Luke 6:42 - BAIBEL (BSI)

⁴² Kishi puzu othikuzuu vilo, ‘athikuzuu, onhethilo amihi akeu ino ikhipheve tsuni,’ ipi chenia, le olikhi onhethilo asulu nono ithumla kenoku? No kuhakughau! Atughushi olikhi onhethilo asulu ikhivelo, eno tishianguno othikuzuu nhethilo amihi ikhiphe nike nono tsughukhuyi ithulu nani.”

Sümi Tiqhelimi Bible

⁴² No ye kíshi no O likhi O nhethi lo asülu akeu jukutomo püzü O thiküzüu vilo, ‘O nhethi lo amihi akeu I no ikhipheve tsüní,’ ipi luni kea? No ye kühaküghamie, atüghishi O likhi O nhethi lo asülu akeu ikhive paghilo, tishianguno no ye O nhethi tsüghükhüi shi püzü, O thiküzüu nhethi lo amihi akeu ikhi phelu kepu shi nani ke.

Sumi Naga CL (Re-edited) Bible (BSI)

⁴² Nono o nhethi lo asülu akeu ye juzüve no kishino o thiküzüu vilo, ‘Athiküzüu, o nhethi lo asümihi akeu I no ikhipheve tsüni,’ ipi luni kea? No kühaküghau, atüghüshi o nhethi lono asülu ikhipheve lo, tishino o thiküzüu nhethi lo asümihi akeu ikhiphe lunike nono mtsümishei ithulu nani.

Luke 6:42 Referans Kwoze

2 Peter 1:9

Ikemu khunono hipaqo kuha keno panoye mamayi puzu kiumu ithumlake eno axine aqauqo launo shikimtheve tsukeu hu kumsumakhave ake.

2 Tim. 2:21

Timi khunono alhoksa inapugha keu launo mithelu nikeno avehu akhotopulo pa peithalu nani, kughengu paye akumla kivipulo peitha kulupushi pa Mpeu lau ikhipetsuve keu shi kutope anike.

2 Kor. 5:18

Hipaqo kumtsu Alhou launo ke, pano alashilupeke eno kutami pelo pa sasu alashilu penikeu kumlapu saje ningu tsuke.

Rommi 2:1

Tighenguno o timi, no-khuu keno kutami shou kughatha be kulupu kya? noye jekujeli kiumu pikulupu kuhae. Kughengu nono kutami shou kughakutha be aye olikhi okileqhive ani.

Apostolmi 13:10

“No tughami nu! Akimki eno pishikiqhino chhitoi xapusu noye amikucho jeli kumtsu sasu aghumi shikicheu, noye kushiye Ampeu wu akumzu laghi shichighi pesu kichileu shivetsu niye pukaputsa acheni kya? Momu noye Ampeu wu amikucho laghi suchighi achekeu tavemo nani kesha?

Apostolmi 8:21

Hipatsalo osala momu osaje kuhae kughengu Alhou zulo omlo achipi kumoe.

Apostolmi 2:38

Pitor no panoqo vilo pi, “Nongu lakhi khino nongu xine lono xaideghiluve puzu Jisu Khristo je lono baptiz shiluvelo, tishianguno nongu xineqo pevetsupe kepushi eno nonguno Alhou wu agho, Aghungu Kimthe ithulu nani.

Luke 22:32

Ikemu Simon oghenguno ino inikhuvae, ti okupulu iqeve pemo nike. Kughou nono ilau ideghive nikeno othikuzumi shikumto masae.”

Luke 13:15

Ampeu no pa khochile ghi pi: “Nongu kuhakughaqo! Nongu gholo khuno apineni lonomu pa mishi momu gadaha aki lono kuqho sasu wo azu piye chemo kya?

MATTHEW 26:75

eno Pitor no Jisu no pa vilo ishi pikeu hu kumsuchilelu; “Awuduno ighamphilo noye imthakepi ghuthu kuthu pi nanike.”

AHOLE 18:17

Kughakutha alo timi khuuno pitughiu shini keno pa tsaye pulhapuju achipike toi, tiye pamjo akemino pa vilo iniju chilemoke kutolo likhike.

MATTHEW 7:3

Tishiaye, noye kushiye othikuzuu nhethilo amihi jukuto cheni puzu olikhi onhethilo asulu akeu jukutomo kya?

MATTHEW 7:4

Momu, onhethilo asulu akenokuu kishi puzu noye othikuzuu vilo, ‘Onhethilo amihi akeu ino shiphevetsuni’ ipiluni kya?

Luke 6:41

“Kushiye othikuzuu nhethilo amihi ju ania ikemu olikhi onhethilo asulu akeu jukutomo kya?

Luke 6:43

“Kughengu asubo kiviye alhoksa lothi pithi chemoe, momu asubo lhoksano athi kivi pithi chemoe.