Luke 8:13 - BAIBEL (BSI)

¹³ Atu akeu yeghi shou vepuku keu piti huye khunoqono atsa chilu kelo alokivi shi ghi ikhilu; ikemu panonguye akuhu kuha: ado kitila ghenguye panonguno pulu ano ghukuju ighikeloye ikiqive cheni.

Sümi Tiqhelimi Bible

¹³ Apitì atusaye yeghi shou ikiqi keqo ye Alhou tsa chilu kelo alokivishi ikhilu keqo ke; ikemu panongu ye akuhu qüsümoe. Ikehu ado kitila ghenguno pülüa no thekuju ighi kelo ikiqive kemiqo ke.

Sumi Naga CL (Re-edited) Bible (BSI)

¹³ Khikhi atuqu shou iku keno tipaqo ye, Atsa chilu kelo alokivishi ikhilu chekeqoe. Ikemu panongu ye akuhu küha kehu ado kitila ghenguno pülü cheni, eno peju keu do ighike lono idewove cheni.

Luke 8:13 Referans Kwoze

John 5:35

Johan ye akulu lakhi toi vuqayi iquke eno nonguno hitohi ghenguye pa kuvulo alokivi shinishi ache.

HOSIYA 6:4

Ikemu AMPEU no pi, “Israil ngo Juda okujo, niye okujo pesu kiu shive tsulopi kya? Nonguno ikimiye chekeuye inaqhe akimhi toi pai hauve cheni; tiye atsuzuno inaqheno hauvekeu toike.

EZEKEL 33:32

Panoqo ghenguye noye kimiyekini le kiphemi lakhi momu akighilebo pemghakemi lakhi nguno alaushi kihisu amoe. Panonguno otsa kumtsu ini cheni ikemu tipaqo gholo lakhimu peluchemoe.

AHOLE 12:12

Kixikilamiye alhoksa phupuzu tipau shicheni ikemu amikuchomiye mutotoi acheni.

Jude 1:12

Timi hipaqono kujomono kumtsa tsuqukile chekeu huye nowu kuposhukulu ghulhulo tichetighepuke. Panonguye pano likhi pano heju auve ani. Panonguye khungkusu amulhuno fupe chekeuno tsutsughu sughichemo keu toike. Panonguye tuqu tsalalo axathi pithimokeu subo toike, akuhu lono nhuveno abo akuchopu thivekeu subo toike.

2 Peter 2:22

Panonguye kiu shive keno tipauno aholetsa hipau kuchou shivae: “Atsuno pano puqulevekeu chuchile cheni” eno “Awono azu kukuchhu anikepi idewo anibalo ihi cheni.”

2 Peter 2:20

Kughengu timino niMpeu eno niXakuluu Jisu Khristo ithikeu kighithi vechewo ayeghilo shikupusaqo launo pokaipeluve kethiu panonguye tipaqo lono itaghi kuptshuluve eno panoqo shou heqaluve aye, timi tipaqoye atughulo kiutoi achekeno tipau nguno ashekha launo alhoksa kuchoulo auvae.

IBRIMI 10:39

Ninguye athiu tsughuchile woveno puhavekemi kumoe. Ninguye akupulu akemiqoke eno Alhou no ningu puxulukemiqoke.

Ephesiami 3:17

akupulu vechewo Khristo pelo nongu mlolo pa kungoa shilupeni. Nonguye kimiyekinino nongu boqha shilu eno kimiyekini kuhu qusulu penike,

ISAIAH 58:2

Panonguye ghulo atsutsu imlla cheni, panonguye ilaghi ithinikeu eno iyezah papelu nikeu khekulhoshi acheni kepi piacheni. Panonguno pikeuno ipelo kuchou yezah pesu panoqo tsupeni shi eno panonguye imllani keulo aloqi cheni kepi acheni.”

James 2:26

Tighenguno aphimpiye anguagha kuhakeloye akithike, tihutoi akupulu ghi akumla sumokeloye akithike.

1 Tim. 1:19

akupulu tsuqupe eno alokumsu akivi pupuzu aghukishi akivi shilupeniyeke. Timi khamino pano lolo alokumsu akeu pevekeu lono pano kupulu shipusavae.

1 Thes. 3:5

Kughou ino pumla kutuve keno nongu kupuluye kiu qhemilo anikeno ithiniye eno ghukuju-uno nongu ghuju sawu eno nino ichhe ime mlapuakeu adou shivenosa kehu Timothi nongu lau puwue.

Kolosiami 2:7

Pa gholono nongu kuhu qusulo, nongu kuxu shiqhepuku chelo, nongu kutsupiyeve ketoi akupululo mutotoi thuwululo eno shikimthi keuno qochili alo.

Galatiami 3:4

Nonguno puju shiju keu ye adou kesha? Kuchouno tiye pakiqi hami ani!

Galatiami 3:1

O Galatiami mbomzumiqo, khuno nongu shikughuzuve kya? Nongu nhethino ithulu akeshi Jisu Khristo kros lono yedave keu vejoi lhepiyeve ake kumo kesha?

1 Kor. 15:2

eno khipau vechewo nongu xalukeno tipau nongu vilo piputo nishi ani. Nonguye abokumsa lono pulumo puzu nongu vilo kishekulu pivekeu tsa mutotoi tsuqupe aghiaye tipau vechewo nongu xalu nanike.

John 15:6

Khunono igholo kimepe moni keno aloka lakhi toi pa ikhipeve cheni eno thizummuyive cheni. Aloka tipaqoye xukumqono amilo vesuveno pitive cheni.

John 15:2

Iloka khijehi axathi pithimo keno pano micheve cheni eno axathi pithikeu loka kumtsu alaushi pithi penike pano tipaqo kixiphe cheni.

AHOLE 12:3

Kixikilaye sushokulu tsuchemoe ikemu amikuchomiye mutotoi puthughope acheni.

JOB 19:28

Kughengu nonguno pi, “Ninguye kishieno pa shikimighi luni kya? Eno pa mujo kepu jekujeli pa lolono phuluni kya?”

Kolosiami 1:23

ikemu nonguye akupululo aboqha kumto shou mutotoi achemoayesake. Nonguno atsakiviu chilu puzu lajupu tsukeu lono iqevekepu kumoe. Atsakiviu tipau huye ayeghiqha kumtsu asheshuvae, eno ni Paul pelo hipau peithakutsumi lakhi shipeke.

1 Kor. 13:2

Niye tungkupu tsa pikulupu kuka aghiluvi eno muzamughaleyi keu jeli kumtsu eno akighithi jeli kumtsu ithikuto aghi luvi, ikupuluno naghutoqo tukiqhe kulupu kuka aghiluvi, ikemu kimiyekini kuha aye, niye kiumu kuhae.

Mark 6:20

Kughengu Johan ye amikucho eno akimthemi lakhi kepi Herod no ithiake paye Johan msaqhiyi ache, ike pano Johan susho ghi qhipuache. Kughou Johan no pikeu tsa chiluni keno pa mlo shishe a-a shimlave che eno tishikeghi paye amlokiqi shi pa tsa initsuche.

1 John 2:19

Timi hipaqoye kuchouno niqonihomi kumoe ikehu ningu launo wuvae. Panonguye niqonihomi keaye panonguye nigholo ngo aghini cheke. Ikemu panonguye wuvae, tipau kiqiye panonguye niqomi kumo kepi mutsuqheyi ithive peniyeke.

Luke 8:12

Apiti alalo vepukulu keu huye chiluvekemiqo; ikemu tughamino ighino panongu mlo lono atsa hu ikhi suwuve, panongu pelo puluno xalu nosakehu.

Luke 8:14

Asahu gholo khipaqo vesulu keno panonguye chiluvekemiqo, ikemu pano likhi pano puloulo cheche kelauye panonguye kumsukimghe keu, kinikulu ayeghi hipaulo ghakiqipuqono pa qhasuve eno panongu lothi akite shilupemoe.