Mark 11:32 - BAIBEL (BSI)

³² Ikemu ninguno, ‘Timi launo’ ipinike kishimoe.” Panonguye timiqo msave, kughengu timi kumtsuno Johan ye tungkupmi kuchou lakhike pi kumsupusu ache.

Sümi Tiqhelimi Bible

³² Ikemu ningu no, ‘Timi lau no ighi ipini keno’…” (Panongu ye timiqo msàve, kughengu kümtsü no John ye mütsümishei no tungkupu lakhi kepi kihi acheke.)

Sumi Naga CL (Re-edited) Bible (BSI)

³² Ikemu le ningu no, ‘Timi launo,’ ipini keu ye kishimo,” kughengu timi kutomo no John ye kuchou no tungkupmi kepi kihiche kehu panongu ye aqokitikhi msa ae.

Mark 11:32 Referans Kwoze

Mark 12:12

Tile Judami sakiphemino Jisu kughaluve niye pukaputsa, kughengu pano kimighipiyekeu tsa pikeu hipauye panongu shou pipuku akepi jupililuve. Ikemu panonguye timi aqokitikhi jupesu msave, ikehu panonguno pa qhiveno wuve.

MATTHEW 21:46

Ikehu panonguye pa kughaluveniye pukaputsa, ikemu panonguye timi aqo kitikhi musave, kughengu tipaqono Jisu ye tungkupu lakhi kepi kumsu ache.

MATTHEW 14:5

Herod ye Johan pithive nishi ache ikemu paye Judami msa ache, kughengu panonguno Johan ye Alhou wu tungkupu lakhike pi kihiche.

Apostolmi 5:26

Ikelo akijeuno pawu timiqo sasu wu puzu apostolmi saighive. Tishimu panongu shou aku-agha vesumoe, kughengu timiqono atu pesu panongu veqhi pithivenosa kehu.

John 10:41

Timi kutomono pa lau ighi, eno panonguno ishipi: “Johan ye amchipu kumla kumu shimoe ikemu Johan no timi hipau ghili pikeu kumtsu kuchouke.”

Luke 22:2

Achinetomi eno Ayezah kukutsumino kishieno Jisu pithiveni keno alaghi hami pukaputsa phua, kughengu panonguye timiqo msave.

Luke 20:19

Ayezah kutsuchekemi eno achinetomi qono tipa-a lono Jisu kughalu nike pukaputsa, kughengu pano aholetsa hipau pikeuye panongu shou pikepi panonguno ithive, ikemu panonguye timiqo msave.

Mark 6:20

Kughengu Johan ye amikucho eno akimthemi lakhi kepi Herod no ithiake paye Johan msaqhiyi ache, ike pano Johan susho ghi qhipuache. Kughou Johan no pikeu tsa chiluni keno pa mlo shishe a-a shimlave che eno tishikeghi paye amlokiqi shi pa tsa initsuche.

MATTHEW 11:9

Tishima-aye nonguye kiu juniye wu kya? Alhou wu tungkupu lakhi juniye wu kesha? Tishiputsa| Ino nongu vilo pini, Alhou wu tungkupu nguno alau lakhi nonguno ithulupuani!

Mark 11:31

Panongu dolo ishi kutsalakile ae, “Ninguno ‘Alhou launoke’ ipi aye, pano, ‘Tishiaye nonguye kushiye pa pulumo kya?’ ipini cheni.

Mark 11:33

Ikehu panonguno ishi Jisu khochileve, “Ninguye mthae.” Jisu no panoqo vilo pi “Tishiaye ino kiu kuka pesu hipaqo shi cheni kela, nighi nongu vilo pimoe.”