Luke 3:11 - BAIBEL (BSI)

¹¹ Pano khochile, “Khuuno aphikuzu kini anikeno lakhi pesu kuhakeu tsulo, khuuno achuqupu anikeno pa ghi titoi kusaje chulo.”

Sümi Tiqhelimi Bible

¹¹ John no khochile, “Timi khukhumu aphiküzü kini aghí aye khuu no küha keno pa sasü küsaje moayesa, eno timi khuu no achuqupu aghíni keno pa ghí titoi shi moayesa ke.”

Sumi Naga CL (Re-edited) Bible (BSI)

¹¹ Pa no khochile, “Khukhumu aphiküzü kini akeu no küha kemi sasü küsaje lo, titoi achuqupu akeu no tishilo.”

Luke 3:11 Referans Kwoze

1 John 3:17

Ikemu kinimi lakhino pa thikuzuuno aqu-agha shiakeu ithulu puzu pa thikuzuu tipau lau pa mlo xukhomo aye, kishi puzu Alhou kikimiye pa lolo kiu anie pini kya?

1 Tim. 6:18

Kinimiqo vilo akivipu shilopilo eno akumla kivi nibonilei shilopilo, kutami sasu kupukunoshi kusajeni keu kutope alo pilo.

Luke 18:22

Jisu no kughou hi chilu keno, pa vilo pi: “Noye itaghi avehu lakhi shikepushi aphie. Okua kumtsu jevelo eno jelukeu pe kumlhomi kijeve tsulo eno noye kungughalo akini khuki aniake; tishieno noye ighi puzu ipapelo.”

1 John 4:20

Timi khuno, “Niye Alhou kimiye cheni” ipi puzu athikuzumi mithi cheni keno paye kimkimi lakhike. Kughengu khunono pano ithulu chekeu athikuzumi kimiye chemokeno, paye ithulu chemokeu Lhou kimiye mlae.

James 1:27

Apu Alhou zulo mutsumisheyi keu eno tukutiye kuhakeu chineyehye hike: mighimugha chikamujo keu, chimemino aghimeshi akelo tuchoheju keu eno ayeghilomi pelo pa kitiqeve pemono ngo lukeu huno achineyeh kuchouke.

Luke 11:41

Tishiaye akhu ajukhulo kiu aghi keno kumlhomi tsulo eno nongu ghenguno thwokha mitheluniae.”

MATTHEW 25:40

Akukau huno ishi panoqo khochile nani, ‘Kuchouno ino nongu vilo pini, nonguno ithikuzumi hipaqo gholo akitilau lau kiu shitsu keno nonguye ilau shitsuake.’ ”

DANIEL 4:27

Tishiaye, akiqheu, ino okutsu keu tsa inilo eno axine shikithe akevino kiuno achipi keno tipau shilo eno kumlhomi kimiyelo, tishi keuno okuxu akivipu shilu nani.”

IBRIMI 6:10

Alhou ye amikuchoke ghenguno nonguno mla akeu pa jelono pawu timiqo lau kikimiye pephepiye puakeu eno itehi kutolo titoi shiakeu paye kumsumavemo nani.

Apostolmi 10:31

eno pano pi, ‘Kornelia! Alhou no okighini chiluvetsua eno nono kumsano timi kuphuchekeu ikhiluvetsuae.

Apostolmi 10:4

Pano akumsa launo kutuxope kungumi hu jupuzu pi, “Akijeu kiu kya?” Kungumi huno ishi pa vilo pi, “Okighini eno nono kumsano timi kuphuchekeu Alhou no ikhiluvetsua eno okumsulu ani.

Apostolmi 10:2

Paye achineyehlo amlotsuqhiyi chekemi, pa eno pa kibo kumtsu Alhou sumsache. Pano Judami kumlhomi kumsano shishe kuphuche eno tamono Alhou vilo inikhu ache.

John 13:29

Judas no pisabo pighiu shiche kehu Jisu ye pa vilo wupuzu aghulhu ghenguno kiu avehupu shi akeno tipaqo qhunikeu momu kiu kiumu pesu kumlhomi tsu nikeu pikughashi akhopemi khamiye kumsuve.

Luke 19:8

Ike Zakhai no puthughono Ampeu vilo pi, “Iniju tsulo, Ampeu! Ino pighiakeu tuxa pesu kumlhomi tsuni, ino khuala pishi puaghi aye, tipa theli ghuthu bidi tsukideveni.”

EZEKEL 18:7

kutami khumu nedaqoda chemo, nalukemino athelilo qhipaghi keu nhemgha tsuchileve cheni, puka suxalu chemo, kumlhomi pa chuqu tsucheni eno aphimini kuhakemi puucheni,

Ephesiami 4:28

Timi pukaqhi chekemiye hinguno hilauye puka kevilo, ikemu pa phiau peithano akikhishi mlano qechulo, tishino kumlhomi kuphukulupu shilo.

1 Tim. 6:17

Ayeghi hipaulo kinimiqo vilo qheza kevilopi pilo momu kiu shiveniala mtha aphikeu kini shou pano lajupu bekevilo pilo ikemu alokiqipu shilupeniye thwokha kupukunoshi ningu tsuchekeu Alhou shou lajupu belo pilo.

James 2:14

Ithikuzumiqo, timi lakhino paye akupulu ani kepi namu akumla sumo aye tiye kiu alla ani kya? Pa kupulu tipauye pa xaluni kesha?