Luke 7:47 - BAIBEL (BSI)

⁴⁷ Tighenguno ino ovilo pini, li xine akeu kutomo pevetsua kehu lino kikimiye pephe anie; ikemu khuno lau kitila likhi qhitsua keno, kikimiye kitila likhi pephe anie.”

Sümi Tiqhelimi Bible

⁴⁷ Tighenguno I no O vilo pìní, li no kikimiye kijè pephe-piye ketoi li xiné kutomo akeu qhive tsüa. Ikemu khuno lau akipimí kitila likhi qhivetsü akeno kikimiye kitila likhi ke.”

Sumi Naga CL (Re-edited) Bible (BSI)

⁴⁷ Tighenguno I no o vilo piani, li xine kutomo huye li no kupukuno shi kimiyelu kehu qhive tsüae. Ikemu khuno lau aghulo likhi qhitsüni keno, pano ye aghulo likhi kimiye cheni.”

Luke 7:47 Referans Kwoze

1 John 4:19

Ninguno kimiye cheni, kughengu Alhou paghino ningu kimiyeke.

1 John 3:18

Atianuliqo, ninguye atsapilo likhino kimiyekeu shikepu kumoe ikemu akumla lono kuchou kikimiye piyekepue.

ISAIAH 1:18

AMPEU no pi, “Itehino ningu avehu kimchiveni nolo. Nonguye axineno huchuhulesu xapu ani, ikemu ino nongu shikithe pesu murasu toi shitsuni. Nongu hedapusu akeuno ighono huchuyi aghi namu asupha toi metsughoi shivetsu nani.

Galatiami 5:6

Kughengu ninguno Khristo Jisu sasu kimepe ani aye aphighu yiko ghana ghamonamu aphiphi ke, ikemu Alhou wu kimiyekini vechewo mla keu kupulu huno akhotoke.

Rommi 5:20

Axine shikeu kighishenike ghenguno Ayezah iloghi; ikemu khile axine shikeu kighisheni keno, Alhou no kupukini shishe alau shi kighishe tsue.

Ephesiami 6:24

Thimlakeu kimiyekini lono ningu Mpeu Jisu Khristo kimiyechekemiqo shou Alhou wu kupukini apeniu.

ISAIAH 55:7

Kixikilamino panonguno xuche keu kuxu qhivelo eno panongu no kumsuchekeu kilivelo. Panonguno niLhou AMPEU lau ideghilulo; paye kupuqhiyi cheni eno paye axine qhive tsu nanike.

1 John 5:3

Kughengu ninguno Alhou kimiye cheni ipikeu kiqiye pano ahza tsukeu ninguno pelu chenike. Pano ahza tsukeqoye puqhekumlapu kumoe,

1 Tim. 1:14

Jisu Khristo gholo xukimepe akeu vechewo akupulu ngo kikimiye ningu wu khikhi ani keno tipau gholono niMpeu kupukini shishe ishou lepuku tsuke.

FILIPIAMI 1:9

Nongu ghenguno ino inikhutsu akeuno nongu wu kimiyekiniye akighithi ngo achipiu xakutha alau thuwulu peni,

Apostolmi 5:31

Alhou no pa xaputhu pesu pa-u ajeu Sakipheu eno Xakuluu shipe, tishikeu lono Israilmi pelo xaideghi lukepudo tsuniye eno panongu xine pevetsu niyeke.

1 John 1:7

Ikemu pano akuvulo ake toi ninguno akuvulo checheni aye, ninguye lakhino lakhi sasu kuposhulu ani eno PaNu Jisu jino axine kumtsu launo ningu shikimthe tsu ani.

Luke 7:39

Jisu kusukeu Farisimi huno ti ithulu kelo pa likhi pa vilo ishi pia, “Timi hipauno tungkupu lakhi ke aye, totimi pa bu akeuye khuu eno kiu toikemi keno paye ithikepuke, kughengu liye axine shichekemi lakhie.”

MATTHEW 10:37

“Timi khunono iqhukeu nguno alaushi apuh eno aza kimiye nikeno paye ikhopemi shikuzu kumoe; eno timi khunono iqhukeu nguno alaushi pano nu eno pano nga kimiye nikeno paye ikhopemi shikuzu kumoe.

2 Kor. 5:14

Kughengu Khristo kikimiyeno ningu bothape ani kehu ninguno ithitoi akeuno milakhino kumtsu ghenguno thive ike tipau kiqiye timi kumtsu pa gholono thikuqhavae.

MICAH 7:19

Noye itaghi nilau kupuqhiyi kithe nanike. Nono nixineqo apukhuno nedaqodave nani, eno azughi polalo tipaqo vesuve nanike!

EZEKEL 16:63

Nono pimikeu jeli kumtsu ino peivetsu nani, ike noye tipaqo kumsu chilelu nani eno shishe kujo kelauno okichi ghi xukhomo nanike.” Akughushu MPEU no pivae.

Luke 7:46

Noye teli pesu ikutsu nutsu moe, ikemu liye axokutsungu pesu ipukhu nutsue.

Luke 7:48

Jisu no li vilo pi, “Oxineqo pevetsuae.”