Mark 14:18 - BAIBEL (BSI)

¹⁸ Panongu iqano chuakelo Jisu no ishi pi, “Kuchouno ino nongu vilo pini, nongu gholo milakhino ikughape thechu shive nani, igholo chuakemi lakhinoke.”

Sümi Tiqhelimi Bible

¹⁸ Panongu no aghulhu lipa lo chu akelo, Jisü no pi, “Kuchou no I no nongu vilo pìní, nongu lakhi no I pesü thechu shive nanie.”

Sumi Naga CL (Re-edited) Bible (BSI)

¹⁸ Panoqo no aghulhu lüpa lo iqa no chu akelo, Jisü no pi, “Mtsüqheino I no nongu vilo piani, nongu dolo milakhi no I thechuve nani, khuu no I gholo chu ani keno pa huno ke.”

Mark 14:18 Referans Kwoze

LESHELE 41:9

Ishou kiviu, khikhi ino pukhube acheni keno eno isasu kuchukusho lakhi shichekeu thotsu ilau chhophekugha vesu auvae.

John 6:70

Jisu no panoqo khochile, “Ino no chighikini kishelu kekumo kesha? Ikeghi nongu gholo lakhiye tughamie.”

John 6:47

Kuchouno ino nongu vilo pini: timi khuno pulu ani keno lhokta kuxupu ani.

John 13:38

Jisu no khochile, “Noye kuchouno ighenguno okuxu pephetsuluni kesha? Kuchouno ino ovilo pini, awuduno ighanike zulo ghuthu kuthu kutolo noye imthae pinani.”

John 13:21

Jisu no hipau pivekethiu pa mlo ghime-kusa shiveno kumtsu zulono pi, “Kuchouno ino nongu vilo pini, nongu gholo milakhino ikichephe piyevetsuni cheni.”

John 6:32

Tileno Jisu no panoqo vilo pi, “Kuchouno ino nongu vilo pini: Muse no kungugha lono asho nongu tsuke kumoe, iPuh no kungugha lono kuchou sho nongu tsue.

John 6:26

Jisu no panongu khochile, “Kuchouno ino nongu vilo pini: Nonguye amchipu kumla ithuluke ghenguno kumo puzu nongu ghakiqishi asho chuluke ghenguno iphu cheni.

John 5:19

Jisu no panoqo khochile: “Kuchouno ino nongu vilo pini, Anu ye pa kutoshiye kiumu shimlae,papuhno shiaghikeu pano kiu ithulu nikeno ti likhi pano shi cheni. Apuh no kiukiu shini keno Anu ghi tishi cheni.

John 3:11

Kuchouno ino ovilo pini, nino kiu ithi ani keno tipau picheni eno nino kiu michiluvea keno tipau ashepe shitsu cheni, ikemu nonguno nino ashepe shitsukeu ikhilumoe.

John 3:5

Jisu no pa khochile, “Kuchouno ino ovilo pini, timi khukhumu azu eno Aghungu Kimthe lono punu kithemo keloye Alhou yehkipelo ilomlae.

John 3:3

Jisu no pa khochile, “Kuchouno ino ovilo pini, timi khukhumu punu kithemo keloye Alhou yehkipe ithumlae.”

John 1:51

Pano pa vilo pi, “Ino kuchouno nongu vilo pini, kungugha khaqhive puzu Alhou wu kungumino Timi Nu shou ikuju eno iqiju akeu nonguno ithulu nani.”

Luke 11:51

hi Abel ghiqhi kelono wo Zakharia khuu akumllagho kipiti khache ngo akimthe-a kuma dolono ghiqhive keu kutolo jih hipau tiqheli shou ikughipe nani.

Luke 4:24

Pano pi: “Kuchouno ino nongu vilo pini, tungkupmi lakhiye pano phuyina loye pa ikhilu chemoe.

Mark 14:25

Kuchouno ino nongu vilo pini, Alhou yehkipe lono atsayiji akitheshi shonike tsala kutolo niye itaghi khilemu hi shomo nani.”

Mark 14:9

Kuchouno ino nongu vilo pini, ayeghiqha kuchopulo khilekhilemu lokivipu-tsa pesu asheshu kelo li kumsumamokeu shighi lino kiu shitsukeno tipau piwo nani.”

Mark 10:29

Jisu no pi, “Kuchouno ino nongu vilo pini timi khuuno ighenguno eno alokivipu sutsa ghenguno chepu-cheli, apu-aza,ati-anuli momu aki-alu pheveni keno,

Mark 10:15

Kuchouno ino nongu vilo pi ani, khunono itimi lakhi toi shieno Alhou pelo pa shou akukau shipemoni keno paye Alhou yehkipelo ilomla nani.

Mark 9:41

Kuchouno ino nongu vilo pini, nonguye Khristo timiqoke ipi puzu timi khunono azu ajukhu lakhimu nongu piye keno paye asaxu ithuluni putsae.

Mark 9:1

Jisu no panoqo vilo pi: “Kucho-kuchono ino nongu vilo pini, hilehi puthugho akemi gholo khamiye Alhou yehkipe akuka kumto ighikeu ithumlake kutolo thimo nani.”

Mark 8:12

Jisu no amlo ghujulo tuthu kishe toi pa tuthu sheno pi,”Kushiye hipa tiqhelimi qoye amchipu phucheni kya? Kuchouno ino nongu vilo pini, hipa tiqhelimi lau amchipu tsumo nani”. Tishino paye panoqo launo cheve eno ashukalo ilono azughi kathasu tuxau ikuve.

Mark 6:11

Nonguno aphu lakhilo ighi kelo timino nongu sasumo aye momu nongu tsa initsumo aye tileno wuvelo eno panongu shou thopiu shipe nike nongu pukhulo ayeghimukhu dalukeu kukhuqhivelo.”

Mark 3:28

“Kuchouno ino nongu vilo pini, timi xineqo kumtsu eno panonguno kixikila tsa piqhi puaghikeu kumtsu pevetsu kulupu shi nani.

MATTHEW 26:21

Panongu kuchukusho shiakelo, Jisu no ishipi, “Kuchouno ino nongu vilo pini, nongu gholo milakhino ikughape thechu shini cheni.”

MATTHEW 6:5

“Nonguno kughou inikhu nikeno kuhakughami toi shi kepu kumoe, kughengu panonguye Sinagog chekulo eno alaghila phelo puthughono inikhuni keuno pano lokutu cheni, tishianguno timi pelo panoqo ithulupe niye tishi cheni. Kuchouno ino nongu vilo pini, panonguye panongu jume ithuluvae.

MATTHEW 6:2

“Ikehu kughou timino kiuala avehupu shi aghikelo nono tsu keu pesu ojekipi shikevilo, tiye kuhakughamino Sinagog lo eno alaghila lono tishi cheni, tiye timi pelo panoqo sheqhe peniyeke. Kuchouno ino nongu vilo pini, panonguye pano jume ithuluvae.

MATTHEW 5:18

Kughengu kuchouno ino nongu vilo pini, atsutsu eno ayeghi haumoke kutolo Ayezah lo chosupuakeu momu hetha puakeu thwokha kumtsu shi kishekha moke kutolo lakhimu hauvemo nani.

John 21:18

Kuchouno ino ovilo pini, kughou nono apumi shichekeno olikhi ophi chighiche khapuche eno nono khilehi puloni keno tilehi wuche; ikemu kughou nono muchomi shiveni keno, noye o-u chhope ngo puzu kutamino chighiche okhapipe nani, eno nono khile pulomo keno tilehi oxapuwu nani.”

MATTHEW 6:16

“Kughou nonguno kumvuni keno, kuhakughami toi agi kuzu piye kevilo, kughengu panoqono agi thibuyi pesu kutami pelo panonguye kumvu anikenapi ithulupe niye shi cheni. Kuchouno ino nongu vilo pini, panonguye panoqo jume ithuluvae.

Mark 14:17

Kijiliu shive kelo, Jisu no pa khopemi chighikini sasu ighi.

Mark 14:19

Akhopemi qoye amlokusa shive, panongu lakhi khino Jisu vilo ishi iniju, “Ino kumokema?”

Luke 22:21

“Ikemu julo, timi khuno ikughape thechu shi keno igholo hile chu anie!

John 13:18

Niye nongu kumtsu ghenguno piamoe; ino khunoqo kishelukeno ino ithi anie. Ikemu kuchoyesulo akeu kupuve masa kehu, ‘Igholo kumtsa chukeu timi huno ishou chhophisue.’

John 13:22

Paye hipatsa khuu mijighi piakeno akhopemiqoye avehu izuve kehu lakhino lakhi jukuto ae.