Mark 8:33 - BAIBEL (BSI)

³³ Ikemu Jisu no tsughu ighieno pa khopemiqo jupuzu Pitor lomi pi, “Ilauno chevelo, Satan! Kughengu noye Alhou launo ighikeu kukumsu kumsumo puzu timi kukumsu kumsu ani.”

Sümi Tiqhelimi Bible

³³ Ikemu Jisü no tsüghǜ ighino pa khopemiqo lau jupuwo no Peter lomipi. “I lau no chevelo Satan! O kükümsü lo Alhou lau no ighi keu kükümsüqo kumo püzü timi lau no ighi keu kükümsüqo likhi anie.”

Sumi Naga CL (Re-edited) Bible (BSI)

³³ Ikemu Jisü no tsüghü wo akhopemi juno Peter sakiyi ghi pi, “I launo chevelo, Satan! Kughengu no ye Alhou gholau no kumono timi gholau no o lomsü ani.”

Mark 8:33 Referans Kwoze

MATTHEW 4:10

Tile Jisu no pa vilo pi, “Chevelo, Satan! Kuchoyesulo ishi pipuani,’Noye Ampeu oLhou mllalo eno pa qeu likhi shialo!’ ”

1 John 2:15

Ayeghiqha momu tile kiu ani keno tipaqo laumi kimiye kevilo. Khunono ayeghiqha kimiye cheni keno Apu kimiyeni keu pa lolo kuhae.

FILIPIAMI 3:19

Panonguye ashekhalo kutsapiniyive nikeuke, panongu kive kichhipuno panongu lhou shi acheni eno panonguno kujokepu pesu akijivilo acheni eno panonguye hipau yeghilo nhemgha shou likhi kumsupuku acheni.

Piyeküsü 3:19

Ino kimiye chekemiye sakiyi eno aghime tsu cheni. Tishiaye amlo tsuqhiyi shilo eno oxine launo xaideghivelo.

LESHELE 141:5

Timi kivimiye ikimiye kelauno ishikighime eno isakiyi pelo, ikemu niye alhoksami launo khilemu agigihu ikhilumo nani, kughengu niye pulhapuju panoqo lhoksa kumla ghochile inikhu acheni.

1 Peter 4:1

Khristo ye ningu ghenguno aphiashi lono aghimeshiveke ghenguno nongu ghi titoikeu kukumsu pesu nongu shikumtolulo, kughengu khunono aphiashilo aghime shicheni keno axinelo chhosumove cheni.

1 Tim. 5:20

Khunoqono axine shicheni keno mishi zulono alomi pilo, tishianguno kutami pelo musave penike.

1 Kor. 5:5

ike timi tipau huye aphi-ashi kutsavepe nike nonguye pa ikhiphepe Satan tsuvelo, tishianguno Ampeu Tsalani pa ghungu xalutsu penike.

Luke 22:61

Jisu no homxa ideghi eno vejoi Pitor ju, tile Pitor ye Ampeu tsa kumsuchileluve, khikhi pano pi puakeu, “Awuduno ishi ighamphi zulo nono imthae pi ghuthu kuthu pi nani.”

Mark 3:34

Pa suhope iqa akeqo kudau jupuzu pi, “Julo! Iza ngo ithikuzumiye hipaqo ke:

Mark 3:5

Jisu ye panoqo lau pishipuwo jupuzu amlo ideve, tishipulaghi panongu mlo kiqhi eno vimokeu jupuzu pa mloimeve. Tishino pano a-u kithiu vilo pi, “O-u xachho lo.” Timi huno pa-u xachho, eno tiye vive.

MATTHEW 15:23

Ikemu Jisu no atsa lothi lakhimu li putsamoe. Pa khopemino ighi puzu pa qhuiniju ghi pi, “Li puwuvelo| Liye ningu papesu igha chenie.”

SAMUEL AKINIU 19:22

Ikemu David no Abishai ngo pa thikuzuu Joab pama vilo pi, “Khuuno okukumsu iniju kenoa? Noye akukupuna itsu kitheniye shi anikesha? Niye itehi Israilmi shou akukau ke, tighenguno ishiye Israilmi khuumu pithive mlae.”

ACHINE 19:17

“Kutami shou axesu pukukevilo ikemu kidi mlano akeu pa sasu kuptsathalulo, tishianguno pa ghenguno noye axine shimo kepushilo.

Titus 1:13

Hipa tsaye kuchoue. Highenguno noye panongu ghegheyi sakiyilo, tishianguno panonguye kuchou kupulu shilupe nike,

Luke 9:55

Jisu no igho ighieno panongu lomi pive;

Luke 4:8

Jisu no pa khochile ghi pi: “Kuchoyesulo ishi yepuani, ‘Noye Ampeu oLhou mllalo eno pa likhi huthulo!’ ”

JOB 2:10

Ikemu Job no li vilo pi, “Noye mbomzumi tsa toi pi anie. Alhou no kiwala akivi ningu tsu aye alokivishi ikhilu cheni. Pano shiluksa puwutsu kelo muchho nike shea?” Aghime hi kumtsu sholue pimu, Job ye kiumu Alhou shou axine tsa piqhimoe.

MATTHEW 16:23

Ikemu Jisu no tsughu ideghi puzu Pitor vilo ishipi, “Satan, ilau no wuvelo! Noye ipuxa anie, kughengu noye Alhou no kumsukeulo kumo puzu timino kumsukeulo kumsupuku pe ani!””