Mark 2:12 - BAIBEL (BSI)

¹² Ike panoqo kumtsu nhekithe lono timi huno ithuve, pa yephu ikhipesu khalau ipeve. Ikelauye timi kumtsu akichiqhive eno Alhou jekipipushi sheqhe eno ishi pi, “Ninguye khilemu hikithipu ithumla aphie!”

Sümi Tiqhelimi Bible

¹² Pa no ithuve püzü pa yephu ikhiluve no panongu kümtsü nhekithe lono wuve. Timi kümtsü hi ithulu no akichiqhive eno panongu no Alhou sheqhe ghi ishi pi, “Ningu ye khilemu hikithipu ithumla aphie!”

Sumi Naga CL (Re-edited) Bible (BSI)

¹² Timi huno ithuve no paikhavi pa züa phi ikhiqhepe timi kümtsü zülono wuve, ikehu timi kümtsü no akümzave no Alhou sheqhe ghi pi, “Ningu ye hitoi keu khilemu ithulu mphie!”

Mark 2:12 Referans Kwoze

MATTHEW 9:33

Tughami hu haphevetsu kemtsa, atsapimlano akeu huno atsa piluve. Timiqono akichiqhiveno ishipi, “Israil lo hikithipu ninguye khilemu ithumla aphie!”

MATTHEW 9:8

Timiqono ti ithulu kelo panonguye msave eno Alhou no hitoi keu kuka timi tsukeu ghenguno Alhou sheqhetsue.

Luke 7:16

Panongu kumtsu akuighuno chhitoive, eno panonguno Alhou sheqhe gh0i pi: “Tungkupu kije lakhi ningu gholo ipeghivae!” eno “Alhou no pawu timi xalunike ighi anie!”

Apostolmi 4:21

Panonguno agho shi pama shikichi puzu pama phepuwuve. Panonguno aghime pama tsukepu akiqi phumlave, timiqo ghenguno, kughengu ti akumzapu kumla shikeu ithulu puzu timi kumtsuno Alhou sheqhe ae.

John 9:32

Inahu-u ayeghiqha huthu kelono itehi kutolo timi khunomu punuqhi kelono anhethi ichekemi nhethi tsukholuvepe keu chimla aphie.

John 7:31

Timiqo gholo kutomono pa pululuveno pi, “Kughou Mesiya ighini keno paye timi hipau nguno alau amchipu kumla shilu nani kema?”

Luke 17:15

Panongu gholo milakhiye paye vive aghikeu ithulu kelauye ideghino asutsa kuloghi lono Alhou sheqhe.

Luke 13:13

Pano pa-u pesu li shou be kemtsa li ghutsuye muzuchoive eno lino Alhou akishe tsu.

Luke 5:26

Panongu kumtsu qheghuive! Akumsano chhive eno panongu no Alhou sheqhe ghi pi, “Ninguye ishi akichiqhi kepu ithulu vae!”

Mark 1:27

Timi kumtsu shishe akumzaqhiyive ikehu panongu lakhino lakhi vilo ishi inijukile auve, “Hiye kiu kya? Kiuala akithe kukutsu keo? Timi hipauye anguagha kuamino ahza tsu akeshi tughakusa shou thotsu ahza tsue eno panonguno pa gholue!”

MATTHEW 15:31

Kughou atsapiphekumlamino pipheluve, aphi-au kighichemino achipi shive, ayiku kughupamino alacheluve eno anhethi kighichemino ithuluwuve ishi keno timiqoye apuchopungove; eno panonguno Israilmi Lhou akishe tsu.

MATTHEW 12:23

Timi kumtsuno akumzaqhiyive eno ishi pi, “Paye David Nu kekumo kesha?”

Mark 2:11

“Ino ovilo pi ani, ithulo, oyephu ikhiqhelulo eno okilo wovelo!”