘Nongu achipiuye kiu keno ithi akeqo, itsa inilo, ikukutsu nongu mlolo ithamono achepe kemiqo! Kughou timino nongu junuqhi eno thaighani keno musa kevilo;

AKIKIHI 12:6

eno AMPEU no pi, “Ino kiu pini keno inijulo! Tungkupumi nongu gholo ake ghulokilo ino kungunhetsu lono ikutoshino panongu nhepithe eno asamouno putsa cheni.

BOTHUBO 46:3

Alhou no pi, “Niye Alhoue, opu Lhou ke. Ijip kudau iqinikeu musa kevilo, kughengu ino opelo ashiayeh kije lakhi shilu penani.

ISAIAH 7:2

Siriyami ghushimiye Israilmi ghakhuqhalo wo tovae pikeu tsa Juda lo akukau tokelo, pa eno pawu timiqoye thughuive eno panonguye amlhuno asubo fukini akeshi musa khokhoshive.

ISAIAH 7:13

Isaya no khochile, “Tishiaye, O Akukau David polo kughukou, hi inilo! Oghenguno timi wu kheakulu muchhuqhikeu alomokutuaye, noye Alhou wu kheakulu muchhuqhi kulupu kesha?

KUKAMI ATUGHIU 3:5

Tipaji Gibeon lo akelono AMPEU no asamouno pa zulo ipeghino pa vilo iniju, “Ipelo kiu otsupenishi ani kya?”

MATTHEW 2:12

Herod lau idewo pemo nike Alhou no asamouno panoqo kutughuve, ikehu panonguye ala kutauno panoqo ghakhulo idewove.

MATTHEW 27:19

Kughou Pilat no kughakilo iqa akeno, pa nipuno aghini lakhi pa lau shipuwu ghi ishipi, “Amikuchomi tipau shou kiumu shikepu kumoe, kughengu pa ghenguno iji isamou niye shishe ime puanie.”

Apostolmi 5:19

Ikemu putholo Ampeu wu kungumi lakhino akughu hukikha khaqhino panoqo sasu khalau ipe puzu pi.

Piyeküsü 19:7

Ningu alokiqishi alovini nolo; paye shishe kije kehu ninguno pa sheqheni nolo! Kughengu Bheriti wu kulakupu ghuloki ighivae, pawu kulaliuye tipau ghenguno kutopesu ngoluvae.