Luke 6:27 - BAIBEL (BSI)

²⁷ “Ikemu nongu iniakeqo vilo ino pi ani: Oghumi kimiyelo, nongu mithi chekeqo lau akivi shilo,

Sümi Tiqhelimi Bible

²⁷ “Ikemu nongu ini akemiqo vilo I no piani: O ghümi kimiye lo, nongu mithi kemi lau akivi kümlà shilo,

Sumi Naga CL (Re-edited) Bible (BSI)

²⁷ “Khunoqo hi chilu ani keno, I no nongu vilo piani, No ghümi kimiye lo, nongu mithi kemi lau akivi mla lo,

Luke 6:27 Referans Kwoze

1 Thes. 5:15

Nongu gholo milakhi nomu alhoksa pesu alhoksa shikeu lochile kevilo, ikemu pulhapujulo lakhino lakhi lau eno timi kumtsu lau akivi shinikeuno akimji shilo.

Luke 6:35

Ikemu oghumiu kimiyelo eno pano lau akivi shilo, punalo eno tsuchile penikeu laju kevilo. Tishianguno noye ajume kije anani eno shishe Akiqheu Lhou nuli shilu nani; kughengu paye shikimthimokemi eno kusakughami lau akivi shie.

AHOLE 24:17

Kughou oghumino zuleno kutsakungo sholuni keno alovi kevilo eno pano kupxalu kelo alokivishi kevilo.

Galatiami 6:10

Tishiaye, akivi shini nolo, eno akhotoshi akupulu lono abolomi shiluvekeqo lau akivi shiani nolo!

Mark 4:24

Pano highi panoqo vilo pi: “Nonguno kiu chilukeno tsaqui amlo tsulo! Nonguno kiu qhemi lono kutami shou kughathabe cheni keno Alhou no tipa qhemi lono nongu shou kughathabe nani, eno tinguno ghi alaushi nongu shou kupha tsu nani.

Apostolmi 10:38

Alhou no kishi Nazaret noghami Jisu shou Aghungu Kimthe eno akuka lepuku keno nonguno ithi ani. Alhou no pa gholo ake ghenguno pano aqha kumtsu wu puzu akivi kumla shi eno tughami kuka qholo aghikeqo kumtsu shipivitsu.

Apostolmi 7:60

Qhoqhunhe pesu pano ighamuku pi, “Ampeu hipau xine panoqo shou betsu kevilo.” Hi pive puzu paye thive. Saul ye Stifan pithive keulo pulokuqhatsu ae.

Luke 23:34

Jisu no pi: “Ipuo, panongu kipimi qhivetsulo! Panonguye kiu shi ani kela mtha aphie.” Panonguno asaqhi puzu pa phimini panongu dolono kije luve.

Luke 8:18

Tishiaye, noye kishi ini ani kela kutokupuilo; kughengu khuno ani keno alau pesu tsu nani, eno kuhakeu launo pano kiu aniepi kumsu ani keno tighi ikhisuwuve nani.”

Luke 8:15

Ayeghi kivilo apiti vesu lukeuye khunoqono atsa chilu eno aghokulu ngo amlo kivi xapusu kutuuno ikhilu keu lono athi pithi peghilu cheni.

Luke 8:8

Apiti hamiye ayeghi kivilo vesulu eno lho ipeghino alothi aqhe kutolo pithilu.” Jisu no hipaqo piveno ighamuku pi, “Nonguno chikulupu kini aghi aye, inilo!”

Luke 6:22

“Kughou timino Timi Nu ghenguno nongu mithi, nongu leve, nongu thaighani eno kusakughami kepi nongu jeku nikeno, nongu kumghae.

3 John 1:11

Kimiyeche keu, alhoksa pape kevilo ikemu akivipu papelo. Khunono akivipu shi cheni keno panoye Alhou laumike; khunono alhoksa shi cheni keno paye Alhou ithulu chemoe.

AHOLE 25:2

Alhou no kiu kusupuani keno tipaqo ghenguno ninguno pa gihu cheni; ikemu tipaqo phujukeuno kukami jekipipue.

LESHELE 7:4

Shompami lau alhoksapu tsuchile puaghi, momu kutsazu lono ighumi shou puqapinyi puaghi, ino hipaqo lakhimu shipuaghi aye,

KUKAMI ATUGHIU 13:6

Akukau Jeroboam no tungkupuu vilo pi “Ighenguno oMPEU Alhou vilo inikhutsulo eno iu hipau shipivive tsulo pilo!” Tungkupuu huno AMPEU vilo inikhu, eno kuchono akukau u viluve.

Apostolmi 16:28

Ikemu Paul no ighamuku pi, “Olikhi oghuza kevilo, ningu kumtsu hila aphike.”