Luke 17:25 - BAIBEL (BSI)

²⁵ Ikemu atughushi paye shishe ime masa eno hipau tiqhelimi pelo pa leve pe nani.

Sümi Tiqhelimi Bible

²⁵ Ikemu pa ye atüghishi shishe ime moayesa nani eno hipau tiqhelimi pelo pa milive pe nani.

Sumi Naga CL (Re-edited) Bible (BSI)

²⁵ Ikemu pa ye atüghüshi aghime jeli kutomo puqhe no hipa tiqhelimi no kileqhive penani.

Luke 17:25 Referans Kwoze

MATTHEW 16:21

Tipani nguno Jisu no pa khopemi vilo tuchecheno ishi pithuve, “Niye Jerusalem lo wumasa eno Judami kichimi ngo achinetomi ngo Ayezah kukutsumi pelo aghime tsu-kepu shini cheni, eno ipithivepe nani eno akuthuni ixuputhuve nani.”

Luke 9:22

pi, “Timi Nu ye shishe ime masae; muchomiqo, achinetomi eno Ayezah kukutsumiqo pelo pa levepe, pithivepe masae ikemu akuthunino xuputhuve nani.”

Mark 8:31

Tileno Jisu no pa khopemi vilo akukutsu tsukeuno “Timi Nu ye aghime kitikhi shimasa, eno Judami kichimi achinetomi eno Ayezah kukutsumi qono pa ikhilumo nani eno pa pithive nani ikemu atsala kuthu thiuye pa xuputhuve nani” ipi.

John 1:11

Pano pa yeghi lau ighi ikemu pawu timiqono pa ikhilumoe.

Luke 18:33

Panonguno pa he pa ghiqhi nani, ikemu atsala akuthunilo pa xuputhuve nani.”

Mark 12:10

Kuchouno nonguye kuchoyesulo ishi yepuakeu philuvea: ‘Aki kishimino atu khipau kileqhive keno tipauno kumtsu nguno akhotou tuqu shiaghive.

MATTHEW 21:42

Jisu no panoqo vilo ishipi, “Nonguye kuchoyesulo hipau khilemu phimla kesha? ‘Aki kishimino atu khipau kideqhive keno, tipauno atsu-pukeu tuqu shive aghie, Hiye Ampeu no shivetsuke, eno tiye nizulo akichiqhipue!’ ”

ISAIAH 53:3

Ninguno pa jumithike eno pa miliveke; paye aghichhe ghime eno sakutu keu puqheke. Milakhinomu pa kudau jupuwu moke - paye kiumu kumo kehutoi ninguno pa phimoke.”

John 12:38

tino Isaya tungkupuno pipuakeu shi kupuve: “O Ampeu, ninguno pikeu sutsa khuno pulutsu kya? Khuno lau Ampeu kukakumto pephe piye kya?”

Luke 24:46

panongu vilo pi, “Ishi yeh puani: Khristo ye ime puzu akuthuni akithi lono xuthumasae.

Luke 18:31

Jisu no akhopemi chighi kini kutashi sawu puzu panongu vilo pi, “Inilo! Ninguye Jerusalem lo wuni cheni, khilehino tungkupmino Timi Nu vehu yepe puakeu thwokha kupuni chenikeno.

Mark 10:33

“Julo, ninguye Jerusalem lo iqho cheni, eno tilano ni Timi Nu ye achinetomi ngo Ayezah kukutsumi lau kughapesu sawuve nani. Panonguno pa pithivepe nikeu shi pa koleqhive nani eno Judakumomi ulo suvetsu nani.

Mark 9:31

Pano pa khopemi vilo ishi pie, “Ni Timi Nu ye kughasawo timiqo ulo suvetsu nani, eno timiqono pa pithive nani; tishinamu atsala kuthu thiu paye xuthughive nani.”

SAMUEL ATUGHIU 10:19

Niye nongu Lhou ke, nongu kukupna eno shiluksa lono nongu xaphe kuluu ke, ikemu ishiye nonguye imiliveno akukau lakhi nongu tsulepi khu ani. Tishi aye nongu pututa ashiayeh eno alagha kiqi lono AMPEU zulo hekutsu kumqo ngolo.’ ”

SAMUEL ATUGHIU 8:7

eno AMPEU no pi, “Timiqono ovilo kiu pi ighini keno ti kumtsu inijutsulo. Panonguye opevekeu shi amoe; ikemu ino panongu kukau shi akeu ti-u milive anie.