Mark 4:19 - BAIBEL (BSI)

¹⁹ ikemu ayeghilo kuxu kumsupe kutakihikeu eno akini ju aghichipokeu eno kutau thwokha minekeuno iloghive puzu Atsa hu ghusuve cheni eno athi pithipemove cheni.

Sümi Tiqhelimi Bible

¹⁹ ikemu hipau küxü lo mloküsaqo, aküakini pishikiqhi eno kütau thime jeli mine keu no ighino Alhou tsa küpühalu eno tino athi pithí mülave pe chekeu kiqi ke.

Sumi Naga CL (Re-edited) Bible (BSI)

¹⁹ ikemu ayeghi lo kütakihi keu eno küakini pishikiqhi ngo thime jeli kimne no iloghive no Atsa ghüsüve, ikehu ti ye athi pithi move.

Mark 4:19 Referans Kwoze

1 Tim. 6:17

Ayeghi hipaulo kinimiqo vilo qheza kevilopi pilo momu kiu shiveniala mtha aphikeu kini shou pano lajupu bekevilo pilo ikemu alokiqipu shilupeniye thwokha kupukunoshi ningu tsuchekeu Alhou shou lajupu belo pilo.

FILIPIAMI 4:6

Kiu lonomu amlokutakihi kevilo, ikemu nongu kighini kumtsulo nonguno kiu avehupu shinikeno Alhou vilo khulo, pulhapuju shikimthikeu mlo pu puzu nonguno khuinilo.

MATTHEW 19:23

Tileno Jisu no pa khopemi vilo pi: “Kuchouno ino nongu vilo pini, kinimi lakhino Kungugha yehkipelo ilolu nikeu kushokutsue.

John 15:2

Iloka khijehi axathi pithimo keno pano micheve cheni eno axathi pithikeu loka kumtsu alaushi pithi penike pano tipaqo kixiphe cheni.

Luke 21:34

“Nongu likhi nongu jukuto alo! Chumzu shomzu eno hipa kuxu sala phukeu lono nongu mlo sunheqhi auve pekevilo, ipuzu tipa tsala zuleno nongu shou ikughi pe kevilo.

Luke 10:41

Ampeu no khochile pi, “Martha! Thime kutomo kehu noye mighimghai eno kutakihi ani.

ISAIAH 5:4

Niye atsayilu ghenguno kiuala mlakepushi akeu mlamove akesha? Tishiaye ino atsayithi kivi laju akelauye kushiye qhimboikeu tsayithi pithi kya?”

ISAIAH 5:2

Pano ayeghi hole eno tipaulo atu kicheve; pano atsayibo akiviu pesu shosu. Tipau mtalo jukutokhe kepu aqo lakhi shipesu qhi, eno atsaithi shephonikeu aqoh lakhu chu. Atsaithi ni-ipeghinikeu pano khe juache, ikemu atsaithi kumtsu qhimboi keu shiaghive.

2 Peter 1:8

Kughengu nonguno hipaqo peitha eno kupukunoshi peche aye hipaqono nongu pelo niMpeu Jisu Khristo kighithilo thailupe nani.

2 Tim. 4:10

kughengu Dema ye hipa yeghi kimiyeuve puzu iqhivae eno Thesalonia lo wuvae. Kreska no Galatia lo wuvae eno Tito no Dalmatia lo wuvae.

YETSAPIU 4:8

Timi lakhiye pa likhi acheni, paye anu mu athikuzumi mu kuhae ikeghi pulhapuju ime mla acheni eno pa kinikululo aghakiqi khilemu kuhae. Paye khuu ghenguno tishi ime mla acheni eno pa likhi pa lokughuno shi nikeu miliveno acheni kya? Highi adouke eno xuakelo akijikusa pu lakhie.

Jude 1:12

Timi hipaqono kujomono kumtsa tsuqukile chekeu huye nowu kuposhukulu ghulhulo tichetighepuke. Panonguye pano likhi pano heju auve ani. Panonguye khungkusu amulhuno fupe chekeuno tsutsughu sughichemo keu toike. Panonguye tuqu tsalalo axathi pithimokeu subo toike, akuhu lono nhuveno abo akuchopu thivekeu subo toike.

MATTHEW 3:10

Amughuye itehimu asubo akuhu lono yeqhive nike kutope anie, tighenguno asubo khipaqono alothi kivi pithimo nikeno yeqhipe amilo vesuve nani.

AHOLE 23:5

Owu pisaye aluqu lakhino achishibo ipeghi puzu yeuveke toi paikhavino tipaqo hauve luvike.

AHOLE 23:4

Kinimi shiniaye okuxu pepuzuveno kulhokugho shimonike alotsulo.

MATTHEW 13:22

Asahu gholo apiti vesulukeu huye khunoqono asutsa chilu ikemu hipa kuxu ghili kumsu eno akini kupu keuno asutsa hu ghusuvepe ishi kemiqo, eno panonguye athi pithimove cheni.

Mark 4:18

Kutau hamino asahulilo apiti ikiqi iloluke hutoike. Panonguye Atsa chiluvekemiqo ke,

Rommi 12:2

Hipa yeghilomi ghola hakevilo ikemu nongu kukumsu shikithelukeu vechewo nongu lolo pekililulo. Tishiluaye Alhou pulouye kiuno akivipu, kiuno pano ikhilu kuzupu eno kupukulu keno nonguno ithi kututa shilu nani.

Ephesiami 2:2

Tipa ghulokilo nonguye ayeghiqhalo kusakugha laghi papeche; eno amulhulo aghahwu kukaqo jeli shou ayehpeu hu papeche, tiye Alhou gholumokemi qhasupe achekeu ghahwu huke.

Ephesiami 6:12

Kughengu ninguye timi sasu kupughu amoe ikemu ayehkipemi, atomi, hi akuzu tiqheli yeghiqha yehkipeqo eno kungughalo aghakusa ghahwu kukaqo sasu kupughu anike.