Luke 9:18 - BAIBEL (BSI)

¹⁸ Ghuthu lakhi Jisu no luthu shighi inikhu akelo akhopemino pa lau ighie, pano panongu vilo iniju, “Aqokitikhiye nipesu khuu ipi chenia?”

Sümi Tiqhelimi Bible

¹⁸ Ghuthu lakhi Jisü no lomo shi inikhu akelo akhopemiqo ghí pa gholo ae, pa no panongu vilo iniju, “Timiqo ye ni pesü khuu ipi cheni kea?”

Sumi Naga CL (Re-edited) Bible (BSI)

¹⁸ Ghulo lakhi Jisü no lomoshi inikhu akelo, akhopemi no pa lau ighi. Pa no panoqo vilo ighiju, “Aqokitikhi ye ni ye khuue picheni kea?”

Luke 9:18 Referans Kwoze

Luke 11:1

Ghuthu lakhi Jisu no a-a lakhilo inikhua. Pano tavekethiu pa khopemi lakhino pa vilo pi, “Ampeu, Johan no pa khopemi shika kehu toi akighini ningu shikalo.”

MATTHEW 26:36

Tipathiu Jisu no pa khopemi sasu Gethsemen ipichekeu alo wuno panongu vilo ishipi, “Ino hula wupuzu inikhu nike hile iqa aghilo.”

MATTHEW 14:23

Timiqo kughuxa puwove puzu paye akighini shiniye pa likhi naghutolo iqho. Avela shivekethiu Jisu ye pa likhi tile ae.

Luke 3:21

Kughou timi kumtsuno baptiz shiluve keno Jisu ghi baptiz shilue. Pano inikhu akelo kungugha khaqhie,

Luke 6:12

Hipa ghulokilo Jisu no ghulo lakhi inikhuniye ato lo iqho, eno pano puthopuzu Alhou vilo inikhua.

Luke 9:19

Panonguno khochile pi, “Khamino noye Johan Baptist kutamino noye Elija, itaghi khamino khaghi tungkupmi gholono lakhi xuchile ighi ani ipi picheni.”

Luke 9:28

Pano hipaqo vehu piwo atsala tache thiu Jisu no Pitor, Johan eno Jems sasu inikhu nike naghutolo iqhoe.

Luke 9:29

Pano inikhu akelauye pa ju kilive eno pa phiminino mlapuyi metsughoive.