Mark 7:5 - BAIBEL (BSI)

⁵ Ike Farisimi ngo Ayezah kukutsumino Jisu vilo iniju, “Okhopemiqoye kushiye apu-asu launo pekishe sughikeu kukutsu kiqi lono xumo puzu a-u shikimthemono chucheni kya?”

Sümi Tiqhelimi Bible

⁵ Ike Phariseemi eno ayeza kükütsümiqo no Jisü vilo ishi iniju, “O khopemiqo ye kushiye kichimiqo kukhuaye kiqi lono xü nike züqhulo panongu u shikuchubeve keu pesü achuqupu chu cheni kea?”

Sumi Naga CL (Re-edited) Bible (BSI)

⁵ Ikehu panongu no Jisü vilo ighiju, “Kushiye o khopemi ye apuasü khuaye papemo no mithekumo u pesü chu cheni kea?”

Mark 7:5 Referans Kwoze

2 Thes. 3:6

Athikuzumiqo, Ampeu Jisu Khristo jelono nongu vilo nino piani, athikuzumi khuno akipichi shighi xucheni puzu ninguno kutsupiyekeu kiqi lono xucheghimo nikeno tipaqo launo kugho susu auvelo.

Apostolmi 21:21

Panongu vilo timino pipuakeuno Judami khije Judakumomi gholo acheni keno tipaqo vilo nono Muse yezah qhivelopi picheni pike, tipaqo vilo panongu nuli aphighu yiko ghakevilo momu Judami khu ayeh pekevilo ipi picheniepike.

Galatiami 1:14

Judami chineyehlo niqhe sho Judami kutomo dolo ino atughiu shiache, nipuasuno pekishe pichekeu nongu nguno alau ino amlo tsuqhiyi cheke.

Apostolmi 21:24

Ike timi hipaqo sasu ngolo eno panoqo gholono noghi olikhi oshikimithe keu chine shilo eno panongu me ghi nono sutsu puzu panongu pelo akutsusa miyelu pelo. Hitoi shiaye timino oghili kughape panongu vilo pipuakeu hu kumukumo ake, no ampino Muse yezah jukutoghi xucheni kena ipi timi kumtsuno ithiniae.

MATTHEW 15:2

“Kushiye okhopemiqoye puzuu apuasu no pepimhe chekeu kukutsu hebide cheni kya? Panonguye chumphi zulo panongu u agholauno mtsu chemoe!”

Rommi 4:12

Titoi Abraham ye aphighu yiko ghavekeqo papuh ghi ke, panonguno aphighu yiko ghaveke ghenguno kumo puzu panonguno nisu Abraham no aphighu yiko ghamphilo kishi akupulu kuxu xukeno panonguno titoi xukeu ghengunoke.

2 Thes. 3:11

Kughengu nino chilukeuye nongu khamiye akipichishi xuacheni eno kiumu mlamono kutami kumlalo kupunatsu keu likhike.

Mark 7:8

Jisu no highi pi, “Nonguye Alhou no ahza tsukeu qhive puzu timi launo pekishe sughikeu kukutsu mutotoi tsuqupe acheni.”

Mark 7:9

Jisu no highi pikithe, “Nonguye muquijoyi shino Alhou no ahza tsukeu peveno nonguno pekishe pesu kutsuchekeu qhipuaniye shi cheni!

Mark 7:13

Hitoi shikeu nonguno pekishepe kutsuchekeu kutami shikawokeu lono Alhou tsaye adou shivetsu cheni. Hitoikeu kutomo nonguno shi acheni.”