Luke 18:14 - BAIBEL (BSI)

¹⁴ Jisu no pi, “Ino nongu vilo pini, timi hi ashekhauno Alhou lau amikucho shilu puzu pa kilo wovae, eno Farisimi huno kumoe. Kughengu khuno alikhi akughape qhemghai nikeno pa kughape kuchunive nani ikemu khuno alikhi akughape kuchuni nikeno pa kughape qhemghai tsu nani.”

Sümi Tiqhelimi Bible

¹⁴ “I no nongu vilo pìní, Phariseemi hu no kumo no zame küqhau no Alhou lau achipikaluve no aki lo wovae. Kughengu khuno no alikhi ampi pesü süqhe cheni keno kuchunuve nani eno khuno no alikhi ampi pesü kuchunu cheni keno süqheve nani.”

Sumi Naga CL (Re-edited) Bible (BSI)

¹⁴ I no nongu vilo piani, Pharisee no kumono timi hipau no achipikalu no pa kilo idewo lue. Kughengu khuu no pa ampi süqheni keno kuchunive nani, ikemu khuu no aqhokigheu shini keno pa süqhe nani.”

Luke 18:14 Referans Kwoze

Luke 14:11

Kughengu khuno pa likhi pa pesu kije shi cheni keno aqhokigheu shivepe nani eno khuno alikhi apesu chuninei nikeno kije shivetsu nani.”

Luke 16:15

Jisu no panongu vilo pi: “Timi zulo nongu likhi nonguno achipiu kepi acheni, ikemu Alhou no nongu mlo ithi anie. Kughengu timino kiu pesu amekuapu kije kepi kumsu cheni keno Alhou zuloye kiumu ame kuhae.

James 4:10

Nonguno Ampeu zulo mtshaivulo eno pano nongu sunheqhe nani.

MATTHEW 23:12

Khunono alikhi akughape suqheni keno tipanoye kuchunive nani eno khunono alikhi ampi pe kuchunini keno tipano suqheve nani.”

AHOLE 29:23

Qhezalaki keuno osunheqhive nani ikemu nono akumtsha kughuvu shiaye ogihu nani.

James 4:6

Ikemu Alhou no kupukini tsukeuye tinguno alauke. Tighenguno kuchoyesulo ishi pipuani, “Alhou no aqhekuzami lakhave cheni ikemu mtshaivukemi lau kupukini tsu cheni.”

Luke 1:52

Pano akumto kukami panongu kuka lakhu lono sunheqhive, Ikemu aqhokighemi sunheqheve.

LESHELE 138:6

Noye kunguu shishe qhemghai anamu, nono aqhokighemi tuchoke, eno aqhekuzamiye olauno itshuwuve mlae,

MATTHEW 5:3

“Amlolo kumlhomi shi aniepi ithikemi kumghae, kughengu Kungugha yehkipeye panoqo wuke!

ISAIAH 57:15

Niye akiqheu eno akimthe Lhou, alhokupujulo xu chekeuke. Niye akiqheu eno akimthe alo acheni ikemu niye aqhokighemi eno xaideghive kemi gholo ghi xuacheni, tishi anguno ino panoqo kupukhu eno panoqow lajupu sachile saghitsunike.

AHOLE 3:34

AMPEU ye timi thaigha chekemi peitha chemoe ikemu khunono aqhokighemi keno tipano lau amlo kiqi acheni.

JOB 25:4

Tishiaye timino Alhou zulo khile amikucho shiluni kya? Momu aza polono ighikemi gholo khuuno muqhamiqhiyi aghilu nani kya?

Galatiami 2:16

Tishimu ninguno ithi akeuno timi lakhiye Jisu Khristo shou akupulu bekeu vechewo likhino Alhou lau achipikalu cheni kethono Ayezahlo kiu shilopi puanikeno tipau shilukeu vechewono kumoe.

Rommi 4:5

Ikemu timi khuno akumla shimo kemu pa kupulu Alhou lau beni keno, Alhou ye hekupusami pa lau achipi kaluvepe chekeu kehu, Alhou no pa kupulu kihilutsuno pa lau achipikaluvepe cheni.

Rommi 3:20

Kughengu Ayezah vechewo timi pelo paye axine shivaepi ithipe cheni kethono, Ayezahlo shilo pi puakeu shilukeu lono timi khumu Alhou zulo achipi kalukeu shimlae.

Luke 10:29

Ikemu Ayezah kukutsumi huno pa likhi paye achipie pinishive kehu pano Jisu vilo iniju, “Khuuno ikisughumi kya?”

AHOLE 18:12

Khukhumu aqhokigheu shimoaye pa sumsa chemoe; qhezalaki kemiye shikupusa lalo cheni.

AHOLE 15:33

AMPEU sukumsaye alokutsu kukutsuke. Noye agigihupu ithulunike zuuno aqhokigheu shipaghi masae.

JOB 22:29

Ikemu Alhou no aqhekuzami sunhe qhive nani eno akumtsha akughuvu mi xalu nani.

SAMUEL ATUGHIU 1:18

Lino khochile “Ogizulo oqeliu pelo azukuvupu shilupeniu.” Tishiveno liye wuveno achuqupu hami chulu eno liye amlo kusa kuhave.

IPEKULU 18:11

Itehiye ino ithiveake AMPEU ye alhou kutauqo kumtsu nguno akijeuke, kughengu Ijipmino Israilmi jumithi ghi peithapusa acheke lono pano hipau shivetsuke.”

Rommi 8:33

Alhou no kisheluvekemiqo shou khuno akipimi tsukulupu kya? Alhou ampino panoqo pesu, “Achipishivae” ipivetsua!

Rommi 5:1

Tighenguno ninguye akupulu lono Alhou lau achipikaluve akehu, ningu Mipeu Jisu Khristo vechewo ninguye Alhou sasu kulashiluvae.

DANIEL 4:37

Ni Nebukadnezar no, akishe, agigihu pe Kungughalo kukau tsu ani. Pano kiu mlakeno kumtsu amikucho eno achipike eno pano aqhekuzami kughape kumtsu nguno aghulou shive tsukepu kuka ani.”

ISAIAH 53:11

Ghichhe ghime kuxu thikhauno, paye itaghi alovilu nani, paye adou lono imepuamo kepi ithilu nani. Iqeu amlo tsuchekeu, khuu shou ilokiqipu acheni keno timi kutomo ghimepu pano pepuluve nani eno pa ghenguno ino pano xine pevetsu nani.

ISAIAH 45:25

Ni, AMPEU no Jakob laghami kumtsu xaphelu nani, eno panonguno sheqhekeu itsu nani.”

JOB 9:20

Niye achipi shi anamu, itsaye kuqu akehutoi. Niye viwoto aghi namu pano ikughape chighichilai vetsue.

HABAKUK 2:4

Atsape huye hike: ‘Khunoqono alhoksa keno puxumo nani ikemu khunoqono amikucho keno xulu nani kughengu panonguye Alhou lau amikucho shi achenike.’ ”

YETSAPIU 9:7

Wupuzu oghakiqishi ochuqupu chualo; oji shoalo olo pivilo, Alhou ye thwokha kumtsu lo achipishi anike.

LESHELE 143:2

Ni oqeu pelo thaiqho thaiqi keu zulo ilopekevilo; kughengu timi lakhimu ozulo pimimokeu kuhae.

ISAIAH 66:2

Ni ampino tsutsu yeghiqha kuchopu lhoke! Niye timi khunoqono mtshaivu eno xaideghi, khuuno isumsa eno igholu cheni keno tipaqo lau imloqi acheni.

AHOLE 25:7

Alakhu akiqheulo opelo ngopeniaye oku pekeuno olakhu pesu kutami akhotomi tsuvelopi pikeu nguno akiviuke.