Mark 13:24 - BAIBEL (BSI)

²⁴ Tipaqo tsalalo, ti akijuksa thiu, tsukinheno zumoyive nani, aqhino akuvu yemove nani,

Sümi Tiqhelimi Bible

²⁴ “Ikemu aghime kitikhi tsalà hipaqo thiu paikhavi lono, “ ‘khetsünhe no züchiyive nani, eno aqhi no pa küvü tsümove nani;

Sumi Naga CL (Re-edited) Bible (BSI)

²⁴ “Ikemu tipa ghuloki lo kijiküpsa thiu, khetsünhe no züchiyi hailove nani, eno aqhi no aküvü tsümove nani.

Mark 13:24 Referans Kwoze

ISAIAH 13:10

Ayepu ngo ayesu jeli qono yevuqai tsumove nani, tsukinheno ipeghi puzu zumoive nani eno aqhino akuvu tsumove nani.

2 Peter 3:10

Ikemu Ampeu Tsalaye kupukami lakhi toi ighi nani. Tipa tsalalo atsutsuye asutsa kuloghishi ighano hauve nani. Atsutsulo akeqoye pitipuhave nani eno ayeghi ngo tile akeu jeli kumtsu piti puhave nani.

AMUS 5:20

AMPEU tsalaye zumoikeu sughi nani kethono akuvu sughimoe; tiye vuqaikeu kuhano zuchiyikeu tsala shi nani.

JOYIL 3:15

Tsukinhe ngo aqhiye zumoive, eno ayepuqoye yepuvumove nani.

Piyeküsü 20:11

Tileno ino akuka lakhu akuloghi lakhi metsughoikeu eno tipau shou iqa akeu ngo ishi ithulu. Ayeghi ngo kungugha pa zulono yeuveno ithumlave.

2 Peter 3:12

Alhou Tsala kheakevilo eno tipau mutazu ighipeniye mla akevilo, nonguye Alhou lau akimthe eno pano peithakeu kuxu xukepue, kughengu tipau Tsalaloye atsutsuqoye pitiveno puhave nani eno tile akeu jeliye amino pitikumlave nani.

JOYIL 2:10

Tipaqono hakutsutsu ighikelo ayeghino ithake; atsutsuno khokhoshike. Tsukinhe ngo aqhino zumoive eno ayepuqono yepuvumove.

DANIEL 12:1

Kungumi lakhi aphi kumtsha uakeu no pi, “Aghuloki lakhilo, Mikhel kungumi akijeu khuu owu timiqo khe acheni keno pano ipeghi nani. Tileno ighono aghime lhoksa ayeghi lhotughu lono ishi kutolo ithumula aphikeu shi nani. Aghuloki tipau ighi kelo, no shiayeh dolo khunoqo je Alhou wu kakulo yepuaghini keno xaluve nani.

DANIEL 7:10

Tipau lono ami ghokiti qoipeghia. Tilehi timi qhethonhe kutomo pa mllanike ngoa eno timi 100,000 shou pa zulo puthughoa. Aki tipaulo akumlla huthuve eno kakuqo lhaphepe qhi.

EZEKEL 32:7

Kughou ino okutsani keno ino khungkusu nhaluve eno ayepuqo kuzuphove nani. Tsukinheye khungkusu thiu itshuluve nani eno aqhino akuvu tsumove nani.

JEREMIYA 4:28

Ayeghino mloqa nani; atsutsuno zumoleive nani. AMPEU no piveake, pano kumsaqhivae pano kughathave ake eno athiu idewovemo nanike.

Mark 13:23

Ike kutokupuyi khealo! Hi thwokha kumtsu shimphi lono ino nongu vilo pive ani.”