Mark 14:41 - BAIBEL (BSI)

⁴¹ Pano akuthuu ideghi kelo, ishi panoqo vilo pi, “Nonguye itehi kuto zuani eno nongu kulhoqhi ani kesha? Tino lumkhae, atuqhudo hu ighivae. Julo, ni Timi Nu ye axinemi ulo thechu shisuvae.

Sümi Tiqhelimi Bible

⁴¹ Aküthüu ideighi kelo, Jisü no pano küthü vilo pi, “Nongu ye itehi kutólo akulhoqhi zü aphi keshea? Kughomae! Ado hu ye ighivae. Julo! Timi Nu ye axinemiqo u lo phesüve tsüae.

Sumi Naga CL (Re-edited) Bible (BSI)

⁴¹ Ghuthu aküthüu loye pa no ighi no panoqo vilo pi, “Nongu ye itehi kutolo züaphi keshea? Tino kughomae; ado huye ighivae. Timi Nu ye küghape axinemi u lo thechu shisüvae.

Mark 14:41 Referans Kwoze

Mark 14:35

Pano tileno chesu kitila wupuzu ayeghilo itsaqino, inikhu; “Shikulupushi aghi aye,aghime tuqhudo hu ilauno ikhipewuve tsu nima?”

Mark 9:31

Pano pa khopemi vilo ishi pie, “Ni Timi Nu ye kughasawo timiqo ulo suvetsu nani, eno timiqono pa pithive nani; tishinamu atsala kuthu thiu paye xuthughive nani.”

John 17:1

Jisu no hipaqo pitave kethiu pa gi peqhepe kungughalo juno pi, “Apuo, atuqhudo hu ighivae, oNu jepipi tsulo tishianguno Anu pelo ojepipi tsupenike.

Apostolmi 7:52

Nongu puasuqono kijipusamokeu tungkupumi khuu ani kya? Panonguno Alhou ghinimi khunoqono Alhou qeu Amikuchou ighi naniepi kutughuche keno tipaqo heqhi pithike. Itehiye nonguno pa kughape atheshive eno heqhiveke.

John 12:27

“Itehiye ighono imlo-kusa shivae. Niye kiu pini kela? ‘O Apuh, hipau tuqhudo lono ixaphelulo’ ipini kesha? Moe, hipau kimjipu ghenguno aghimepu tuqhudo hipaulo ino ighivae.

John 12:23

Jisu no panoqo vilo pi, “Itehiye Timi Nu jekipipu shinikeu tuqhudo ighivae.

John 8:20

Jisu no hipaqo kumtsu pesu kutsu, tiye Achinekilo akumllagho pekutsu chekeu-aloke. Tilehi khunomu pa kughalu vemoe kughengu pa kughalukepu tuqhudo ighimokehu.

John 7:30

Tileno panonguno pa kughaluveniye pukaputsa, tishimu khunomu pa shou a-u chhopuku moe, kughengu pa doye tomphi kehu.

Mark 14:18

Panongu iqano chuakelo Jisu no ishi pi, “Kuchouno ino nongu vilo pini, nongu gholo milakhino ikughape thechu shive nani, igholo chuakemi lakhinoke.”

Mark 14:10

Tile Judas Iskariot, akhopemi chighikini gholo lakhino Jisu kughape achinetomi vilo thechu shiveni aye panoqo lau wuve.

Mark 7:9

Jisu no highi pikithe, “Nonguye muquijoyi shino Alhou no ahza tsukeu peveno nonguno pekishe pesu kutsuchekeu qhipuaniye shi cheni!

MATTHEW 26:2

“Hechekulu Ghulhu shinikeu ghulo kini likhi vea kepi nonguno ithi anie, eno ni Timi Nu ye kros lo yedavepe nike pephetsuveni cheni.”

EZEKEL 20:39

Akughushu MPEU no pi, “Itehiye nongu Israilmiye nolikhi nongu pulou shialo! Pututa su-atu julho qewuvelo! Ikemu ino nongu kutughuve anike tipathiu nonguye igholumasa kepu shi nani eno nowu asu-atu julho lau akumllagho tsukeu lono ije kusapu shichekeu tavekepu shi nani.

YETSAPIU 11:9

Lhothemiqo, olhothe ghulokilo alovi alo, nono lhothemi shiakelo likhimu alokivishi alo. Nono kiu shinishikeno shialo eno oghakiqipu shialo. Ikemu nono kiukiu shikeno Alhou no oshou kughathabe nani kepi kumsululo.

KUKAMI AKINIU 3:13

“Niye kushi kelauno okuphu tsuni kya? Noye opu ngo oza pamano putsa chekeu tungkupumi lau wuno kimchijulo,” pi Elisha no Israil kukau vilo pive. “Tishimoe, AMPEU no kukami nikuthu ku kuqhano Muab kukau ulo suve tsuniye shi ani, “ pi Joram no pichileve.

KUKAMI ATUGHIU 22:15

Kughou pano akukau Ahab zulo ipeghi keno akukauno pa vilo iniju, “Mikaiya, akukau Jehosafat ikujoye Ramot lewukepu keo mokya?” “Le wunithono! Noye tolu nanike, AMPEU no tokulu pesu otsu nanike.” ipi Mikaiya ghi khochiletsu.

KUKAMI ATUGHIU 18:27

Puchou shiveke lono Elija no panongu junuqhi ghi pi: “Ighono igha inikhulo! Paye Alhou lakhi ya! Paye asamo pumo aghimu mthae, momu amlhu chuwuve aghimu mthae, ala kushuwolo izuwuveamu mthae! Maye paye zu animu mthae ikemu nonguye pa kuda puthu masae!”

XAKUTHAMI 10:14

Wulo eno nonguno kisheluvekeu lhouqo lau ighamuku khuulo. Nonguno aghime shi akelo panongu pelo nongu xaphelu pelo.”

Mark 14:40

Itaghi pano ideghi kelo panoqoye zuaghi, kughengu panongu nhethiye kuma-kumayi ae, eno panonguye pa vilo kiu khochile kepu kela mtha.

Mark 14:42

Ithulo, ningu chejuni, julo, ikughape thechu shivekeu hu hi cheae!”