Luke 5:22 - BAIBEL (BSI)

²² Ikemu Jisu no panongu kukumsu ithiveno pi: “Nonguye kushiye tikithipu kumsu cheni kya?

Sümi Tiqhelimi Bible

²² Jisü ye panongu no kiu kümsü akeno ithive püzü iniju, “Nongu ye kushiye nongu mlo lo thime hipaqo kümsü ani kea?

Sumi Naga CL (Re-edited) Bible (BSI)

²² Jisü no kughou panongu kükümsü pimhelu keno, pa no panoqo khochile, “Kushiye nongu ye amlo lono ighiju ani kea?

Luke 5:22 Referans Kwoze

Luke 24:38

Ikemu pano panongu vilo pi, “Nonguye kushiye thughui ani kya? Nongu mlolo kushiye ‘Hiye khuu kela?’ ipi ani kya?

Apostolmi 5:3

Pitor no pa vilo pi, “Anania, kushiye Satan pelo omlo qhasuluvepe puzu noye Aghungu Kimthe pishiqhi eno olu jekeu lono pisa ithulukeu hami qhipe puave kya?

Mark 8:17

Panonguno kiu piakeno Jisu no ithiveno ishi iniju: “Nonguno asho peighimokeu ghenguno kushiye kutsala ani kya? Nonguye itaghi mtha aphi momu vethamla kesha? Nongu mlo mukamughayive akesha?

MATTHEW 12:25

Panonguno kiu kumsu puzu hipau pikeno Jisu no ithi akehu panoqo vilopi, “Akukaqha lakhino pano dolo kijetha aye kushuwa kumolo hauve cheni. Aphughi momu akibo khipauno pututa shelo kijethani keno ipopinyive cheni.

MATTHEW 9:4

Panonguno kiu kumsupu akeno Jisu no ithiveno ishipi, “Kushiye nonguye amlolo alhoksa tikithipu kumsu cheni kya?

ISAIAH 66:18

Ino panoqo kukumsu eno panoqo kumla ithi ani. Ashiayeh kumtsu gholo timiqo hekutsunike niye cheae! Kughono panongu kumqoluveni keno, ikukaye kiu shilu nani keno panonguno ithulu nani,

LESHELE 139:2

Ino iqake ithuke kumtsu nono ithianie; putou akelonomu nono ikukumsu kumtsu vethaluvae.

Piyeküsü 2:23

Li pape chekemiqo ghi pithive nani, tileno akukuhou kumtsuno niye timi kukumsu eno timi mlo lhejuchekeu kenapi ithi nani. Nongu kumla qhemi lono milakhikhi lau ino ajume tsu nani.

IBRIMI 4:12

Kughengu Alhou tsaye akuxu eno akuka kuau,putoputo zutakihi nguno akutsughauke. Hino angulho ngo angugha kikimea kutolo eno aquki-anhuki kikime kutolo ghitha ilo cheni. Hino timi mlolo kumsupu akeu ngo shinishi keu jupililu cheni.

YEKIKITHI ATUGHIU 28:9

Pano Solomon vilo hi pi, “Inu, ino ohakite ani opu Lhou pukhalulo eno omlo kijevemono eno okukumsu iqemono pa huthulo. Pano ningu kukumsu eno ninguno lunishi keu kumtsu ithi anie. Tsala nono pa phuwu aye pano no ikhilu nani; ikemu tsala nono pa launo pove aye pano alhokuthu ghenguno okumsumave nia.

EZEKEL 38:10

Akughushu MPEU no Gog vilo piakeuye hike: “Kughono tipau ghuloki ighini keno noye amqu lhoksa kumsulu ipeghive nani.

AHOLE 15:26

AMPEU no alhoksa kukumsu mithi cheni ikemu paye shompami shilukeu tsalo amloqi cheni.

MATTHEW 12:15

Jisu no tipau chiluve puzu tipa-a lono xaidesu wuve. Timi kutomono pa papewu. Pano kusukinimi kumtsu shipivitsu,

Luke 5:21

Ayezah Kukutsumi eno Farisimiqoye panongu dolono ishi kughakilethu: “Timi hipauye khuu keno Alhou thaighakeu tsa hitoi pinikya? Alhou likhino kumoaye khuuno axine qhi tsukulupu ani kya?”

Luke 5:23

‘Oxine qhivetsua’ ipikeu no akumlau keo, ‘Ithuno chewulo’ ipikeuno akumlau kya?