Mark 7:4 - BAIBEL (BSI)

⁴ Panoqoye kughou alhikishi-a lono ighini keno pano shikimtheve mphi loye chuchemoe. Tinguno alau ghi apu-asu launo pekishe sughikeu panonguno pepimhe che, ajukhu, alazayili, ali eno azu-a ngo ishi pano khuayeh gholauno shikimthe che.

Sümi Tiqhelimi Bible

⁴ Panongu ye kughou lhidikishi-a lono ideghini keno, au mütsü mphi züu ye chu-sho chemoe. Eno panongu ye akukhuaye kütau kutomo pepimhe che, kümsüju kelo ajikhu, alikoli eno sünizüliqo küsü-mithe keu toi keu.)

Sumi Naga CL (Re-edited) Bible (BSI)

⁴ kughou panongu no alhikishia lono ideighini keno, panongu ye mitheve paghimo kelo chuchemoe. Hinguno alau ghi kütau ajukhu, ana-kulholi, azübohu, eno aghulhu lakhüqo qhukimthe keu khuaye, kutomo panoqo no pape chekeu ani.)

Mark 7:4 Referans Kwoze

IBRIMI 9:10

Tipaqoye kuchu kusho eno qhukimthe anikeu yeh likhike. Hipaqoye Alhou no shikithekeu sughikumo dolo aphimpi ghenguno bekutha yehqoke.

MATTHEW 23:25

“Nongu Ayezah kukutsumi ngo Farisimi ghenguno ahakusapue! Kuhakughaqo! Nonguno ajukhu ngo akhu ashou likhi kusu cheni, ikemu tipaqo alouye aghukha shikeu ngo ghasumlakeu no suxasughi keuno chhitoi ani.

James 4:8

Alhou lau kupunu ighilo eno paye nongu kupunu ighi nani. Nongu axinemiqo, nongu-u shikimthevelo! Nongu amlo kini puchekemiqo, nongu mlo qhukimthevelo!

John 2:6

Judami chineyehlo qhukimthe chekeu ghenguno azutughuko tsugho tilehi ghope pua, atughuko lakhi khilo azu ahughi shighiano chhilukepuke.

JEREMIYA 4:14

Jerusalem, oxaluvepe kepushi amlo lono axine qhuvelo. Nonguye khitotohi kutolo axine shikeu kukumsu kumsu anani kya?

ISAIAH 1:16

Nongu qhuve paghilo; nongu shikimthevelo. Nonguno alhoksa hipaqo kumtsu shiakeu ino ithulu anike tipaqo ikhive paghilo. Alhoksa shichekeu phevelo,

1 John 1:7

Ikemu pano akuvulo ake toi ninguno akuvulo checheni aye, ninguye lakhino lakhi sasu kuposhulu ani eno PaNu Jisu jino axine kumtsu launo ningu shikimthe tsu ani.

MATTHEW 27:24

Kiumu shimlakepu shivekeu Pilat no ithuluve eno mutomushukeu alau shini keshive, ikehu timiqo zulono azu pesu pa-u mutsuveno ishipi, “Timi hipau kithi ghenguno ikipimipu kuha ke, hiye nonguno shiani!”

LESHELE 26:6

O AMPEU, niye akumou shipua mokehu i-u mutsuve ani, eno omllakeu khache veho mlla ani.

John 3:25

Johan khopemino Judami chine luvekemi lakhi sasu achineyeh lo qhukimthekeu vehu ghenguno kutsala ipeghi.

JEREMIYA 35:5

Tile ino ajukhu ngo alilo atsayiji chhitoi suwo Rekhabami zulo qhitsu eno panoqo vilo ino ishi pi, “Atsayi ji ta shojulo.”

MATTHEW 23:26

Nongu Farisimi anhethi kighichemiqo! Atughushi akhu ngo ajukhu alou paghi kusuvelo, tishianguno ashou ghi mitheluve nani!

Mark 7:8

Jisu no highi pi, “Nonguye Alhou no ahza tsukeu qhive puzu timi launo pekishe sughikeu kukutsu mutotoi tsuqupe acheni.”