Mark 13:3 - BAIBEL (BSI)

³ Jisu ye oliv tolo iqa puzu aghungulo achineki kudau juakelo, Pitor ngo Jems eno Johan eno Andrew ishi likhi akelono pa vilo iniju.

Sümi Tiqhelimi Bible

³ Jisü no achineki ghüngü lo Olive Naghuto lo iqa akelo, Peter, James, John eno Andrew noqo no lomo shi pa vilo iniju,

Sumi Naga CL (Re-edited) Bible (BSI)

³ Jisü no Olive toghi lo pa gizüu achineki pishipuwo ithulu ghi iqa akelo, Peter, James ngo John eno Andrew no lomoshi pa vilo ighiju,

Mark 13:3 Referans Kwoze

Mark 4:34

Kimighipiyekeutsa sumokeloye paye panoqo putsamoe, ikemu kughou pa khopemiqo likhi sasu anikeno, thwokha panoqo vilo pano chixechilei lheche.

MATTHEW 21:1

Panonguno Jerusalem kupununi chekelo, Oliv toghilo Betpage phulo ighi. Tilehi Jisu no akhopemi kini puwughi pama vilo ishipi:

Mark 14:33

Tishino pano Pitor, Jems eno Johan pano kuthu sasu wue, paye amlokusa eno amlo-kughujuno shishe ime thuve.

Mark 10:35

Zebidi nu Jems ngo Johan pamano pa zuu ighi puzu pa vilo ishi pi, “Kutsuchekeu, nikujono kiu ovilo khunikeno opelo nighenguno shitsu penishi ani.”

Mark 9:2

Atsala tsugho thiu Jisu no Pitor, Jems eno Johan pano kuthu likhi sasu qhemghayikeu naghuto lakhilo ikuno pano kuthu zulono pa juhi kilive,

Mark 5:37

Pitor ngo Jems eno pa thikuzuu Johan kumo aye kutamiye khumu pa gholo wupemo nikeu shive.

MATTHEW 24:3

Jisu no Oliv toghilo iqa akelo, akhopemino lomo shighi pa lau ighi eno ishi iniju, “Kughono hi shini cheni keno nivilo pitsulo eno nono ighinikeu ngo hipa yeghi aghuloki shekha shini kelo kiu michipu shi nani kya?”

MATTHEW 17:1

Atsala tsugho thiu Jisu no pa gholo Pitor, Jems eno Johan pama athiazu ishi sasu panongu likhi naghuto kuchuqu lakhilo iqho.

MATTHEW 13:36

Tileno Jisu ye timi aqokitikhi qhive puzu aki alou ilove. Pa khopemino pa lau ighino ishipi, “Alulo alupi pesu kimighipiyekeu kiqiye kiu keno nivilo pitsulo.”

MATTHEW 13:10

Tileno akhopemino Jisu lau ighi no pa vilo ishi iniju, “Noye kushiye kimighipiyekeu lono timiqo putsa cheni kya?”

Mark 13:4

“Hiye kughono tishiveni cheni keno nivilo pitsulo, hipaqo thwokha shikupuni kelo kiuno amchipu shi nani kya?”