Luke 2:25 - BAIBEL (BSI)

²⁵ Jerusalem lo timi lakhi ache, pa jeye Simon; timi hipauye akivimi, Alhou sukumsami, Israil lokughunotsu nikeu tsala huqhe ache eno Aghungu Kimthe no pa shou ae.

Sümi Tiqhelimi Bible

²⁵ Jerusalem lo timi amikuchomi eno Alhou sükümsami lakhi Simeon ipikeu ache. Aghungu Kimthe no pa shou ache eno pa ye Alhou no Israel lokughuno tsü nikeu khekulhoshi acheke.

Sumi Naga CL (Re-edited) Bible (BSI)

²⁵ Jerusalem lo timi lakhi Simeon ipikeu ache, pa ye amikucho eno amlo tsüqhiyi Israel lokughuno tsüni keu tsala khelho chekemi, eno Aghungu Kimthe no pa gholo ache kemie.

Luke 2:25 Referans Kwoze

ISAIAH 25:9

Tipa tsalalo kumtsuno ishi pinani, “Paye niLhou ke! ninguno pa pukhu khecheke eno pano ningu xapheluke. Paye AMPEU ke! Ninguno pa pukhu khecheke; itehiye pano nixaluke ghenguno ninguno alokiqishi alovini.”

Luke 1:6

Pama kini kujo Alhou zulo amikuchoshi xu ache eno Ampeu no ahza eno ayeh tsukeu aghokulu shi peche.

Luke 2:38

Tishi ake dolo lino ighino Alhou shikimthikeu tsu eno anu ghili pesu Alhou no Jerusalem xachilelu nikeu kheakemi kumtsu pithi.

Mark 15:43

Ike Arimathia noghami Josef no ighi. Paye Judami Hoho lo kihikusumi lakhi eno kutamino qhoqhughi achekemi eno pa ghi Alhou yehkipe ighinikeu juachekemi, ikehu pano amlo kuloghishi puzu Pilat lau wuno Jisu sukumo khu.

Luke 1:41

Elizabet no Maria sutsa chiluke mtsa angano li polono ithauve, Elizabet ye Aghungu Kimthe no chhitoive,

2 Peter 1:21

kughengu tungkuputsaye timi gho apulou lono ighipe puamoe, ikemu Aghungu Kimthe no peitha keu lono timino Alhou launo ighikeu tsape pichenike.

Luke 23:51

Pa ghi Judami Hoho lo ampemi lakhi shianamu panongu tsa kughakutha eno kughuqhi keulo pulosu mono ache.

ISAIAH 40:1

Ningu Lhou no piani, “Iwu timiqo lokughuno tsulo! Panoqo lokughunotsulo!

Apostolmi 24:16

Ike Alhou zulo eno timi zulo ilolo mutsumishei kimchikulupu akeu lono pulhapuju pukaputsa ilikhi iqophe acheni.

Apostolmi 10:22

“Keptein Kornelia no ningu puwue. Paye timi kivimi, Alhou sumsachekemi eno Judami kumtsuno gihu achekemi lakhi. Alhou wu kungumi kimthe lakhino pa kichepiye keuno opelo pa kilo ighikepushi eno nono kiu pikepushi aghini keno inikepushi no kupuwulo pike.”

Apostolmi 10:2

Paye achineyehlo amlotsuqhiyi chekemi, pa eno pa kibo kumtsu Alhou sumsache. Pano Judami kumlhomi kumsano shishe kuphuche eno tamono Alhou vilo inikhu ache.

Luke 1:67

Papu Zakharia ye Aghungu Kimthe no chhitoi lu eno pano tungkupu tsa pi:

MICAH 6:8

Moe, kiuno akivipu keno AMPEU no nivilo pivae. Pano ningu lau lunishi akeuye hike: kiuno achipi keno tipau shinikeu lhokta kikimiye piyenikeu, eno ni Lhou sasu aqhokigheu lono kuposhupe xu acheni keuke.

JOB 1:8

Tileno AMPEU no Satan vilo pi, “Noye iqeu Job jukutoju akema? Kughengu pa toi kemi amikucho, achipiu kuxu xukemi eno axine theqikulumi lakhimu ayeghilo kuhae.”

JOB 1:1

Khaghi Uz ghakhulo Job ipikeu ache. Paye Alhou sumsa kemi eno tichetighemi kumo ikemu akumzumi eno lhoksakugha lono tsughuve chekemi.

AKIKIHI 11:29

Muse no ishi khochileve, “Noye ighenguno alokumsu shitsu ani keshea? Niye AMPEU pelo pa ghungu pesu pawu timi kumtsu tsupenishi ani eno kumtsu pelo tungkupu toi atsa pilupe nishike!”

BOTHUBO 6:9

Hipaqono Noha laghaqo: Pano anu kuthu shie, Shem ngo Ham eno Jafet. Noha ye pano tiqhelimi gholo pa likhino amikuchou eno kikhikighiue, paye Alhou sasu kuposhughi xu ache.

AKIKIHI 11:25

Tithiu AMPEU no khungkusu lono iqighino pa putsa. Pano anguagha Muse tsupua keu hami pesu sakiphemi lhotsuniqo tsue. Kughono aghunguno panongu lau ighi keno panonguye tungkupu toi ighono asheshu atsa pilu ikemu ado kushuwo ghenguno kumoe.

ZAKINIU 18:15

Tipa zuqhulo, nowu timiqo gholono tungkupu itoikeu lakhi pano nongu lau puwu nani eno nonguye pa gholu masake.

Apostolmi 2:5

Tishiakelo ayeghiqhalo ashiayeh jeli kumtsu lono Judami achine yehlo amlo tsukemiqo ighieno Jerusalem lo akhae.