Luke 7:38 - BAIBEL (BSI)

³⁸ eno Jisu thiu puthugho, pa pukhu philo qa ghi eno li nhezuno Jisu pukhu putsaghi ae. Tishieno akutsusa pesu pa pukhu isuputhotsu; axokutsungu lepukuno nutsue.

Sümi Tiqhelimi Bible

³⁸ Li no Jisü thiu ighino pa pukhuphi lo qa püzü li nhezü no Jisü pukhu pütsáve ghi ae. Tisheno li no li kütsüsa pesü Jisü pukhu isü tsü, apukhu lo müma tsü eno axokütsüngü lepuku tsüe.

Sumi Naga CL (Re-edited) Bible (BSI)

³⁸ Eno pa thiu puthughope qa ghi li nhezü no pa pukhu pütsa tsüno asa pesü isütsü, tithiu li no pa pukhu müma no axokütsüngü thazü pesü nutsü.

Luke 7:38 Referans Kwoze

ISAIAH 61:3

Zion lo muloqa akemi vilo amlo ghime thelilo alokivi eno aloino keu tsupeniyeke, amloksa thelilo sheqhekeu le tsupeniye ke. Panonguye AMPEU ampino shosu keu subo toive nani. Panongu kumtsu kiuno achipi keno tipau shi nani, eno Alhou no kiu shitsukeno tipaqo ghenguno pa sheqhe nani.

YETSAPIU 9:8

Pulhapuju alokivishi eno alovi akeushi ithulu pelo.

LESHELE 51:17

Alhou no ikhilutsu nikeu kumllaghoye amlo kughujuke; O Alhou, amlo kughuta kughuju shi olau ighikeu noye mithive chemoe.

BOTHUBO 18:4

Azu sughino nongu pukhu qhuvetsu pelo eno asubo kicheqholo akulho qhi aghilo.

JEREMIYA 31:9

Iwu timiqoye qasusu ideighi nani, ino panoqo sachile wochekelo inikhu ghi ighi nani. Aghokiti kudau ino panoqo kichepiye nani, panoqo pelo kupuxalumo kepu alaghi kumdulo sawu nani. Niye Israil lau apuh lakhi toike, eno Efraim ye inu akichiuke.”

LESHELE 38:18

Ino ixine piphe ani, ixineno ipelo a-a shimlano anipeke.

EZRA 10:1

Kughou Ezra no akipimi piphe qaghi Israil Lhou zulo itsaiqi akighini shi akeno kiptimi, totimi eno itimi kumzapuno suhope pa gholo mlo qasue.

James 4:9

Amlo kughutashi ighalo eno amlo kighishi shi qalo. Nongu kunu pesu amlokighishi shi qakeu shivepelo eno nongu lokivi pesu amlo kumtshu shivepelo!

Luke 6:21

‘Nongu itehi muzuthi akeqo kumghae; nongu ghapiqi tsulu nani: Nongu itehi qa akeqo kumghae; nonguno nulu nani.

MATTHEW 5:4

‘Mlo qa chekemi kumghae, kughengu Alhou no panoqo lokughuno tsu nanie!

ZEKHARIA 12:10

“David polo kughukomi shou eno Jerusalem lo kughuna akemiqo shou ino amlo ighiqhiyikeu nguagha eno akukhu kighini nguagha lepukutsu nani; ikehu panonguno khuu qhuqhi pithive keno tipau shou jupuku puzu anga lakhi likhi akeu thivekelo mloqa akeshi panonguno pa ghenguno mloqa nani. Anu anoghiu thivekelo mlo qakeshi panonguno amlo kughutashi qa nani.

JOYIL 2:12

“Ikemu itehino pinamu amlo tsuqhiyi shipuzu kumvukeu ngo qanimlokeu eno amlo itapinyi shieno xaideghilo eno ilau ideghilo.

ISAIAH 57:9

Nonguno tsungquikeu mukhu ngo aphilo nudakeu supupuzu Molek lhou mlla nike wucheni, alhouqo mlla nike phutsu peniye nonguno aqha kumtsulo aghini kishimi puwu cheni, kithigha kutolo puwu cheni.

ALE KIMCHI 1:3

Nono nupu akeu teli ye tsungquyi; Oje kukelo tipau kumsulu ani; tighenguno ilimino okimiye cheni.

Luke 22:62

Pitor no khalau ipeve eno shisheno qah auve.

Luke 7:37

Julo, aphughi tipaulo axine shikichemi totimi lakhi ake, kughou Jisu ye Farisimi kilo kuchukusho shi anipi chilu keno, lino atu hughi kichhi axokutsungu teli pesu ighi,

Luke 7:39

Jisu kusukeu Farisimi huno ti ithulu kelo pa likhi pa vilo ishi pia, “Timi hipauno tungkupu lakhi ke aye, totimi pa bu akeuye khuu eno kiu toikemi keno paye ithikepuke, kughengu liye axine shichekemi lakhie.”

John 11:2

Maria hipauye tsungquyikeu teli pesu Jisu shou lepuku puzu lino li sa pesu pa pukhu isuve tsukeu huke, ike li peu Lazar ye suake.