Luke 9:11 - BAIBEL (BSI)

¹¹ Kughou aqokitikhi no ti chilukeno panonguno pa papewu. Pano panongu sasu alokivishi kusholu eno Alhou yehkipe ghili pesu panongu putsa eno khunoqono shikipivi avehupu shi akeno tipaqo shipivitsu.

Sümi Tiqhelimi Bible

¹¹ ikemu aqokitikhi no ti ithive no pa papesü ighi. Pa no panoqo sasülu püzü Alhou kükaphu ghili pesü panongu vilo pi, eno khunoqo no shikipivi avehupu shi akeno tipaqo shipivi tsüe.

Sumi Naga CL (Re-edited) Bible (BSI)

¹¹ Kughou aqokitikhi no chilu keno panongu no shesü ighive, eno Jisü no alokivishi panongu ikhilu no Alhou yekipe tsa pesü pi, eno shikipivi avehupu shi akemi pa no shipivi tsü.

Luke 9:11 Referans Kwoze

IBRIMI 4:16

Tishiaye, ninguno amlo kuloghi shipuzu Alhou kuka lakhu khilehi kupukini ani keno tipa-alo kupunu wuni nolo. Tileno ninguno avehupu shikutu akelo ningu kuphulu kepushi Alhou kikimiye ithulu eno paw kupukini phulu nani.

2 Tim. 4:2

atsa pesu pikulhalo, ado achipilo na monamu mutazu tipau pialo; mutsuqheyi shilupe, sakiyikepulo sakiyi, shikumto kepulo shikumto eno kheakulushi kutsupiyelo.

Rommi 15:3

Kughengu Khristo ye pa likhi pagho apulou shimoe. Tishinike zuqhu kuchoyesulo ishi yepuani: “Khunoqono othaigha cheni keno panonguno thaighakeu ishou iluqi ikughie.”

Rommi 10:14

Ike panonguno pulumo kenokuu xalulepi inijuni kya? Panonguno chimla aphikeu sutsa kishi puzu puluni kya? Asutsa pikulha moke kishi puzu panonguye chiluni kya?

Apostolmi 28:31

Pano kumtsu gizu lono eno kiunomu pa lakha keu kuhano Alhou yehkipe ghili pikulha eno Ampeu Jisu Khristo ghili pesu kutsu che.

John 6:37

IPuh no itsukemiqo kumtsu ilau ighi nani, eno ilau ighikemiye khilemu hapheve moe,

John 4:34

Jisu no panongu vilo pi, “Ichuqupuye khuno ipuwukeno tipau gho apulou shinikeuke eno pa kumla shiqhivetsu nikeu ke.

Luke 9:2

Panongu pelo Alhou yehkipe pesu asheshu eno akusu shipivi penike pano puwu.

Luke 8:10

pano pi “Alhou yehkipe tuqhouqo ithipe nike nongu tsupe puani; ikemu kutami ghenguye ahole lonoke, tishikehu panonguno jupulaghi ithumla nani, eno ini pulaghi vetha mula nani.”

Luke 8:1

Tipa thiu Jisu no Alhou yehkipe sutsakiviu vekupha ghi aphughiqolo eno aphuqolo wue. Akhopemi chighikini ghi pa sasu che,

Luke 5:31

Jisu no khochile pi, “Kusukinimi ghengu kumoaye viakeqo ghenguno shikipivi avehupu kuhae;

Luke 1:53

Pano muzuthikemi thime kivi pesu aghapiqitsu, ikemu kinimi a-u kumsa shi puwuve.

MATTHEW 21:43

Tighenguno ino nongu vilo pini,” Alhou yehkipeye nongu launo pewuve nani, eno tipa xathi achipilo pithitsunikemi shiayeh qo tsuve nani.”

MATTHEW 21:31

Hipama dolo khikhiuno apuh pulou shitsu kya?” “Akichiuno” ipi panonguno khochile. Tileno Jisu no panoqo vilo ishipi, “Kuchouno ino nongu vilo pini, asuqha kuqhami eno kutuqhalimino nongu zuuno Alhou yehkipe qholo ilolu anie.”

MATTHEW 14:14

Jisu no ashuka lono amuku tokelo timi aqokitikhi aghikeu ithulu puzu panoqo jupesu pa mlo ighiqhiyiveno pano panoqo gholo kusukinimi shipivitsu.

ISAIAH 61:1

AMPEU Alhou Ghungu ishou ani. Pano ikishelu eno kumlhomi lau sutsakivi sughi penike ipuwuke, amlo itajumughuyi akemi shipivi peniyeke, Tshusawuvekemi kuqhophekeu eno akughukilo akemi khaqhi phekeu kutughu peniyeke.

Rommi 10:17

Tishiaye asutsa chilukeu lono akupulu ipeghi cheni, eno Khristo tsa pikulhakeu vechewo chilu cheni.

MATTHEW 12:15

Jisu no tipau chiluve puzu tipa-a lono xaidesu wuve. Timi kutomono pa papewu. Pano kusukinimi kumtsu shipivitsu,

Luke 9:10

Apostolmino izuuno ideghi kethiu Jisu vilo panonguno kiu kiu mlalu keno pi. Pano panongu likhi sasu Bethsaida ipikeu phulo wuve.

Luke 9:12

Kughou tsuzuve keno akhopemi chighikinino pa lau ighieno pi, “Timiqo puwo veno panongu pelo aphu eno aluzalo wuno achuqupu ngo akungoa phujuwupelo kughengu hilehiye asutsuni itsu mokeu-a lakhie.”